28 qyrkúıek. Týǵan kún ıeleri
ESІMDER
121 jyl buryn (1897-1961) qazaq ádebıetiniń klassıgi ÁÝEZOV Muhtar Omarhanuly dúnıege keldi.
Fılologııa ǵylymynyń doktory, professor, qoǵam qaıratkeri, Qazaq KSR ǴA-nyń akademıgi (1946), Qazaq KSR-niń eńbek sińirgen ǵylym qaıratkeri (1957).
Burynǵy Semeı ýezi, Shyńǵys bolysyndaǵy Qasqabulaq degen jerde týyp, balalyq shaǵy kóshpendi aýylda ótti. Bolashaq jazýshy uly Abaı óz shyǵarmalarynda sonsha tereń ári jan-jaqty sýrettegen sol kezdegi qazaq qoǵamynyń sıpaty mol, qaıshylyqqa toly ómir-turmysyn kózimen kórdi. Semeı qalasynda medresede, onan soń bes klastyq orys mektebinde, al 1915-1919 jyldary muǵalimder semınarııasynda bilim alǵan. 1917 jyly semınarııada oqyp júrgen kezinde halyq ańyzy boıynsha «Eńlik-Kebek» pesasyn jazady. Bul qazaq ulttyq dramasynyń qarlyǵashy edi. Osy pesasy men 1921 jyly jazylǵan «Qorǵansyzdyń kúni» atty alǵashqy áńgimesi arqyly óziniń jazýshylyq erekshe darynyn aıqyn tanytty. Sol jyldarda Semeıde, Orynborda ár túrli qyzmet isteı júrip, Alash partııasynyń kósemderi Álıhan Bókeıhanov, Ahmet Baıtursynov, Mirjaqyp Dýlatov, basqa da belgili ádebıet, mádenıet qaıratkerlerimen jaqyndasady. «Abaı» jýrnalyn shyǵarýǵa atsalysady. «Oıan, qazaq» dep uran tastaǵan qozǵalys, olardyń demokratııalyq ıdeıalary Áýezovtiń ómirlik maqsat nysanasyn belgileýine tirek boldy. Alashorda qaıratkerleri ókimet oryndarynan, resmı saıasattan yǵystyryla bastaǵan soń, 1923 jyldan bastap kórkem ádebıet salasyna bar kúsh-qýatyn jumsap, ónimdi eńbek etýge kirisedi. 1923-1926 jyldary «Oqyǵan azamat», «Qyr sýretteri», «Úılený», «Eskilik kóleńkesinde», «Kinámshil boıjetken», «Qaraly sulý» áńgimesin jazady.
1923-1928 jyldary Lenıngrad ýnıversıtetinde oqyp, til men ádebıet fakýltetin bitiredi. Odan keıin Tashkentte Ortaazııa memlekettik ýnıversıtetiniń aspırantýrasynda shyǵys folklory boıynsha mamandandy. Lenıngradta (qazirgi SanktPeterbýrg) oqyǵan sońǵy jylynda eki tamasha povest jazǵan: «Qarash Qarash» pen «Kókserek».
Saıası qyzmetten bas tartyp, biryńǵaı zertteýge oıysqan kezde, ol ádebıetshige de sol saıasattyń shyrmaýynan shyǵý qıyn ekenin uǵa bildi. Ondaǵan jyldar boıy oǵan ultshyldyq, baıshyldyq ıdeıalardy jaqtaýshy degen kiná taǵylyp keldi. Qýdalaý kórip, 1930-1932 jyldary qamaýda boldy, tutqynnan qutylý maqsatymen ashyq hat jazdy.
