28 tamyz kúngi aýa raıy boljamy
NUR-SULTAN. QazAqparat – 28 tamyz kúni Qazaqstan aýmaǵynyń basym bóliginde aýa raıy jaýyn-shashynsyz bolady. Respýblıkanyń tek soltústik-shyǵysynda, shyǵysynda, ońtústik-shyǵysynda naızaǵaı men jańbyr boljanady. Jekelegen óńirlerde jeldiń kúsheıýi, daýyl, tuman kútiledi, shyǵysta burshaq jaýýy yqtımal, dep habarlaıdy QazAqparat.
«Qazgıdrometke» RMK málimetine sáıkes, juma kúni Jambyl oblysynyń keı jerlerinde tuman, daýyl kútiledi, jel 15-20 m/s kúsheıedi.
Shyǵys Qazaqstan oblysynyń keı jerlerinde daýyl kútiledi, jeldiń ekpini kúndiz 23 m/s artady, burshaq jaýýy yqtımal.
Tańerteń jáne kúndiz Qyzylorda, kúndiz Túrkistan, Atyraý, Batys Qazaqstan, Qaraǵandy oblystarynyń keı jerlerinde jel 15-20 m/s kúsheıedi.
Túnde jáne tańerteń Soltústik Qazaqstan oblysynyń keı jerlerinde tuman, kúndiz Mańǵystaý oblysynyń keı jerlerinde shańdy daýyl kútiledi.
Qyzylorda oblysynda, Túrkistan oblysynyń keı jerlerinde, Atyraý, Jambyl, Almaty, Batys Qazaqstan oblystarynyń ońtústiginde, Qaraǵandy oblysynyń ońtústik-batysynda tótenshe órt qaýpi kútiledi.
