28 jeltoqsan. Qazgıdromettiń kún raıyna jasaǵan boljamy
NUR-SULTAN. QazAqparat - Qazgıdromet 28 jeltoqsanda bolatyn erekshe meteorologııalyq qubylystarǵa boljaý konsýltatsııasyn jarııalady, dep habarlaıdy QazAqparat.
Qazaqstannyń basym bóliginde Soltústik-Batys tsıklon jyrasynyń ótýimen qar jaýyp, jaıaý burqasyn bolady. Tek Qazaqstannyń ońtústiginde, ońtústik-shyǵysynda jáne ortalyǵynda jaýyn-shashynsyz aýa raıy kútiledi. Respýblıkanyń keı jerlerinde tuman, elimizdiń ońtústik-shyǵysynda, soltústiginde, batysynda kóktaıǵaq kútiledi.
Qostanaı oblysynda jel 15-20 m/s kúsheıedi, oblystyń ortalyǵynda, ońtústiginde jaıaý burqasynmen soǵady, oblystyń soltústiginde tuman bolady.
Soltústik Qazaqstan oblysynyń soltústiginde, ońtústiginde, shyǵysynda 15-20 m/s jel jaıaý burqasynmen bolady, kóktaıǵaq, oblystyń ońtústik-batysynda tuman bolady. Almaty oblysynyń soltústiginde, shyǵysynda, ońtústiginde tuman, kóktaıǵaq, Alakól kólderi aýdanynda jeldiń jyldamdyǵy 18-23 m/s jetedi.
Aqmola oblysynda jaıaý burqasyn soǵady, soltústik – batysynda, ońtústik-shyǵysynda jeldiń jyldamdyǵy 15-20, ekpini 23 m/s jetedi.
Pavlodar oblysynyń batysynda, soltústiginde jaıaý burqasyn kútiledi, oblystyń batysynda jel 18 m/s kúsheıedi. Qaraǵandy oblysynyń shyǵysynda, ortalyǵynda, Shyǵys Qazaqstan oblysynyń soltústiginde, ońtústiginde, Qyzylorda oblysynyń ońtústiginde, Mańǵystaý oblysynyń ortalyǵynda, Aqtóbe oblysynyń soltústik-batysynda, soltústiginde, Batys Qazaqstan oblysynyń soltústiginde, Túrkistan oblysynyń taýly aýmaǵy men taý bókterinde, Jambyl oblysynyń soltústigi men taýly, taý bókterinde tuman kútiledi.
Atyraý oblysynyń batysynda, ońtústiginde, shyǵysynda tuman, kóktaıǵaq kútiledi.