Áýezovtiń tarıhı taqyrypqa barýynyń tamyry tereńde jatyr. Tuńǵysh kórkem týyndysy «EńlikKebek», onan keıin «Han Kene» men «Qıly zaman», «Aıman-Sholpan», «Qaraqypshaq Qobylandy» dramalary da osyny ańǵartady. Bulardyń keıbireýi el arasynda keń taraǵan, burynnan belgili sıýjetke qurylsa, «Han Kene», «Qıly zaman» tarıhta bolǵan naqty oqıǵalardy arqaý etken.
Áýezov 20-jyldardyń ózinde proza men dramatýrgııada keleli týyndylar berip, qazaq ádebıetiniń klassıgine aınaldy. Otyzynshy jyldary bir top áńgime («Qasenniń qubylystary», «Іzder», «Shatqalań», «Qum men Asqar», «Búrkitshi»), pesalar («Aıman-Sholpan», «Tas túlek», «Shekarada», «Túngi saryn») jazady.
30-jyldarda Abaı murasyna árqıly baǵa berilip, onan keıin de qymqıǵash pikirler aıtylyp júrgende, Abaıdy tereńdep, keńinen tanýdy ózine ómirlik maqsat etý ol kezde biliktilik, danalyq qana emes, úlken erlik te bolǵany haq. Kesek, keń tynysty, san mıllıon oqyrmandardyń júregine jol tabatyn kórkem shyǵarma arqyly Abaıdy álemge áıgileý úshin Áýezov qandaı qajet bolsa, Áýezovtiń dúnıe júzi mádenıetiniń bıigine kóterilýine Abaı murasy, Abaıdyń ónerpazdyq, oıshyldyq dástúrindeı úlken tirek sondaı qajet edi.
1936 jyly «Qazaq ádebıeti» gazetinde «Tatıananyń qyrdaǵy áni» deıtin prozalyq úzindi jarııalandy. Bul - bolashaq romannyń bir taraýy edi. Osydan soń, 1940 jyly, L.Sobolevpen birlesip «Abaı» tragedııasyn jazdy.
Muhtar Omarhanuly 15 jyl boıy «Abaı joly» atty óziniń 4 tomdyq dańqty tarıhı roman-epopeıasyn jazdy. Munyń «Abaı» atalǵan birinshi kitaby 1942 jyly, ekinshisi 1947 jyly jaryq kórdi. Orys tiline aýdarylǵan. «Abaı» romanynyń eki kitaby 1949 jyly 1dárejeli KSRO Memlekettik syılyǵyn aldy. Tórt kitappen bitken epopeıa 1959 jyly Lenındik syılyqqa ıe boldy. «Abaı joly» 30 tilge aýdarylyp, dúıim dúnıe oqyrmanynan óte joǵary baǵa aldy.
Kórkem tárjime jumysyna belsene atsalysyp, I.Týrgenevtiń «Dvorıan uıasyn» aýdardy, KSRO jazýshylarynyń ІІ sezinde kórkem aýdarma týraly arnaýly baıandama jasasty.
Úlken ǵalym, pedagog Áýezov qazaq ádebıeti tarıhyn zertteý, ádebıet kadrlaryn daıarlaý jóninde sheksiz kóp eńbek sińirdi. Abaıtaný ǵylymynyń negizin saldy, kóp tomdy «Qazaq ádebıeti tarıhynyń» qazaq folkloryna arnalǵan tomynyń (1960) negizgi avtory jáne redaktory boldy. Qyrǵyzdyń «Manas» eposy týraly monografııa jazdy.
KSRO Jazýshylar odaǵy Prezıdıýmynyń, Beıbitshilikti qorǵaý keńesi komıtetiniń, Lenındik syılyqtar jónindegi komıssııanyń múshesi, Qazaq KSR Ǵylym akademııasynyń akademıgi, Qazaq memlekettik ýnıversıtetiniń kóp jyldar boıy professory bolǵan Áýezov 4-5 saılanǵan Qazaq KSR Joǵarǵy Keńesiniń depýtaty retinde de zor qoǵamdyq mindet atqardy.
