28 shilde. Tulǵalar týǵan kún
Búgin, 28 shilde kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
64 jyl buryn (1961) Qazaqstan Respýblıkasy Parlament Senatynyń depýtaty, Halyqaralyq qatynas, qorǵanys jáne qaýipsizdik komıtetiniń tóraǵasy Andreı Ivanovıch LÝKIN dúnıege keldi.
Tselınograd qalasynda týǵan. 1983 jyly Tselınograd qalasynyń ınjenerlik-qurylys ınstıtýtyn (ınjener-qurylysshy), E.A.Bóketov atyndaǵy Qaraǵandy memlekettik ýnıversıtetin (zańger-quqyqtanýshy) bitirgen.
Eńbek joly: 1985-1998 jyldary QRІshki ister mınıstrligi organdarynda qyzmet ótkergen. Aqmola qalasy Shyǵys ishki ister bóliminiń bastyǵy, Aqmola qalasy Іshki ister basqarmasynyń bastyǵy, Memlekettik Tergeý Komıtetiniń bastyǵy. 1998-2003 jyldary Astana qalasy Turǵyn úı departamentiniń bastyǵy, 2003 jyly QR Indýstrııa jáne saýda mınıstrligi Ákimshilik jáne quqyq jumysy departamentiniń dırektory, 2003-2005 jyldary QR Indýstrııa jáne saýda vıtse-mınıstri, 2005-2012 jyldary QR Ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polıtsııasy) Tóraǵasynyń orynbasary, 2012-2014 jyldary QR Ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polıtsııasy) Tóraǵasynyń birinshi orynbasary, 2014-2017 jyldary Astana qalasy ákiminiń orynbasary, 2017-2019 jyldary QR Bas prokýrorynyń orynbasary laýazymyn atqarǵan.
Qazirgi qyzmetin 2023 jyldan bastap atqaryp keledi.
Qarjy polıtsııasynyń general-maıory. ІI dárejeli «Dańq» ordenimen, birqatar medaldarmen jáne tósbelgilermen marapattalǵan.
61 jyl buryn (1964) Aqtóbe oblystyq máslıhatynyń tóraıymy Gúlqasıma Ramazanqyzy SÝENTAEVA dúnıege keldi.
Aqtóbe oblysynda dúnıege kelgen. 1988 jyly Almaty halyq sharýashylyǵy ınstıtýtyn, 2015 jyly Almaty menedjment ýnıversıtetin támamdaǵan. Mamandyǵy boıynsha biliktiligi — ekonomıst, iskerlik ákimshilendirý magıstri.
Eńbek jolyn 1983 jyly Aqtóbe qalalyq densaýlyq saqtaý bóliminiń esepshisi bolyp bastaǵan.
1992-2001 jyldary Aqtóbe qalasynyń qarjy bóliminde, oblystyq densaýlyq saqtaý basqarmasynda jumys istedi, Aqtóbe oblysynyń medıtsınalyq kómek kórsetý ortalyǵynyń dırektory qyzmetin atqardy.
2001-2005 jyldary QR Densaýlyq saqtaý isteri agenttiginiń býhgalterlik esep, memlekettik satyp alý jáne ınvestıtsııalyq baǵdarlamalardy taldaý basqarmasyn, QR Densaýlyq saqtaý mınıstrligi Ekonomıka jáne qarjy departamentiniń esepke alý jáne qarjylandyrý basqarmasyn basqardy.
2005-2007 jyldary Aqtóbe oblystyq qarjylyq baqylaý jáne memlekettik satyp alý basqarmasy basshysynyń orynbasary, 2007-2017 jyldary Ulttyq ǵylymı medıtsınalyq ortalyqtyń qarjy-ekonomıkalyq taldaý jáne býhgalterlik esep bóliminiń bastyǵy-bas esepshisi, dırektordyń uıymdastyrý-ekonomıkalyq jumys jónindegi orynbasary, QR Densaýlyq saqtaý mınıstrligi Ekonomıka jáne qarjy departamentiniń dırektory, QR Densaýlyq saqtaý jáne áleýmettik damý mınıstrliginiń dárilik zattardy, medıtsınalyq maqsattaǵy buıymdar men medıtsınalyq tehnıkany saraptaý ulttyq ortalyǵynyń dırektory — Bas dırektordyń ekonomıkalyq máseleler jónindegi orynbasary, «SK-Farmatsııa» JShS qarjylyq taldaý bóliminiń bastyǵy, ekonomıka jáne qarjy departamentiniń dırektory, 2017-2022 jyldary respýblıkalyq bıýdjettiń atqarylýyn baqylaý jónindegi esep komıtetiniń uıymdastyrý — baqylaý jáne kadr jumysy bóliminiń meńgerýshisi, Aqtóbe oblysynyń qarjy basqarmasynyń basshysy, Aqtóbe oblysynyń ekonomıka jáne bıýdjettik josparlaý basqarmasynyń basshysy qyzmetterin atqardy. 2022-2023 jyldary Aqtóbe oblysy ákiminiń orynbasary boldy.
Qazirgi laýazymyn 2023 jylǵy naýryzdan bastap atqaryp keledi.
45 jyl buryn (1980) Qazaqstan Respýblıkasy Ónerkásip jáne qurylys mınıstri Ersaıyn Qaıyrǵazyuly NAǴASPAEV dúnıege keldi.
Qaraǵandy qalasynda týǵan. 2001 jyly E.Bóketov atyndaǵy Qaraǵandy memlekettik ýnıversıtetin «Halyqaralyq ekonomıkalyq qatynastar» mamandyǵy boıynsha bitirgen.
Eńbek joly: 2001-2002 jyldary Temirtaý qalasy ákimi apparatynyń jetekshi mamany, 2002-2003 jyldary Investıtsııalar komıtetiniń attashesi, QR Syrtqy ister mınıstrliginiń attashesi, 2003-2006 jyldary attashe, Qazaqstan Respýblıkasynyń Reseı Federatsııasyndaǵy Elshiliginiń úshinshi hatshysy, 2006-2007 jyldary QR Kólik jáne kommýnıkatsııa mınıstrligi Kólik saıasaty jáne halyqaralyq yntymaqtastyq departamentiniń bólim bastyǵy, dırektorynyń orynbasary, 2007-2009 jyldary «Aqtaý halyqaralyq saýda porty» RMK dırektorynyń orynbasary, apparat basshysy, 2009 jyly QR Kólik jáne kommýnıkatsııa mınıstrliginiń Ákimshilik jumys jáne qoǵamdyq jumystar jáne memlekettik satyp alý departamenti dırektorynyń orynbasary, QR Premer-Mınıstri orynbasarynyń keńesshisi, 2009-2010 jyldary Qaraǵandy qalasy Qazybek bı aýdany ákiminiń orynbasary, 2010-2011 jyldary Qaraǵandy oblysy ákiminiń keńesshisi, 2011-2013 jyldary Qaraǵandy oblysy Shahtınsk qalasynyń ákimi, 2013-2014 jyldary Astana qalasy ákiminiń orynbasary, 2014-2016 jyldary «Astana» ÁKK» AQ basqarma tóraǵasy, 2016-2020 jyldary «Novostroı Astana» JShS dırektorynyń strategııalyq damý jónindegi orynbasary, 2021-2022 jyldary «QTJ» UK» AQ jabdyqtaý jónindegi basqarýshy dırektory, 2022-2025 jyldary «QTJ» UK» AQ jańa jobalar jónindegi basqarýshy dırektory m. a. boldy.
Qazirgi qyzmetin 2025 jyldyń aqpan aıynan beri atqaryp keledi.