«28 panfılovshylar» fılminiń qazaq tilindegi dýblıajy aıaqtaldy
ALMATY. QazAqparat - Qazaqfılm kınostýdııasy «28 panfılovshylar» týraly fılmdi keń aýdıtorııaǵa, prokatqa shyǵarý úshin barlyq jumysty aıaqtady.
Fılm qazaqstandyq kórermenge 24 qarashada qazaq jáne orys tilderinde kórsetiledi, dep habarlady QazAqparat tilshisi.
18 qarasha kúni Almatyda fılmniń premerasy ótedi.
Fılmdi RF Mádenıet mınıstrligi jáne QR Mádenıet jáne sport mınıstrligi jáne «Qazaqfılm» AQ kınostýdııasynyń qatysýmen «28 panfılovshylar» (Sankt-Peterbor) táýelsiz stýdııasy túsirgen.
Reseıde fılmniń prokaty eki kún erterek, Dýbosekovo razezindegi urystyń 75 jyldyǵy men oqıǵa ótken Volokolamsk jolynda 16 qarashada kórsetiledi. Reseıde jalpy aýdıtorııaǵa arnalǵan kórsetilim 24 qarashadan bastalady.
Fılm oqıǵasynda 1941 jyldyń kúz aıyndaǵy urys túsirilgen. Sýretteý boıynsha 1941 jyldyń 16 qarashasynda 316 atqyshtar dıvızııasynyń general Panfılovtyń qol astyndaǵy 28 jaýyngeri Dýbosekovo razezinde Máskeýge baǵyt alǵan jaýdyń tank batalonyn toqtatqan. Sıýjet tolyǵymen Keńes jaýyngeriniń erligin pash etýge arnalǵan.
«28 panfılovshylardyń erligi ańyzǵa aınalyp, halyqtyń tarıhy ǵana emes, ulttyq mádenıettiń bólshegine aınalady. Azamattyq qoǵamnyń kody bolyp, qanymyzǵa sińedi, ony óshirý múmkin emes», dedi kınokartına rejısseri Andreı Shalopa.
Aıta ketý kerek, kınony túsirýge negizgi qarjy kraýdfandıng arqyly jınalǵan. Aqsha jınaýǵa 35 myń adam atsalysyp, 34,7 mln rýbl jınaǵan. Fılm bıýdjetiniń úshten bir bóligin Qazaqstan men Reseıdiń mádenıet mınıstrlikteri aýdarǵan. Jalpy bıýdjeti 150 mln rýbl. Fılm eki el aýmaǵynda túsirilgen. Basty rólderde: Aleksandr Ýstıýgov, ıAkov Kýcherevskıı, Azamat Nıgmanov, Oleg Fedorov, Anton Kýznetsov, Alekseı Longın, Ázız Beıshenalıev, Dmıtrıı Sýtyrın, Andreı Bodrenkov, Asqar Tileýqabylov jáne basqalar oınaǵan.
Fılmdi Reseı jáne Qazaqstan prezıdentteri qazan aıynda Astanada ótken eki eldiń aımaqaralyq yntymaqtastyǵy forýmynda kórgen.
Fılmdi tamashalaǵan soń eki eldiń memleket basshylary Almatyda jasaqtalyp, Máskeýdi qorǵaǵan dıvızııanyń erligi bolashaq urpaq esinde máńgilik saqtalýy kerek ekenin málim etti.
