28 qyrkúıek kúni respýblıkanyń basym bóliginde aýa raıy jaýyn-shashynsyz
ASTANA. QazAqparat - 28 qyrkúıek kúni Qazaqstannyń kóptegen bólikterinde aýa raıy jaýyn-shashynsyz bolady. Respýblıkanyń shyǵysy jáne ońtústik-shyǵysynyń keı jerlerinde jańbyr jaýyp, taýly aımaqtarynda jaýyn-shashyn jaýady. Bul týraly Qazgıdromet habarlady.
Jambyl oblysynyń keı jerlerinde jel 15-20, ekpini 23-28 m/s kúsheıedi. Ońtústik Qazaqstan, Qyzylorda oblystarynyń keı jerlerinde jel 15-20, kúndiz ekpini 23-28 m/s kúsheıedi, Qyzylorda oblysynyń keı jerlerinde shańdy daýyl kóteriledi. Almaty oblysynda, kúndiz Mańǵystaý, Atyraý oblystarynyń keı jerlerinde jel 15-20 m/s kúsheıedi. Soltústik Qazaqstan oblysynyń keı jerlerinde tuman kútiledi, kúndiz jel 15-20 m/s kúsheıedi. Túnde jáne tańerteń Qostanaı oblysynyń keı jerlerinde tuman kútiledi, kúndiz jel 18 m/s kúsheıedi. Aqmola oblysynyń keı jerlerinde, túnde jáne tańerten Pavlodar, Qaraǵandy, Shyǵys Qazaqstan oblystarynyń keı jerlerinde tuman kútiledi. Túnde Almaty, Jambyl, Ońtústik Qazaqstan, Qyzylorda oblystarynyń keı jerlerinde 1-3 gradýsqa deıin kún sýytady. Qyzylorda oblysynda, Ońtústik Qazaqstan, Batys Qazaqstan, Qaraǵandy, Qostanaı oblystarynyń keı jerlerinde óte joǵary órt qaýpi saqtalady.
