28 naýryzda elimizdiń kóp aımaqtarynda kún ashyq bolady
NUR-SULTAN. QazAqparat - «Qazgıdromet» RMK mamandary 28 naýryzda Qazaqstan aýmaǵynda aýa raıy qandaı bolatynyn jarııalady, dep habarlaıdy QazAqparat.
Respýblıkanyń basym bóliginde kún ashyq, jaýyn-shashynsyz aýa raıy saqtalady. Qazaqstan terrıtorııasynyń shyǵys jartysynda atmosferalyq fronttarǵa baılanysty keı jerlerde jaýyn-shashyn jaýady.
Respýblıkanyń keı jerlerinde tuman túsip, jel kúsheıedi. Shyǵysta keı jerlerde kóktaıǵaq bolady.
Aqmola, Jambyl, Qostanaı, Soltústik Qazaqstan, Pavlodar, Qaraǵandy oblystarynyń keı jerlerinde tuman túsedi. Aqmola, Soltústik Qazaqstan oblystarynyń keı jerlerinde jel ekpini 15-20 m/s deıin kúsheıedi.
Almaty oblysynyń keı jerlerinde kúndiz jel jyldamdyǵy 15-20 m/s jetedi.
Shyǵys Qazaqstan oblysynyń keı jerlerinde tuman túsip, kóktaıǵaq bolady. Jel qarqyny - 15-20 m/s.
