28 naýryzda Qazaqstannyń basym bóliginde turaqsyz aýa raıy saqtalady - Qazgıdromet
ASTANA. QazAqparat - Respýblıkanyń basym bóliginde frontaldy aýa aǵymynyń ótýine baılanysty turaqsyz aýa raıy saqtalady, keı jerlerde jaýyn-shashyn, burqasyn, kóktaıǵaq bolyp, jeldiń kúsheıýi kútiledi, dep habarlaıdy «Qazgıdromet» RMK.
Keı jerlerde tuman túsedi. Ońtústik Qazaqstan, kúndiz Almaty, Mańǵystaý oblystarynyń keı jerlerinde ekpini 15-20 m/s bolatyn jel soǵady. Jambyl, Qaraǵandy, túnde Aqtóbe oblystarynda tuman, kóktaıǵaq bolady, jyldamdyǵy 15-20 m/s jel soǵady. Soltústik Qazaqstan, Pavldar oblystarynyń keı jerlerinde tuman bolady. Qyzylorda oblysynda kóktaıǵaq bolyp, jeldiń kúshi 15-20 m/s bolady. Atyraý oblysynda jyldamdyǵy 15-20 m/s jel soǵady, keı jerlerde shańdy daýyl turyp, ekpini 17-22 m/s-qa deıin barady. Batys Qazaqstan oblysy men Qostanaı oblystarynda da jeldiń kúshi 15-20 m/s bolady, keı jerlerde tuman túsedi. Shyǵys Qazaqstan oblysynda 17-22 m/s jel soǵyp, kóktaıǵaq bolady.
