28 mamyrda Qazaqstan qalalaryndaǵy aýa sapasy qandaı bolmaq
ASTANA. QazAqparat - Seısenbi, 28 mamyr kúni Qazaqstannyń úsh qalasynda aýa sapasy tómendeıdi, dep habarlaıdy QazAqparat.
«Qazgıdromet» RMK-nyń málimetine sáıkes, Qaraǵandy, Nur-Sultan jáne Shymkent qalalarynda qolaısyz meteorologııalyq jaǵdaılar aýanyń lastanýyna yqpal etedi.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy. QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
