284 myń páter jeńildikti áleýmettik turǵyn úı retinde beriledi – Asqar Mamın

NUR-SULTAN. QazAqparat - 5 jylda 977 myń otbasyǵa 103 mln sharshy metr úı salynady. Bul týraly Májiliste «Nur Otan» partııasynyń saılaý aldyndaǵy mindettemelerin iske asyrýǵa arnalǵan talqylaý kezinde Premer-Mınıstr Asqar Mamın málim etti, dep habarlaıdy QazAqparat tilshisi.

«Nur Otan partııasynyń lıderi - Elbasy Nursultan Ábishuly Nazarbaev jáne Memleket basshysy Qasym-Jomart Kemeluly Toqaev «Ózgerister joly: Ár azamatqa laıyqty ómir!» saılaýaldy baǵdarlamasyn sapaly jáne tıimdi iske asyrýdy tapsyrdy. Búgin, Úkimet Nur Otan partııasynyń Parlament Májilisindegi fraktsııasynyń aldynda saılaýaldy baǵdarlamany júzege asyrý boıynsha tıisti Jol kartasynyń jobasyn usynyp otyr», - dedi A. Mamın.

Jol kartasy Saılaýaldy baǵdarlamasynyń tórt baǵyty boıynsha 362 is-sharadan turady:

- birinshi - «Barshaǵa teń múmkindik»;

- ekinshi - «Zııatker, salamatty jáne yjdaǵatty ult;

- úshinshi - «Ekonomıka men óńirlerdiń turaqty damýy» jáne tórtinshi - «Halyqqa esep beretin memleket jáne jaýapty azamattar».

«Baǵdarlamanyń «Barshaǵa teń múmkindik» birinshi baǵyty boıynsha mindetterdi sheshý úshin árbir azamattyń áleýetin iske asyrý úshin teń múmkindikter jasaýǵa baǵyttalǵan 99 is-sharany oryndaý kózdeledi. Qazaqstandyq otbasylardy qoldaý jáne nyǵaıtý boıynsha júıeli sharalar iske asyrylady. 5 jylda 977 myń otbasyǵa 103 mln sharshy metr úı salynady, onyń ishinde 284 myń páter jeńildikti áleýmettik turǵyn úı retinde beriledi», - dedi Úkimet basshysy.

Onyń aıtýynsha, 3 trln teńgeden astam qarajat, ınflıatsııa deńgeıin eskerip, áleýmettik tólemderdi ındeksteýge jumsalady. Áleýmettik salanyń máselelerin júıelendirý maqsatynda 2021 jyly Áleýmettik kodeks ázirlenip, 2023 jyly qabyldanady.