29-30 qazan: Jerde magnıttik daýyl bolýy múmkin
ASTANA. KAZINFORM — Kúndegi koronaldyq tesiktiń áserinen 29-30 qazan kúnderi Jerde geomagnıttik aýytqýlardyń jańa tolqyny bolýy múmkin. Alaıda ázirge magnıttik daýyldardyń týyndaý yqtımaldyǵy tómen dep baǵalanyp otyr, dep jazady BelTA.
Bul týraly Reseı Ǵylym akademııasynyń Ǵaryshtyq zertteýler ınstıtýty men Sibir bólimshesiniń Kún-jer fızıkasy ınstıtýty janyndaǵy Kún astronomııasy zerthanasy habarlaǵan.
— Esepteýler boıynsha 28 qazan, sársenbiden bastap Jer kezekti koronaldyq tesiktiń áser etý aımaǵyna enedi. Osyǵan baılanysty beısenbi jáne juma kúnderi geomagnıttik aýytqýlardyń jańa tolqyny kútiledi. Degenmen magnıttik daýyl deńgeıine jetý yqtımaldyǵy ázirge tómen dep baǵalanyp otyr, — delingen habarlamada.
Mamandardyń esepteýine sáıkes, Kún jeliniń jyldamdyǵy sekýndyna 600 shaqyrymǵa deıin jetýi múmkin. Bul qalypty deńgeıden shamamen 50 paıyzǵa joǵary. Alaıda mundaı kórsetkish ádette qaýipti, ıaǵnı qyzyl aımaqqa ótýge jetkiliksiz.
Aıta keteıik, 10 qazan kúni Jerde sońǵy úsh aıdaǵy eń kúshti magnıttik daýyl tirkeldi.
