28 qyrkúıek. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER
28 qyrkúıek, JEK SENBІ
RF-niń atom óndirisi qyzmetkerleriniń kúni.
Atom salasy qyzmetkerleriniń kúni. Qazaqstan Respýblıkasynyń 2001 jylǵy 13 jeltoqsandaǵy «Qazaqstan Respýblıkasyndaǵy merekeler týraly» Zańynyń 4 babyna sáıkes bekitildi.
Qyrkúıektiń 28-i kezdeısoq kún emes. 1942 jyly naq osy kúni KSRO Memlekettik Qorǵanys komıteti «Ýran boıynsha jumystardy uıymdastyrý týraly» jarlyq shyǵardy jáne Ǵylym akademııasy janynda arnaıy atom ıadrosy zerthanasyn qurýdy maquldady.
Búkilálemdik júrek kúni.
Bul kúni Dúnıejúzilik Densaýlyq saqtaý uıymy men Dúnıejúzilik júrek federatsııasy densaýlyq tekserý, uıymdasqan túrdegi serýendeýler, júgirý jáne fıtnespen aınalysý, buqaralyq dárister, qoıylymdar, ǵylymı forýmdar, kórmeler, kontsertter, festıvaldar men sport jarystaryn qosa eseptegende, 100-den astam elderde sharalar uıymdastyrady.
Qutyrý aýrýyna qarsy kúrestiń búkilálemdik kúni.
Qutyrý aýrýmen kúres jónindegi (ARC) qaıyrymdylyq uıymy men Aýrýlarmen kúres jáne aýrýlardyń aldyn alý ortalyqtary (CDC) (Atlanta, AQSh) usynysymen ótkiziledi.
Qutyrý aýrýyna qarsy kúres búkilálemdik kúni adamdar men janýarlar qutyrýynyń zardaptary týraly, sondaı-aq onyń aldyn alýǵa jáne ony qozdyrýshylarmen shekteý oryndaryndaǵy janýarlar arasynda kúrese otyryp, tamyryna balta shabýǵa bolatyny, tıisti jumys júrgizse qanshalyqty jeńil ekeni jaıly habardarlyqty arttyrýǵa arnalǵan.
ESTE QALAR OQIǴALAR
1 9 jyl buryn (1995) Qazaqstan Respýblıkasynyń Prezıdenti N.Á.Nazarbaev respýblıkadaǵy saılaý týraly Konstıtýtsııalyq zań kúshi bar Jarlyqqa qol qoıdy. Bul Jarlyqqa sáıkes respýblıka Parlamenti 2 palatadan turatyn jáne kásibı negizde jumys isteıtin bolyp belgilendi.
8 jyl buryn (2006) AQSh-qa resmı saparmen barǵan Elbasy Nursultan Nazarbaev Vashıngtondaǵy Qazaqstan Elshiliginiń aldyna qoıylǵan Qazaqstan Respýblıkasy Táýelsizdik monýmentin ashty. Bul sharaǵa AQSh-tyń energetıka mınıstri S.Bodman men Qazaqstannyń AQSh-taǵy elshisi Qanat Saýdabaev jáne AQSh kongresiniń músheleri men Qazaqstan delegatsııasynyń ókilderi qatysty.
8 jyl buryn (2006) Jambyl oblystyq tarıhı-ólketaný murajaıynyń qory taǵy bir biregeı jádiger - Jambyl oblysy Aqsý-Jabaǵyly qoryǵynda tabylǵan jyl sanaýǵa deıingi VII - IV ǵasyrlarda jasalǵan metall qazanmen tolyqty. Taýda omartasy bar Taraz qalasynyń turǵyny Sergeı Kýdrınniń kózi jerden shoshaıyp shyǵyp turǵan temir zatqa túsedi. Sóıtse ol sıymdylyǵy 17 lıtrlik 15 keli tartatyn birneshe metaldardyń balqymasynan jasalǵan qazan bolyp shyqty. Oblystyq murajaı mamandarynyń paıymdaýynsha, bul qazan kóne zamanda Aqsý-Jabaǵyly qoryǵynyń aýmaǵynda ornalasqan bútin keshenniń bir bólshegi bolýy múmkin.
1 4 jyl buryn (2000) Almatyda Túrkistanǵa 1500 jyl tolýy men Mádenıetti qoldaý jylyna oraı eki kúndik «Ál-Farabı muralary jáne álem mádenıeti» atty Halyqaralyq kongress ótti.
Bul is-sharaǵa Reseı, Sırııa, Iran, Túrkııa, Orta Azııa elderi men Qazaqstannyń ál-Farabıtaný jetekshi mamandary qatysqan.
Kongresti Qazaqstan Respýblıkasy Bilim jáne ǵylym mınıstrliginiń Fılosofııa jáne saıasattaný ınstıtýty Túrkııa Premer-Mınıstri janyndaǵy Túrkııa halyqaralyq yntymaqtastyq agenttiginiń qarjylaı kómek kórsetýimen uıymdastyrǵan.
1 3 jyl buryn (2001) Astanada Respýblıkalyq klınıkalyq aýrýhana saltanatty túrde ashyldy.
