29 aqpan kúngi Májilistiń jalpy otyrysynda bıýdjet josparyna engiziletin tolyqtyrýlar talqyǵa salynady
ASTANA. 27 aqpan. QazAqparat - 29 aqpan, sársenbi kúni, Májilistiń jalpy otyrysy ótedi.
Jalpy otyrysta «2012 - 2014 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańyna ózgerister men tolyqtyrýlar engizý týraly», «Qazaqstan Respýblıkasynyń Ulttyq qorynan 2012 - 2014 jyldarǵa arnalǵan kepildendirilgen transfert týraly»Qazaqstan Respýblıkasynyń Zańyna ózgeris engizý týraly» zań jobalary Palatanyń talqysyna shyǵarylatyny kózdelýde.
Depýtattar QR Ekonomıkalyq damý jáne saýda mınıstri Baqytjan Saǵyntaevtyń, QR Qarjy mınıstri Bolat Jámishevtiń, QR Ulttyq Banki Tóraǵasynyń orynbasary Danııar Aqyshevtyń baıandamalaryn tyńdaıdy. Sondaı-aq Májilistiń Qarjy jáne bıýdjet komıtetiniń tóraıymy Gúljan Qaraqusova qosymsha baıandama jasaıdy.
Jalpy otyrystyń kún tártibi basqa da máselelermen tolyqtyrylýy yqtımal. Bir eskeretin jaıt, jalpy otyrys ádettegideı 10-da emes, saǵat 15-00-de bastalǵaly tur.
