28 qyrkúıek. QazAqparat kúntizbesi
28 qyrkúıek, JUMA
Atom salasy qyzmetkerleriniń kúni
Qazaqstan Respýblıkasynyń 2001 jylǵy 13 jeltoqsandaǵy «Qazaqstan Respýblıkasyndaǵy merekeler týraly» Zańynyń 4 babyna sáıkes bekitildi.
Qutyrý aýrýyna qarsy kúrestiń búkilálemdik kúni
Qutyrý aýrýymen kúres jónindegi (ARC) qaıyrymdylyq uıymy men Aýrýmen kúres jáne aýrýdyń aldyn alý ortalyqtary (CDC) (Atlanta, AQSh) usynysymen ótkiziledi.
Qutyrý aýrýyna qarsy kúres búkilálemdik kúni adamdar men janýarlar qutyrýynyń zardaptary týraly, sondaı-aq onyń aldyn alýǵa jáne ony qozdyrýshylarmen shekteý oryndaryndaǵy janýarlar arasynda kúrese otyryp, tamyryna balta shabýǵa bolatyny, tıisti jumys júrgizse qanshalyqty jeńil ekeni jaıly jurtshylyqty habardar etýge arnalǵan.
Qytaı Halyq Respýblıkasynda Ustazdar kúni
Bul kún b.z.d. 551 jyly 28 qyrkúıekte týǵan qytaılyq oıshyl, alǵashqy kásibı ustaz Konfýtsııdiń týǵan kúnine oraı belgilengen.
ESTE QALAR OQIǴALAR
1995 jyly Qazaqstan Prezıdenti Nursultan Nazarbaev respýblıkadaǵy saılaý týraly Konstıtýtsııalyq zań kúshi bar Jarlyqqa qol qoıdy. Bul Jarlyqqa sáıkes, el Parlamenti 2 palatadan turatyn jáne kásibı negizde jumys isteıtin bolyp belgilendi.
1996 jyly Almatydaǵy Keńsaıda jazýshy Oralhan Bókeevtiń zıratyna eskertkish ornatyldy.
1999 jyly Qazaqstan Respýblıkasy memlekettik jastar saıasatynyń tujyrymdamasy bekitildi.
1999 jyly Aqtaý qalasynda Alashorda qaıratkeri Mustafa Shoqaıǵa arnalǵan eskertkish ashyldy.
2000 jyly Almatyda Túrkistanǵa 1500 jyl tolýy men Mádenıetti qoldaý jylyna oraı eki kúndik «Ál-Farabı muralary jáne álem mádenıeti» atty Halyqaralyq kongress ótti.
Bul is-sharaǵa Reseı, Sırııa, Iran, Túrkııa, Ortalyq Azııa elderi men Qazaqstannyń jetekshi ál-Farabıtanýshy mamandary qatysqan.
2001 jyly Astanada Respýblıkalyq klınıkalyq aýrýhana saltanatty túrde ashyldy.
Bul eńseli medıtsınalyq keshen Elbasy N.Nazarbaevtyń Astanada medıtsınalyq klaster qurý qajettigi jóninde kótergen bastamasynyń negizinde jáne tikeleı tapsyrmasymen salynǵan. Klınıkada 20 bólim jumys istep, bir ýaqytta 240 emdelýshini qabyldaıdy. Bólim meńgerýshileri konkýrstyq negizde alynǵan. Munda jasalatyn barlyq dıagnostıka, emdeý jumystary eýropalyq deńgeıdegi, qazirgi zamanǵy eń úzdik standarttarǵa saı medıtsınalyq quraldarmen, zerthanalarmen, emdeý jabdyqtarymen jaraqtalǵan. Keshenniń medıtsınalyq qyzmetin Qazaqstannyń barlyq aımaǵynyń, Astana qalasynyń turǵyndary paıdalana alady. Klınıka jergilikti jáne respýblıkalyq bıýdjet esebinen qarjylandyrylady.
2005 jyly Astanada qazaqtardyń ІІІ Dúnıejúzilik quryltaıy ótti. Onda sheteldegi qazaq dıasporlary qyzmetteri máseleleri talqylandy. Quryltaıdyń saltanatty bólimi jańa «Úkimet úıinde» atalyp ótti. Munda dúnıejúzilik qazaqtar qaýymdastyǵy prezıdıýmy tóraǵasy men onyń orynbasary saılandy. Biraýyzdan qaýymdastyq tóraǵasy bolyp Nursultan Nazarbaev jáne onyń orynbasary qyzmetine Talǵat Mamashev saılandy.
2005 jyly Tsıýrıh qalasynda Qazaqstan-Shveıtsarııa qaýymdastyǵy saltanatty túrde ashyldy. Qaýymdastyq eki eldiń saıasatkerleri men kásipkerlerin biriktiredi, maqsaty -ár túrli saladaǵy eki jaqty yntymaqtastyqty nyǵaıtý.
