28 maýsym kúni Qazaqstanda aýa raıy qubylmaly bolady
ASTANA. QazAqparat - «Qazgıdromet» RMK-nyń ókilderi beısenbi, 28 maýsymǵa arnalǵan aýa raıy boljamyn jarııa etti, dep habarlaıdy QazAqparat.
Atmosferalyq frontaldy bólikterdiń ótýine baılanysty Qazaqstannyń basym bóliginde aýa raıy qubylmaly bolady. Keı jerlerde naızaǵaı oınap, jaýyn jaýsa, birqatar aımaqtarda jel kúsheıip, burshaq jaýýy yqtımal. Tek eldiń batysynda ǵana kún ashyq bolady.
Aqmola, Soltústik Qazaqstan, Pavlodar, Qaraǵandy oblystarynyń birqatar aımaqtarynda jel turyp, jyldamdyǵy sekýndyna 15-20 metrge deıin jetedi. Kúndiz jel turyp, burshaq jaýýy dy yqtımal, túnde tuman túsedi.
Almaty, Aqtóbe, kúndiz Qostanaı, Qyzylorda oblystarynda jeldiń jyldamdyǵy sekýndyna 15-23 metrge jetedi. Qostanaı oblysynda túnde tuman túsedi.
Jambyl, Shyǵys Qazaqstan, Qaraǵandy oblystarynyń keı jerlerinde jeldiń jyldamdyǵy sekýndyna 15-20 metrge jetedi. Burshaq jaýýy da múmkin. Qaraǵandy oblysynda túnde jáne tań ata tuman túsedi.
Kúndiz Mańǵystaý, Atyraý, Batys Qazaqstan oblystarynda aptap ystyq bolady. Mańǵystaý, Atyraý oblystarynyń keı jerlerinde óte qatty ystyq bolady.
Mańǵystaý, Atyraý, Qyzylorda, oblystary men Batys Qazaqstan, Aqtóbe, Ońtústik Qazaqstan, Shyǵys Qazaqstan, Qaraǵandy, Jambyl oblystarynyń birqatar aımaqtarynda órt qaýipi saqtalady.
