28 mamyrdan bastap Astananyń keıbir kóshelerinde birjaqty qozǵalys engiziledi
ASTANA. QazAqparat - Ústimizdegi jyldyń 28 mamyrynda Astananyń keıbir kóshelerinde birjaqty qozǵalys engizý josparlanǵan. Bul jobany Astana qalasynyń Jolaýshylar kóligi basqarmasy men Astana qalasynyń ІІD Ákimshilik polıtsııa basqarmasy birlesip iske asyrady.
Astana ákimdiginen habarlaǵandaı, jańashyldyqtyń maqsaty - qalanyń kóshe-jol jelisine túsetin júktemeni azaıtý, joldyń júretin bóliginiń ótkizý qabilettiligin arttyrý, kólik aǵynynyń jyldamdyǵyn ulǵaıtý, jol boıynda turǵan kólikter arasynda tártip ornatý. Bekitilgen josparǵa sáıkes, birjaqty qozǵalys aldymen qalanyń kelesi ýchaskelerinde engiziledi:
- Áýezov k-si (Respýblıka dańǵylynan Á.Moldaǵulova kóshesine deıin). Ýchaskeniń uzyndyǵy - 2,9 km;
- ýl. Jeltoqsan (Máskeý kóshesinen. Kenesary kóshesine deıin). Ýchaskeniń uzyndyǵy - 2,0 km;
Sodan keıin, ústimizdegi jyldyń 10 maýsymynan bastap kelesi kóshelerde birjaqty qozǵalys engiziledi:
- Abaı dańǵyly (Saryarqa dańǵylynan Pýshkın k-sine deıin). Ýchaskeniń uzyndyǵy - 4,6 km;
- Kenesary k-si (Pýshkın k-sinen Saryarqa dańǵylyna deıin). Ýchaskeniń uzyndyǵy - 4,3 km;
- ıAnýshkevıch k-si (Abaı dańǵylynan Imanov k-sine deıin). Ýchaskeniń uzyndyǵy - 0,7 km.
Joǵaryda atalǵan jol ýchaskelerindegi birjaqty qozǵalys jolynyń jalpy uzyndyǵy 14,5 km quraıdy. Mamandardyń qorytyndysyna sáıkes, elorda kóshelerinde birjaqty qozǵalys engizý joldyń júris bóliginiń ótkizý qabilettiligin 25% deıin arttyrýǵa, qıylystarda turyp qalý ýaqytyn 29% azaıtýǵa, kólik aǵyny jyldamdyǵyn 33% deıin arttyrýǵa múmkindik beredi, al joldyń ortasha ýaqyty 20% tómendeıdi.
Sonymen qatar, birjaqty qozǵalys jobasy kelesi mindetterdi sheshýge septigin tıgizedi:
- Kóshe-jol jelisine túsetin júktemeni birqalypty taratý;
- Baǵdarsham obektilerin basqarýdy ońtaılandyrý;
- JKO bolý yqtımaldylyǵyn azaıtý (daǵdarysty oryndardy azaıtý);
- Ekologııalyq júktemeni azaıtý;
- Qalalyq qoǵamdyq kólik kestesin saqtaý naqtylyǵyn arttyrý;
- Qoǵamdyq kólikke degen suranysty arttyrý.
Aıta keteıik, birjaqty qozǵalysty engizý qalalyq qoǵamdyq kólik qozǵalysy syzbasyna áser etpeıdi, óıtkeni, joǵaryda atalǵan ýchaskelerde «Bus lane» jeke jolaqtary jasalǵan.
Bul rette jol polıtsııasynyń qyzmetkerleri bastapqy kezeńde kólik quraldarynyń júrgizýshilerin atalǵan ýchaskelerde jol júrý erejelerin buzǵany úshin ákimshilik jaýapkershilikke tartpaıdy.
Qazirgi kezde joba Eýropanyń 32 memleketinde sátti iske asyrylyp jatyr. 10 jyldyń ishinde birjaqty qozǵalys engizilgen kósheler sany 225 km-den 575 km deıin artty.