«Abaı joly» epopeıasynan keıin dáýir shyndyǵyn sýretteıtin keń aýqymdy jańa epopeıa jazýǵa kirisken edi. Sonyń «Ósken órken» atty 1 kitabynyń nusqasyn salyp ketti. Ol 1962 jyly jarııalandy.
Ádebı eńbegi úshin jazýshy 1957 jyly Lenın ordenimen marapattaldy. 1961 jyly 27 maýsymda qaıtys bolǵannan keıin, respýblıka úkimetiniń qaýlysymen Qazaq KSR ǴA Ádebıet jáne óner ınstıtýtyna, Qazaq memlekettik akademııalyq drama teatryna Muhtar Omarhanuly Áýezovtiń esimi berildi. Jazýshynyń ádebı-memorıaldyq mýzeıi ashyldy, Almaty qalasynyń bir aýdany, birqatar mektepter, kósheler qalamger esimimen atalady. Týǵanyna 100 jyl tolýyna oraı merekesi ıÝNESKO sheshimimen dúnıejúzilik deńgeıde atalyp ótti.
86 jyl buryn (1932) Qazaqstannyń halyq jazýshysy, Qazaqstannyń eńbek sińirgen mádenıet qyzmetkeri, QR Memlekettik syılyǵynyń laýreaty, Qyrǵyzstannyń halyq aqyny, táýelsiz «Tarlan» syılyǵynyń laýreaty MURTAZA Sherhan Murtazauly dúnıege keldi.
Jambyl oblysy, Jýaly aýdany, Myńbulaq mekeninde týǵan. 1955 jyly M.V.Lomonosov atyndaǵy Máskeý memlekettik ýnıversıtetiniń jýrnalıstıka fakýltetin bitirgen.
«Lenınshil jas» (qazirgi «Jas Alash») gazetiniń, «Sotsıalıstik Qazaqstan» (qazirgi «Egemen Qazaqstan») gazetiniń tilshisi, ádebı qyzmetkeri boldy. 1963-1970 jyldary «Lenınshil jas» gazetiniń redaktory.
Sodan keıingi ýaqytta «Jazýshy» baspasynyń, «Jalyn» almanahynyń, «Juldyz» jýrnalynyń bas redaktory, Qazaqstan Jazýshylar odaǵy basqarmasynyń ekinshi hatshysy, «Qazaq ádebıeti» gazetiniń bas redaktory ári Qazaqstan Jazýshylar odaǵy basqarmasynyń hatshysy.
1989-1992 jyldary «Egemen Qazaqstan» gazetiniń bas redaktory, 1992-1994 jyldary Qazaqstan Respýblıkasy memlekettik teleradıo kompanııasynyń tóraǵasy bolyp istedi. QR Parlamentiniń Májilis depýtaty bolǵan.
Jazýshynyń ár jyldary «Tabylǵan teńiz» (1963), «Belgisiz soldattyń balasy» (1969), «Ahmetjannyń anty» (1973), «Myltyqsyz maıdan» (1977) povesteri, «41-jylǵy kelinshek» (1972), «Internat nany» (1974) áńgimeleri, «Qara marjan» (1977), bes kitaptan turatyn «Qyzyl jebe», «Aı men Aısha» (1999) romandary, shyǵarmalarynyń tórt tomdyǵy (1990-2000), shyǵarmalarynyń 6 tomdyǵy, tańdamaly shyǵarmalarynyń 7 tomdyǵy, «Elim, saǵan aıtam, el basy, sen de tyńda» (K.Smaılovpen birge) (1998), «Bir kem dúnıe» (2008) kitaptary jaryq kórgen.
Onyń shyǵarmalary KSRO halyqtary men shetel tilderine aýdarylǵan.
