28 naýryzda Qazaqstanda qaı joldar ashyq, qaısysy jabyq
ALMATY. KAZINFORM — «QazAvtoJol» ulttyq kompanııasy eldegi joldardyń qazirgi ahýaly týraly habarlady.
2026 jylǵy 28 naýryz saǵat 08:00–degi jaǵdaı boıynsha respýblıkalyq mańyzy bar avtojoldardyń kelesi ýchaskelerinde kólik qozǵalysy ashyldy:
Shyǵys Qazaqstan oblysy
• «Óskemen — Semeı» avtojoly, 12-103-shaqyrym (Óskemen qalasy — Kazache aýylyna burylys — Abaı oblysynyń shekarasy).
Abaı oblysy
• «Óskemen — Semeı» avtojoly, 103-198-shaqyrym (Shyǵys Qazaqstan oblysynyń shekarasy — Semeı qalasy).
Jabyq joldar
Aýa raıynyń qolaısyzdyǵyna baılanysty kelesi avtojoldarda qozǵalys shekteldi:
Qostanaı oblysy
• «Marınovka aýylyna kireberis» avtojoly, 0-9-shaqyrym aralyǵy. (Sý tasqyny saldarynan joldyń 70 metr bóligin sý basyp, bıiktigi 20 sm-ge jetken. Sonymen qatar Reseıdegi joldardyń jabylýyna baılanysty shekteý qoıyldy).
Soltústik Qazaqstan oblysy
• «Tımırıazevo — Sarykól — Qostanaı oblysynyń shekarasy» avtojoly, 0-30-shaqyrym aralyǵy (Tımırıazevo aýyly — Qostanaı oblysynyń shekarasy).
Pavlodar oblysy
• «Astana — Shiderti — Pavlodar — Ýspenka — RF shekarasy» avtojoly («Qalqaman» jol aıyryǵynan Qalqaman kentine kireberis jáne Astana baǵytyna shyǵatyn ýchaske).
Sonymen qatar Shyǵys Qazaqstan oblysyndaǵy Osınov asýynda (46-66-shaqyrym aralyǵy, Severnyı aýylyna burylys — Serebrıansk qalasyna burylys) tirkemesi jáne jartylaı tirkemesi bar júk kólikteriniń qozǵalysy shekteldi.
Eske salaıyq, «Qazgıdromet» búgin elimizdiń basym bóliginde aýa raıy qolaısyz bolatynyn habarlaǵan edi.
