28 sáýirde el aýmaǵynyń basym bóliginde jańbyr jaýyp, jel kúsheıedi
ASTANA. QazAqparat - 28 sáýirde atmosferalyq aǵyndardyń ótýine baılanysty Qazaqstannyń basym bóliginde jańbyr jaýady, tek ońtústikte, ońtústik-batysta jáne soltústik- batysta jaýyn-shashynsyz aýa raıy kútiledi, dep habarlaıdy Qazgıdromet.
Respýblıkanyń keı jerlerinde jel kúsheıip, tuman túsedi, batysta burshaq jaýýy múmkin.
Shyǵys Qazaqstan, Pavlodar oblystarynyń keı jerlerinde naızaǵaı oınap, jel 15-20, ekpini 25 m/s jetedi, al Shyǵys Qazaqstan oblysynda tuman túsýi yqtımal.
Aqmola, Almaty, Qaraǵandy, Soltústik Qazaqstan, Jambyl oblystarynyń keı jerlerinde tuman bolyp, jeldiń jyldamdyǵy 15-20 m/s jetedi, Qaraǵandy oblysynda túnde jáne tańerteń kún kúrkirep, naızaǵaı oınaıdy.
Kúndiz Batys Qazaqstan oblysynyń keı jerlerinde naızaǵaı kútiledi, jeldiń kúshi 17-22 m/s jetedi, burshaq bolýy yqtımal. Kúndiz Atyraý oblysynda jel shańdy daýylǵa ulasyp, jel 15-20 m/s kúsheıedi.
Kúndiz Aqtóbe, Ońtústik Qazaqstan oblystarynyń keı jerlerinde jeldiń jyldamdyǵy 15-20 m/s jetedi.
Qostanaı, Mańǵystaý oblystarynda tuman túsedi.
