28 seısmostantsııanyń biri jer silkinisin tirkep, habarlandyrý jiberdi – TJM

ALMATY. KAZINFORM – Tótenshe jaǵdaılar mınıstrligi jer silkinisi baılanysty habarlandyrý qalaı taralǵanyn túsindirdi. 

TJM málimetinshe, 28 seısmostantsııadan qurylǵan avtomattandyrylǵan erte eskertý júıesi (ASRO) Almatyda 2023 jyldan bastap iske qosylǵan. 

– Alǵash bolyp oqıǵany tirkegen stantsııa — Aqjardaǵy stantsııa boldy. Alynǵan derekter negizinde júıe MasAlert-ke sıgnal jiberip, sodan keıin resmı habarlama taratyldy, - delingen vedomstvo jaýabynda.

Mınıstrlik ASRO men MasAlert júıesiniń ıntegratsııasy boıynsha jumystar jalǵasatynyn habarlady.

– Mamandar aqparat berý jáne analıtıkalyq algorıtmderdi jetildirý jumystaryn júrgizýde, bul qaýipti seısmıkalyq oqıǵalar kezinde halyqty der kezinde habardar etýge, sondaı aq naqtylyǵyn arttyrýǵa múmkindik beredi, - dep habarlady TJM.

Eske salaıyq, Almaty mańynda jer dúmpýi boldy. Jer silkinisiniń oshaǵy Almaty qalasynan ońtústik-batysqa qaraı 9 shaqyrym jerde Qazaqstan aýmaǵynda ornalasqan. 

Almatylyqtarǵa jer silkinisi týraly habarlama keldi. 

Sondaı-aq TJD basshysy Almatyda aftershok qaýpi týraly málimdeme jasady.