Qazaq tiline G.H.Andersenniń áńgimelerin, vengr halyq ertegilerin, Sh.Aıtmatovtyń «Botagóz», «Qosh bol, Gúlsary», «Teńiz jaǵalaı júgirgen tarǵyl tóbet», «Borandy beket» týyndylaryn; Mustaı Kárimniń «Bizdiń úıdiń qýanyshy» povesin, E.Erskınniń «Marykchan balalary» romanyn, L.Lagınniń «Hottabych qart» povesin tárjimalady. «Ázıza» pesasy Mádenıet jáne aqparat mınıstrliginiń grantyn jeńip aldy.
«Qara marjan» romany úshin 1978 jyly Qazaq KSR Memlekettik syılyǵyn aldy. Qazaq KSR-niń eńbek sińirgen mádenıet qyzmetkeri, Qazaqstannyń Halyq jazýshysy. «Qurmet belgisi», «Otan (1999) ordenderimen, medaldarmen marapattalǵan. PEN-klýb syılyǵynyń ıegeri (2003).
75 jyl buryn (1943-1993) jazýshy, Qazaq KSR Memlekettik syılyǵynyń, Qazaqstan Lenın komsomoly syılyǵynyń, N.Ostrovskıı atyndaǵy Búkilodaqtyq ádebı syılyqtyń ıegeri BÓKEEV Oralhan dúnıege keldi.
Shyǵys Qazaqstan oblysynyń Qatonqaraǵaı aýdanynda týǵan. Qazaq memlekettik ýnıversıtetin bitirgen. 1968-1983 jyldary - Shyǵys Qazaqstan oblystyq «Kommýnızm týy» gazetiniń ádebı qyzmetkeri, «Lenınshil jas» (qazirgi «Jas Alash») gazetiniń, «Juldyz» jýrnalynyń bólim meńgerýshisi. 1983-1993 jyldary «Qazaq ádebıeti» gazeti bas redaktorynyń orynbasary, bas redaktory bolǵan. Qalamgerdiń «Qamshyger», «Úrker», «Qaıdasyń, qasqa qulynym», «Muztaý», «Án salady shaǵyldar», «Úrker aýyp barady», «Bizdiń jaqta qys uzaq» áńgimeler men povester jınaqtary, «Óz otyńdy óshirme» romany, «Qulynym meniń» pesalar jınaǵy jaryq kórgen. «Qulynym meniń», «Teke-tires», «Qar qyzy», «Zymyraıdy poezdar», «Jaý tylyndaǵy bala», «Men sizden qorqamyn» pesalary qazaq jáne orys tilderinde respýblıkalyq, oblystyq, sondaı-aq burynǵy odaqtas respýblıkalar teatrlarynda qoıylǵan. Orys tilinde «Jasynnyń izi» áńgimeler men povester jınaǵy jaryq kórgen. Birqatar shyǵarmalary shetel halyqtary tilderine aýdarylǵan. Jazýshynyń shyǵarmalary boıynsha «Kisikıik», «Saıtan kópir» kórkem fılmderi túsirilip, «Kerbuǵy» áńgimesiniń jelisi boıynsha balet-spektakl qoıyldy.
«Qurmet belgisi» ordenimen marapattalǵan.
68 jyl buryn (1950) Qazaqstan Respýblıkasynyń memleket jáne saıası qaıratkeri IŞANOV Qaırat Qydyrbaıuly dúnıege keldi.
Atyraý qalasynda týǵan. Qazaq polıtehnıkalyq ınstıtýtyn (qazirgi Qanysh Sátbaev atyndaǵy Qazaq ulttyq tehnıkalyq ýnıversıteti) bitirgen.
