28 jeltoqsanda elordada ótetin mańyzdy sharalar ańdatpasy
9.00-de Úkimet úıinde Úkimet otyrysy ótedi. Kún tártibinde sanıtarııalyq-epıdemıologııalyq jaǵdaı,qurylys salasyn damytý máseleleri, QR Úkimetiniń zań jobalaý jumystarynyń 2021 jylǵa arnalǵan josparynyń oryndalýy jáne Úkimettiń zań jobalaý jumystarynyń 2022 jylǵa arnalǵan jospary jobasy talqylanady.
11.00-de Májiliste Halyqaralyq ister, qorǵanys jáne qaýipsizdik komıteti «Qazaqstannyń kıberqalqany» tujyrymdamasyn iske asyrýdyń ózekti máseleleri» taqyrybynda keńeıtilgen otyrys ótkizedi.
12.30-da QR Prezıdenti janyndaǵy Ortalyq kommýnıkatsııalar qyzmetinde QR Energetıka mınıstri Maǵzum Myrzaǵalıev «Memleket basshysynyń Joldaýy aıasyndaǵy tapsyrmalaryn júzege asyrý jáne 2021 jylyndaǵy qyzmetiniń qorytyndylary týraly» baspasóz máslıhatyn ótkizedi. Kórsetilim siltemeleri: https://www.youtube.com/user/ortcomkz, https://ru-ru.facebook.com/ortcomkz.
15.30-da Májiliste «Qazaqstan Respýblıkasynyń keıbir zańnamalyq aktilerine halyqtyń kóshi-qony salasyndaǵy zańnamany jetildirý máseleleri boıynsha ózgerister men tolyqtyrýlar engizý týraly» zań jobasynyń tanystyrylymy ótedi. Baıandamashy – Zańnama jáne sot-quqyqtyq reforma komıtetiniń múshesi Erlan Smaılov.