28 qyrkúıekte Qazaqstannyń tórt aımaǵynda úsik júredi
ASTANA. QazAqparat - 28 qyrkúıek kúni Qazaqstan aımaqtarynyń basym bóliginde jaýyn-shashynsyz aýa raıy saqtalady.
Tek batysta, soltústikte jáne ońtústik-shyǵysta atmosferalyq frontaldy bólikterdiń ótýine baılanysty keı jerlerde jańbyr jaýyp, jel kúsheıedi.
Túnde jáne tańerteń keı jerlerinde tuman kútiledi.
Soltústikte, shyǵysta jáne ortalyqta úsik júredi.
Batys Qazaqstan oblysynyń keı jerlerinde jel 15-20 m/s deıin kúsheıip, túnde jáne tańerteń tuman kútiledi. Qostanaı, túnde jáne tańerteń Aqmola, Soltústik Qazaqstan, Shyǵys Qazaqstan oblystarynyń keı jerlerinde tuman boljanýda.
Kúndiz Jambyl oblysynyń keı jerlerinde jel 15-20 m/s kúsheıedi.
Soltústik Qazaqstan, Pavlodar, Qaraǵandy, Shyǵys Qazaqstan oblystarynyń keı jerlerinde 1-3 gradýs úsik kútiledi.
Ońtústik Qazaqstan oblysynda, Qaraǵandy, Jambyl, Almaty oblystarynyń basym bóliginde, Aqtóbe, Shyǵys Qazaqstan oblystarynyń keı jerlerinde joǵary órt qaýpi saqtalady.