1972-1983 jyldary - keńshardyń qurylysshy-ınjeneri, keme mehanıgi. 1983-1984 jyldary - Balyqshy aýdandyq partııa komıtetiniń nusqaýshysy. 1984-1990 jyldary - keńshardyń bas ınjeneri, basqarma tóraǵasy. 1990-1992 jyldary - Balyqshy aýdandyq atqarý komıtetiniń tóraǵasy, tóraǵanyń birinshi orynbasary. 1992-1994 jyldary - Atyraý oblysy Balyqshy aýdandyq ákimshiligi basshysynyń birinshi orynbasary. 1994-1999 jyldary - Jambyl atyndaǵy keńshar basqarmasynyń tóraǵasy. 1999-2000 jyldary - Atyraý oblystyq máslıhatynyń hatshysy. 2000-2001 jyldary - Jambyl atyndaǵy óndiristik kooperatıvtiń tóraǵasy. 2001-2005 jyldary - Atyraý oblysy ákiminiń orynbasary. 2005 jyldan - Atyraý oblysy boıynsha Qazaqstan Respýblıkasy Parlamenti Senatynyń depýtaty boldy. 2011-2016 jyldary - QR Parlamenti Senaty Tóraǵasynyń orynbasary.
«Qurmet», «Parasat» ordenderimen jáne medaldarmen marapattalǵan.
58 jyl buryn (1960) «Astana-energııa» AQ basqarmasynyń tóraǵasy ESENJOLOV Erkeǵalı Temirǵalıuly dúnıege keldi.
Aqmola (qazirgi Astana) qalasynda týǵan. Tselınograd aýyl sharýashylyǵy ınstıtýtyn (qazirgi Sáken Seıfýllın atyndaǵy Qazaq agrotehnıkalyq ýnıversıteti) bitirgen. 1982-1991 jyldary - «Elektroýralmontaj» tresiniń retteýshi-ınjeneri, Teńiz aýdandyq «Aýylsharýashylyqenergo» kásipornynyń bas ınjeneri, dırektory, Teńiz aýdandyq agroónerkásiptik birlestigi tóraǵasynyń orynbasary, Teńiz aýdandyq atqarý komıteti tóraǵasynyń orynbasary, Vıshnevskıı aýdandyq atqarý komıteti tóraǵasynyń orynbasary. 1991-1997 jyldary - «Krasnoozernyı» keńsharynyń dırektory. 1997-1999 jyldary - «Esenjolov jáne kompanııa» kommandıttik seriktestiktiń dırektory. 1999-2004 jyldary - Aqmola oblysy Atbasar aýdanynyń ákimi. 2004-2007 jyldary - Aqmola oblysy Esil aýdanynyń ákimi qyzetterin atqardy. Astana qalasyndaǵy «Trest Sredaenergomontaj» AQ TETs-2, TETs-3 qurylystarynyń úılestirý jónindegi bas dırektorynyń orynbasary; Astana qalasy TETs-3 qurylys basqarmasy «Tsentrkazenergomontaj» AQ fılıalynyń dırektory; «Tsentrkazenergomontaj» AQ bas dırektory (2013-2015); «Astanaenergoservıs» AQ basqarmasynyń tóraǵasy (2015-2017).
2017 jyldyń mamyr aıynan bastap qazirgi qyzmetinde.
«Qurmet» ordenimen, «Astanaǵa 10 jyl», «Qazaqstan Konstýtsııasyna 10 jyl», «Qazaqstan Respýblıkasynyń Táýelsizdigine 10 jyl» medaldarymen, Qazaqstan Elektr energetıkasy qaýymdastyǵynyń «Qurmetti energetık» belgisimen marapattalǵan.
51 jyl buryn (1967) «Beıneý Bozoı Shymkent» JShS bas dırektory ESTAI Serik Estaıuly dúnıege keldi.
Ońtústik Qazaqstan oblysynda týǵan. 1992 jyly «Injener-elektrık» mamandyǵy boıynsha Almaty energetıkalyq ınstıtýtyn bitirgen. 2002 jyly «Quqyqtaný» mamandyǵy boıynsha Qazaq memlekettik zań akademııasyn bitirgen. Tehnıkalyq ǵylymdardyń kandıdaty.
