28 jeltoqsan kúngi aýa raıy boljamy
NUR-SULTAN. QazAqparat – 28 jeltoqsan kúni respýblıkanyń batysynda, soltústik-batysynda jáne soltústiginde qar jaýady. Qalǵan aımaqtarda kóbinese jaýyn-shaynsyz aýa raıy kútiledi. Respýblıka boıynsha keı jerlerde tuman, jaıaý burqasyn, jeldiń kúsheıýi, batysta – kóktaıǵaq boljanady, dep habarlaıdy QazAqparat «Qazgıdromet» RMK málimetine silteme jasap.
Atap aıtqanda, Batys Qazaqstan, Aqtóbe, Qostanaı, Soltústik Qazaqstan, Aqmola oblystarynyń keı jerlerinde tuman, burqasyn, 15-23 m/s ekpinde jel bolady. Batys Qazaqstan oblysynda sondaı-aq kóktaıǵaq kútiledi.
Jambyl, Almaty oblystarynyń keıjerlerinde tuman kútiledi, jel 15-22 m/s kúsheıedi.
Atyraý, Túrkistan, Shyǵys Qazaqstan oblystarynyń keı jerlerinde tuman boljanady. Atyraý oblysynda sondaı-aq kóktaıǵaq bolady.
Shyǵys Qazaqstan oblysynda túnde keı jerlerde qatty aıaz saqtalady.
