28 jeltoqsanda eldegi qaı joldar ashyq, qaısysy jabyq

ALMATY. KAZINFORM – «QazAvtoJol» ulttyq kompanııasy eldegi joldardyń qazirgi ahýaly týraly habarlady. 

Ulttyq kompanııanyń málimetinshe, 2025 jylǵy 28 jeltoqsan saǵat 09:00-de kelesi respýblıkalyq mańyzy bar avtojoldarda kóliktiń barlyq túri úshin qozǵalys ashylady:

Aqmola oblysy

• «Jezqazǵan – Arqalyq – Petropavl» avtojolynyń 337-595-shaqyrym aralyǵy (Qostanaı oblysynyń shekarasynan Soltústik Qazaqstan oblysy shekarasyna deıin);
• «Qostanaı – Áýlıkól – Surǵan» avtojolynyń 232-260-shaqyrym aralyǵy (Qostanaı oblysynyń shekarasynan Surǵan eldi mekenine deıin);
• «Jaqsy – Esil – Buzylyq» avtojolynyń 0-82-shaqyrym aralyǵy (Jaqsy eldi mekeninen Buzylyq eldi mekenine deıin);
• «Astana – Atbasar – Jaqsy – Rýzaevka – Sarykól – Qostanaı – RF shekarasy (Qaıraq ótkizý pýnkti)» avtojolynyń 16-419-shaqyrym aralyǵy (Astana qalasynan SQO shekarasyna deıin);
• «Astana – Qorǵaljyń» avtojolynyń 19-124-shaqyrym aralyǵy (Astana qalasynan – Qorǵaljyń aýylyna deıin).

Coltústik Qazaqstan oblysy

• «Astana – Atbasar – Jaqsy – Rýzaevka – Sarykól – Qostanaı – RF shekarasy» avtojolynyń 834-856-shaqyrym aralyǵy (Chıstopole aýylynan – Aqmola oblysy shekarasyna deıin)
• «Jezqazǵan – Arqalyq – Petropavl» avtojolynyń 595-624-shaqyrym aralyǵy (Aqmola oblysy shekarasynan Dostyq aýylyna deıin)

Qostanaı oblysy

• «Jezqazǵan – Arqalyq – Petropavl» avtojolynyń 340-377-shaqyrym aralyǵy (Arqalyq qalasynan Aqmola oblysynyń shekarasyna deıin)
• «Qostanaı – Áýlıekól – Surǵan» avtojolynyń 218-23-shaqyrym aralyǵy (Oktıabrskoe aýylynan Aqmola oblysynyń shekarasyna deıin);

Jabyq joldar

Jetisý oblysynda aýa raıy jaǵdaılarynyń nasharlaýyna baılanysty (boran, kórinýdiń shektelýi) «Úsharal – Dostyq» avtomobıl jolynyń 84-164-shaqyrym aralyǵynda (Kóktuma stantsııasy – Dostyq stantsııasy ýchaskesi) barlyq kólik túriniń qozǵalysyna shekteý engizildi.

Al tirkemesi bar jáne jartylaı tirkemeli júk kólikteriniń qozǵalysy Osınov asýynda ýaqytsha shekteldi. Shekteý «Óskemen – Altaı – Katonqaraǵaı – Rahman qaınary» avtojolynyń 46-66-shaqyrymyndaǵy (Severnoe aýyly – Serebrıansk qalasy) ýchaskesinde qys aıaqtalǵansha saqtalady.

Al Pavlodar oblysynda «Astana – Shiderti – Pavlodar – Ýspenka – RF shekarasy» avtojolyndaǵy jolaıryqtyń kópir qurylymynyń shetki arqalyqtary zaqymdanýyna baılanysty «Qalqaman» jolaıryǵy ýchaskesi jabyldy. Atap aıtqanda, Qalqaman kentine kireberis pen Astana baǵytyna shyǵatyn jol ýaqytsha jabyq.

Eske salaıyq, buǵan deıin 28 jeltoqsanda elimizdiń basym tuman túsip, kóktaıǵaq bolatynyn habarlaǵanbyz.