28 mamyrda el aýmaǵynyń basym bóliginde jel kúsheıip, batysta burshaq jaýýy yqtımal
NUR-SULTAN. QazAqparat - 28 mamyrda Respýblıkanyń basym bóliginde jaýyn-shashynsyz aýa raıy kútiledi, tek atmosferalyq aǵyndardyń ótýine baılanysty batys, ońtústik-batys jáne soltústik-batysta jańbyr jaýýy yqtımal, dep habarlaıdy QazAqparat Qazgıdrometke silteme jasap.
Sondaı-aq el óńiriniń keı jerlerinde naızaǵaı, tuman, jeldiń kúsheıýi, burshaq jaýýy múmkin, ońtústikte shańdy daýyl kútiledi.
Atyraý oblysynyń keı jerlerinde daýyl turady, burshaq jaýýy yqtımal, jel 15-20 m/s jetedi. Batys Qazaqstan oblysynyń keı jerlerinde daýyl kútiledi, burshaq jaýýy yqtımal, kúndiz jeldiń jyldamdyǵy 15-20 m/s jetedi.
Jambyl, Qyzylorda, Mańǵystaý, kúndiz Qostanaı, Pavlodar oblystarynyń keı jerlerinde jel 15-20 m/s kútiledi, Qyzylorda oblysynda shańdy daýyl bolýy múmkin.
Soltústik Qazaqstan, Shyǵys Qazaqstan oblystarynda túnde jáne tańerteń keı jerlerde tuman túsedi.
Túnde Qaraǵandy oblysynyń keı jerlerinde 2 gradýsqa, Shyǵys Qazaqstan oblysynyń keı jerlerinde 3 gradýsqa deıin sýytady.
Aqtóbe, Qaraǵandy, Qyzylorda, Túrkistan, Jambyl oblystarynyń keı jerlerinde órt qaýpi saqtalady.