Eńbek jolyn 1984 jyly «Aýyl sharýashylyq hımııasy» ÓB-te jumysshy bolyp bastady. 1992-1993 jyldary - «Orda» ınvestıtsııalyq qory - bas maman. 1993-1995 jyldary - «Garant» AQ kommertsııalyq vıtse-prezıdenti. 1995 jyly - Avtokólik kásiporny - dırektordyń orynbasary. 1995-1996 jyldary - «Ýeıkfıld Inspekshen Servıs LTD» JShS - bas dırektordyń orynbasary. 1996-1998 jyldary - «Shymkentgaz» AQ - satý bóliminiń bastyǵy. 1998-1999 jyldary - «Alaýgaz» Almaty fılıaly - bólim bastyǵy. 1999 jyly - QR keden organdarynda Energetıkalyq kedenniń bas ınspektory bolyp jumys istedi. 1999-2000 jyldary - Salyq polıtsııasy - aǵa ınspektor. 2000-2002 jyldary - «Intergaz Ortalyq Azııa» JAQ - bıýdjet pen satyp alýdy baqylaý bóliminiń mamany, MTJ departamentiniń 1 sanatty mamany. 2002-2003 jyldary - «QazTransGaz» JAQ - óńirlermen jumys isteý jónindegi basqarmanyń bastyǵy, bas dırektordyń orynbasary. 2003 jyly - «QazTransGaz» JAQ - gazdy tasymaldaý jáne marketıng departamenti gazdy tasymaldaý jáne klırıng bóliminiń bas menedjeri. 2003-2004 jyldary - «Intergaz Ortalyq Azııa» JAQ «Ońtústik» magıstraldyq gaz qubyrlary basqarmasy - dırektordyń jalpy máseleler jónindegi orynbasary. 2004 jyly - «QazTransGaz Dıstrıbtıýshn» JAQ - bas dırektordyń orynbasary, bas dırektordyń birinshi orynbasary. 2004 - 2007 jyldary - «QazTransGaz Aımaq» AQ bas dırektory. 2007 - 2014 jyldary - «Intergaz Ortalyq Azııa» AQ bas dırektory. 2014-2016 jyldary «QazTransGaz» AQ bas dırektorynyń birinshi orynbasary. 2016 jylǵy qańtar - naýryz -«QazTransGaz» AQ bas dırektorynyń tehnıkalyq jumys boıynsha orynbasary. Qazirgi qyzmetinde - 2016 jylǵy naýryzdan beri.
39 jyl buryn (1979) Qostanaı oblysy Lısakovsk qalasynyń ákimi ISMAǴULOV Almat Erikuly dúnıege keldi.
Aqmola oblysynda týǵan. Qostanaı aýylsharýashylyǵy ınstıtýtyn, A.Baıtursynov atyndaǵy Qostanaı memlekettik ýnıversıtetin bitirgen.
Eńbek joly: 2001 - 2003 jyldary - Qostanaı oblysy qarjy departamenti qorǵanys kesheni jáne quqyq qorǵaý organynyń, basqarý apparaty qarjylandyrý bóliminiń jetekshi, bas mamany. 2003 - 2005 jyldary - Qostanaı oblysy qarjy departamenti materıaldyq óndirisin qarjylandyrý bóliminde bas maman, bólim basshysy. 2005 - 2006 jyldary - Qostanaı oblysy qarjy departamenti qorǵanys, qoǵamdyq tártip jáne qaýipsizdik memlekettik organynda qarjylandyrý bóliminiń basshysy. 2006 - 2008 jyldary - Qostanaı oblysy qarjy departamenti dırektorynyń orynbasary. 2008 - 2010 jyldary - Qostanaı oblysy ákimdiginiń qarjy basqarmasy basshysynyń orynbasary. 2010 - 2011 jyldary - Qostanaı oblysy ákimdiginiń densaýlyq saqtaý basqarmasy ortaq ekonomıkalyq suraqtar boıynsha basqarmasy basshysynyń orynbasary. 2011 - 2013 jyldary - Qostanaı oblysy ákimdiginiń bilim basqarmasy basshysynyń orynbasary. 2013 jyly - Lısakov qalasy ákiminiń orynbasary, Qarabalyq aýdanynyń ákimi, Meńdyqara aýdany ákiminiń orynbasary.