2005 jyly Almatyda «Qazaqfılm» kınostýdııasynyń aımaǵynda «Eýrazııa» kınofestıvali alleıasynyń irgetasy saltanatty túrde qalandy.
2005 jyly Qostanaıda múgedek balalardyń qolynan shyqqan kórkemdik shyǵarmashylyq jumystarynyń kórmesi bolyp ótti. Kórmeniń uıymdastyrýshysy - oblystyq Mádenıet departamenti jáne Múgedekter qoǵamy. Kórmege kórkemdik jumystardan basqa, qoldanbaly óner týyndylary da qoıyldy.
2006 jyly AQSh-qa resmı saparmen barǵan Elbasy Nursultan Nazarbaev Vashıngtondaǵy Qazaqstan Elshiliginiń aldyna qoıylǵan Qazaqstan Respýblıkasy Táýelsizdik monýmentin ashty. Bul sharaǵa AQSh-tyń energetıka mınıstri S.Bodman men Qazaqstannyń AQSh-taǵy elshisi Qanat Saýdabaev jáne AQSh kongresiniń músheleri men Qazaqstan delegatsııasynyń ókilderi qatysty.
2006 jyly Jambyl oblystyq tarıhı-ólketaný murajaıynyń qory taǵy bir biregeı jádiger - Aqsý-Jabaǵyly qoryǵynda tabylǵan jyl sanaýǵa deıingi VII - IV ǵasyrlarda jasalǵan metall qazanmen tolyqty. Taýda omartasy bar Taraz qalasynyń turǵyny Sergeı Kýdrınniń kózi jerden shoshaıyp shyǵyp turǵan temir zatqa túsedi. Sóıtse ol syıymdylyǵy 17 lıtrlik 15 keli tartatyn birneshe metaldardyń balqymasynan jasalǵan qazan bolyp shyqty. Oblystyq murajaı mamandarynyń paıymdaýynsha, bul qazan kóne zamanda Aqsý-Jabaǵyly qoryǵynyń aýmaǵynda ornalasqan bútin keshenniń bir bólshegi bolýy múmkin.
2006 jyly Alǵash ret Almaty zoobaǵyna aq múıiztumsyqtar ákelindi. Ár múıiztumsyq quny 40 myń AQSh dollar turady.
2007 jyly Jambyl oblysynda dúngen mádenı ortalyǵy ashyldy.
2010 jyly Qazaqstan Prezıdenti Nursultan Nazarbaev Shymkent qalasyna sapary barysynda elimizdegi motor maıyn shyǵaratyn jalǵyz zaýyttyń jumysymen tanysty.
2010 jyly Máskeýdegi Qazaqstan elshiliginiń rezıdentsııasynda QR Prezıdenti Nursultan Nazarbaevtyń eki tomdyq «Tańdaýly shyǵarmalar» kitabynyń tusaýkeserri boldy.
2010 jyly Memleket basshysy Nursultan Nazarbaev Taraz qalasynda bıznes-forýmdy ashty. Onyń jumysyna jergilikti iri kompanııalar ókilderimen qatar, olardyń Italııa, Frantsııa, Ispanııa, Reseı jáne Iran taǵy basqa shetelderden kelgen seriktesteri qatysty.
2015 jyly Nıý-Iorkte ótken BUU Bas Assambleıasynyń 70-sessııasy aıasynda Qazaqstan Prezıdenti Nursultan Nazarbaev BUU Bas hatshysy Pan Gı Mýnmen kezdesti.
2016 jyly Almatydaǵy Respýblıka saraıynda Aqan Sataevtyń «Anaǵa aparar jol» fılminiń tusaýkeser rásimi ótti. Kınokartınanyń bas prodıýseri - Álııa Nazarbaeva. Fılmniń basty rólderin Altynaı Nógerbek, Ádil Ahmetov, Arýjan Jazylbekova, Berik Aıtjanov jáne t.b. somdady.
2016 jyly Memleket basshysy Nursultan Nazarbaev Sıngapýr Parlamentiniń múshesi, qurmetti aǵa mınıstr Go Chok Tongpen kezdesip,taraptar ekonomıka salasyndaǵy túrli ekijaqty kelisimderdi talqylady. Sońynda Nursultan Nazarbaev jáne Go Chok Tong eki el arasyndaǵyekijaqty baılanystardyń bolashaqta nyǵaıa túsetindigine senim bildirdi.
1961 jyly Sırııada áskerı tóńkeris bolyp, el Birikken Arab Respýblıkasy quramynan shyqty jáne óz táýelsizdigin jarııalady.