28 maýsym. Týǵan kún ıeleri
ESІMDER
62 jyl buryn (1957) Qazaqstan Respýblıkasynyń belgili memleket qaıratkeri Bolat Bıdahmetuly JÁMІShEV dúnıege keldi.
Taldyqorǵan (qazirgi Almaty) oblysynda týǵan. Qazaq aýyl sharýashylyǵy ınstıtýtyn (1981), Qazaq ekonomıka jáne AÓK uıymdastyrý ǵylymı-zertteý ınstıtýtynyń aspırantýrasyn bitirgen.
Eńbek joly: keńshar agronomy (1981-1984); Qazaq ekonomıka jáne AÓK uıymdastyrý ǵylymı-zertteý ınstıtýtynyń aspıranty, kishi ǵylymı qyzmetkeri (1984-1992); Qazaqstan Respýblıkasynyń Ulttyq banki perspektıvalyq zertteýler ortalyǵynyń dırektory, Zertteýler jáne statıstıka departamenti dırektorynyń orynbasary (1993-1997); Qazaqstan Respýblıkasy Eńbek jáne halyqty áleýmettik qorǵaý mınıstrligi Ulttyq zeınetaqy agenttiginiń dırektory, Qazaqstan Respýblıkasy Eńbek jáne halyqty áleýmettik qorǵaý vıtse-mınıstri (1997-1999); Qazaqstan Respýblıkasynyń Qarjy vıtse-mınıstri jáne birinshi qarjy vıtse-mınıstri (1999-2001); Qazaqstan Respýblıkasynyń ishki ister vıtse-mınıstri (2001-2002); Qazaqstan Respýblıkasynyń Qarjy vıtse-mınıstri jáne birinshi qarjy vıtse-mınıstri (2002-2003); Qazaqstan Respýblıkasy Ulttyq banki Tóraǵasynyń orynbasary (2003-2004); Qazaqstan Respýblıkasy Qarjy naryǵy men qarjy uıymdaryn retteý jáne qadaǵalaý agenttiginiń tóraǵasy (2004-2006); Eýrazııa Damý Banki basqarma tóraǵasynyń orynbasary - Jobalaý qyzmeti jónindegi basqarýshy dırektor (2006-2007); QR qarjy mınıstri (2007-2013); QR óńirlerdi damytý mınıstri (2013-2014); «Qazaqstannyń damý banki» AQ basqarma tóraǵasy (2014-2019); Qazaqstannyń ulttyq konkı federatsııasynyń prezıdenti (2017 jyldan); «Tsesnabank» AQ táýelsiz dırektory (2019 jylǵy aqpannan); «First Heartland Jýsan Bank» AQ dırektorlar keńesiniń múshesi - táýelsiz dırektor.
«Qurmet» (2005), «Parasat» (2011) ordenderimen marapattalǵan.
49 jyl buryn (1970) «Elektr energııasy men qýaty rynogynyń qazaqstandyq operatory» AQ (KOREM) AQ Basqarma tóraǵasy Edil Qudaıbergenuly KÓPENOV dúnıege keldi.
Ol Almaty oblysynda týǵan. 1994 jyly Abaı atyndaǵy Qazaq pedagogıkalyq ýnıversıtetin «Tarıh jáne quqyq» mamandyǵy, 2002 jyly D.A.Qonaev atyndaǵy ýnıversıtetti «Qarjy jáne kredıt» mamandyǵy, 2011 jyly S.Seıfýllın atyndaǵy Qazaq agrotehnıkalyq ýnıversıtetin «Elektr energetık» mamandyǵy boıynsha aıaqtady.
1992-1996 jyldary - «Azııatorgservıs» kásiporny, kommertsııalyq dırektor; 1996-1997 jyldary - Qaratal aýdanynyń jumyspen qamtý ortalyǵy, taldaý jáne eńbek naryǵy boıynsha bas maman; 1997-2002 jyldary - Almaty oblysynyń Qaratal aýdanynyń ákim apparaty, uıymdastyrý-kadrlyq jumys bóliminiń basshysy; 2002-2003 jyldary - «Úshtóbe elektr jeliler aýdany» AAQ, prezıdent; 2003-2004 jyldary - «Taldyqorǵan aktsıonerlik transporttyq elektrjelilik kompanııasy», elektr energııasyn ótkizý bóliminiń basshysy; 2004-2008 jyldary - «AstanaEnergoSbyt» JShS, bas dırektordyń orynbasary; 2008-2008 jyldary - «SevKazEnergo Petropavl» JShS, basshy orynbasary; 2009-2011 jyldary - «Soltústik Qazaqstan Energoortalyǵy» JShS, dırektor; 2011-2013 jyldary - «Aqmola elektrjelilik úlestirý kompanııasy» AQ, basqarma tóraǵasy; 2014-2015 jyldary - «SevKazEnergo» AQ, basqarma tóraǵasy; 2016 jylǵy 1 maýsymnan bastap - «KOREM» AQ, basqarma tóraǵasy.
Qazaqstan elektr energetıkalyq qaýymdastyǵynyń Dırektorlar keńesiniń múshesi, «Atameken» Ulttyq kásipkerler palatasy Energetıka komıtetiniń múshesi.