Qazirgi qyzmetinde 2015 jyldyń qyrkúıeginen beri.
38 jyl buryn (1980) bıatlonnan Olımpıada oıyndarynyń kúmis júldegeri HRÝSTALEVA Elena Vladımırovna dúnıege keldi.
Krasnoıarsk qalasynda týǵan. Krasnoıar memlekettik ýnıversıtetiniń dene tárbıesi jáne sport fakýltetin bitirgen. 1997 jyldan - Krasnoıarsk qalasynda BJSM bıatlon boıynsha sportshy-nusqaýshysy. 2001 jyldan - Belarýs Respýblıkasynyń bıatlonnan quramasynyń múshesi. 2002 jyldan - Novosibir qalasy Sportshy-jastar mektebiniń bıatlonnan sportshy-nusqaýshysy.
Jasóspirimder arasyndaǵy Eýropanyń eki dúrkin chempıony (Polsha, 2000), Jasóspirimder arasyndaǵy álem chempıonatynyń 2 dúrkin kúmis júldegeri (Avstrııa, 2000), úsh dúrkin Eýropa chempıony (Italııa, 2003, Reseı, 2005), Azııa oıyndarynda qola jáne kúmis júldeger (QHR, 2007), Azııa chempıonatynda altyn jáne kúmis (QR, 2008), Jazǵy álem chempıonatynda qola jáne kúmis júldeger (Estonııa, 2007, Germanııa, 2010), Olımpıada oıyndarynyń kúmis júldegeri (Vankýver, 2010), Azııa jazǵy chempıonatynyń birneshe márte chempıony, VII Azııa oıyndarynyń chempıony (Astana- Almaty, 2011). Qysqy Olımpıada oıyndaryna qatysýshy (Solt-Leık-Sıtı, 2002; Sochı, 2014).
38 jyl buryn (1980) Óskemen qalasynyń ákimi OMAR Jaqsylyq Muqashuly dúnıege keldi.
Almaty oblysy Alakól aýdany Úsharal aýylynda týǵan. 2001 jyly Abaı atyndaǵy Almaty memlekettik ýnıversıtetin, 2010 jyly Qazaq ınnovatsııalyq gýmanıtarlyq-zań ýnıversıtetin bitirgen. 2001-2005 jyldary - Qazaqstan Respýblıkasynyń Mádenıet, aqparat jáne qoǵamdyq kelisim mınıstrliginiń jetekshi, bas mamany. 2005-2007 jyldary - Qazaqstan Respýblıkasy Qarjy mınıstrliginiń bas mamany. 2007-2009 jyldary - «Qazaqstan» respýblıkalyq teleradıokorporatsııasy» AQ aqparattyq jáne taldaý baǵdarlamalary dırektsııasy dırektorynyń orynbasary. 2009 jyly - «Arna medıa» Ulttyq aqparattyq holdıngi» AQ bas menedjeri. 2009-2010 jyldary - Shyǵys Qazaqstan oblysy ákiminiń kómekshisi. 2010-2011 jyldary - Shyǵys Qazaqstan oblysy ishki saıasat basqarmasy bastyǵynyń orynbasary, bastyǵy. 2011-2013 jyldary - Shyǵys Qazaqstan oblysy mádenıet basqarmasynyń bastyǵy. 2013-2016 jyldary - Shyǵys Qazaqstan oblysy ákiminiń orynbasary. 2016-2018 jyldary Almaty oblysynyń ákimi bolǵan. Qazirgi qyzmetinde 2018 jylǵy tamyzdan beri.