28 jasar tarazdyq turǵynnan marıhýana tabyldy

TARAZ. QazAqparat – Jedel-izdestirý is-sharalaryn júrgizý barysynda Taraz turǵynynan bir keliden astam marıhýana esirtki zaty tárkilendi,- dep habarlaıdy QazAqparat tilshisi.

​Atalǵan is-sharany Jambyl oblysy polıtsııa departamentiniń Esirtki qylmysyna qarsy is-qımyl basqarmasynyń qyzmetkerleri júrgizgen. Nátıjesinde esirtki zattaryn satýmen aınalysqan 28 jastaǵy Taraz qalasynyń turǵynyn ustaldy. Bul týraly departamenttiń baspasóz qyzmeti málimdedi.

​«Kúdiktiniń avtokóligin tekserý barysynda bir keliden astam «keptirilgen marıhýana» esirtki zaty anyqtalyp, tárkilendi. Kúdikti kinásin moıyndap, Taraz qalasy Polıtsııa basqarmasynyń Ýaqytsha ustaý ızolıatoryna qamaýǵa alyndy»,-delingen habarlamada.

​Qazirgi tańda kúdiktige qatysty QR Qylmystyq kodeksiniń 296-babynyń 4-bóligi boıynsha sotqa deıingi tergeý amaldary bastalǵan.