Elorda áýe keńistiginde joıǵysh ushaqtar ushady
ASTANA. KAZINFORM — Astanada 28 mamyr kúni Qazaqstan Respýblıkasy Qarýly Kúshteri Áýe qorǵanysy kúshteriniń josparly is-sharalary aıasynda qala aspanynda joıǵysh ushaqtardyń kórsetilimdik ushýy ótedi. Bul týraly Qorǵanys mınıstrligi málim etti.
— Іs-sharaǵa daıyndyqqa baılanysty 24 mamyrdan bastap elorda áýe keńistiginde áskerı avıatsııanyń oqý-jattyǵý ushýlary bastalady. Joıǵysh ushaqtardyń ushýy men jattyǵý sharalary qaýipsiz bıiktikte júrgizilip, qala turǵyndarynyń qalypty tynys-tirshiligine kedergi keltirmeıdi. Elorda turǵyndary men qonaqtarynan jattyǵýlar men kórsetilimdik ushý kezeńinde týyndaýy múmkin qysqa merzimdi shý deńgeıiniń joǵarylaýyna túsinistikpen qaraýdy suraımyz, — delingen habarlamada.
Mınıstrlik tarapynan mundaı ushýlardyń esh qaýpi joq ekenin eskertti.
— barlyq ushýlar qaýipsizdik talaptaryna qatań sáıkes uıymdastyrylǵan jáne halyqqa eshqandaı qaýip tóndirmeıdi;
— túrli tústi tútinderdi qoldaný tek kórsetilimdik sıpatqa ıe jáne qorshaǵan ortaǵa zııan keltirmeıdi.