Bul eńseli medıtsınalyq keshen Elbasy N.Nazarbaevtyń Astanada medıtsınalyq klaster qurý qajettigi jóninde kótergen bastamasynyń negizinde jáne tikeleı tapsyrmasymen salynǵan. Klınıkada 20 bólim jumys istep, bir ýaqytta 240 emdelýshini qabyldaıdy. Bólim meńgerýshileri konkýrstyq negizde alynǵan. Munda jasalatyn barlyq dıagnostıka, emdeý jumystary eýropalyq deńgeıdegi, qazirgi zamanǵy eń úzdik standarttarǵa saı medıtsınalyq quraldarmen, zerthanalarmen, emdeý jabdyqtarymen jaraqtalǵan. Keshenniń medıtsınalyq qyzmetin Qazaqstannyń barlyq aımaǵynyń, Astana qalasynyń turǵyndary paıdalana alady. Klınıka jergilikti jáne respýblıkalyq bıýdjet esebinen qarjylandyrylady.
9 jyl buryn (2005) Tsıýrıh qalasynda Qazaqstan-Shveıtsarııa qaýymdastyǵy saltanatty túrde ashyldy.
Qaýymdastyq eki eldiń saıasatkerleri men kásipkerlerin biriktiredi, maqsaty ár túrli saladaǵy eki jaqty yntymaqtastyqty nyǵaıtý bolyp tabylady.
9 jyl buryn (2005) Almatyda «Qazaqfılm» kınostýdııasynyń aımaǵynda «Eýrazııa» kınofestıvali alleıasynyń irgetasy saltanatty túrde qalandy.
9 jyl buryn (2005) Qostanaıda múgedek balalardyń qolynan shyqqan kórkemdik shyǵarmashylyq jumystarynyń kórmesi bolyp ótti.
Kórmeniń uıymdastyrýshysy - oblystyq Mádenıet departamenti jáne Múgedekter qoǵamy. Kórmege kórkemdik jumystardan basqa, qoldanbaly óner týyndylary da qoıyldy.
5 jyl buryn (2009) «Nur Otan» HDP ońtústikqazaqstandyq fılıalynyń «Jas Otan» jastar qanatynyń bastamasymen Shymkentte «Erkin pikir» zııatkerlik-pikirsaıys klýby uıymdastyryldy.
Munda balalar óz qurby-qurdastaryn patrıottyq rýhta, kásiptik jaǵynan jetildirýge, salaýatty ómir saltyn ustanýǵa tárbıeleýmen qatar, jastardyń ózekti máselelerin de talqylaıdy.
1 8 jyl buryn (1996) Almatydaǵy Keńsaı zıratynda jazýshy Oralhan Bókeevtiń zıratyna eskertkish ornatyldy.
ESІMDER
8 2 jyl buryn (1932) Qazaqstannyń halyq jazýshysy, Qazaqstannyń eńbek sińirgen mádenıet qyzmetkeri, QR Memlekettik syılyǵynyń laýreaty, Qyrǵyzstannyń halyq aqyny, táýelsiz «Tarlan» syılyǵynyń laýreaty MURTAZA Sherhan Murtazauly dúnıege keldi.
Jambyl oblysy, Jýaly aýdany, Myńbulaq mekeninde týǵan. 1955 jyly M.V.Lomonosov atyndaǵy Máskeý memlekettik ýnıversıtetiniń jýrnalıstıka fakýltetin bitirgen. «Lenınshil jas» (qazirgi «Jas Alash») gazetiniń, «Sotsıalıstik Qazaqstan» (qazirgi «Egemen Qazaqstan») gazetiniń tilshisi, ádebı qyzmetkeri boldy. 1963-1970 jj. «Lenınshil jas» gazetiniń redaktory. Sodan keıingi ýaqytta «Jazýshy» baspasynyń, «Jalyn» almanahynyń, «Juldyz» jýrnalynyń bas redaktory, Qazaqstan Jazýshylar odaǵy basqarmasynyń ekinshi hatshysy, «Qazaq ádebıeti» gazetiniń bas redaktory ári Qazaqstan Jazýshylar odaǵy basqarmasynyń hatshysy. 1989-1992 jj. «Egemen Qazaqstan» gazetiniń bas redaktory, 1992-1994 jj. Qazaqstan Respýblıkasy memlekettik teleradıo kompanııasynyń tóraǵasy bolyp istedi. QR Parlamentiniń Májilis depýtaty bolǵan. Jazýshynyń ár jyldary «Tabylǵan teńiz» (1963), «Belgisiz soldattyń balasy» (1969), «Ahmetjannyń anty» (1973), «Myltyqsyz maıdan» (1977) povesteri, «41-jylǵy kelinshek» (1972), «Internat nany» (1974) áńgimeleri, «Qara marjan» (1977), bes kitaptan turatyn «Qyzyl jebe», «Aı men Aısha» (1999) romandary, shyǵarmalarynyń tórt tomdyǵy (1990-2000), shyǵarmalarynyń 6 tomdyǵy, tańdamaly shyǵarmalarynyń 7 tomdyǵy, «Elim, saǵan aıtam, el basy, sen de tyńda» (K.Smaılovpen birge) (1998), «Bir kem dúnıe» (2008) kitaptary jaryq kórgen. Onyń shyǵarmalary KSRO halyqtary men shetel tilderine aýdarylǵan. Qazaq tiline G.H.Andersenniń áńgimelerin, vengr halyq ertegilerin, Sh.Aıtmatovtyń «Botagóz», «Qosh bol, Gúlsary», «Teńiz jaǵalaı júgirgen tarǵyl tóbet», «Borandy beket» týyndylaryn; Mustaı Kárimniń «Bizdiń úıdiń qýanyshy» povesin, E.Erskınniń «Marykchan balalary» romanyn, L.Lagınniń «Hottabych qart» povesin tárjimalady. «Ázıza» pesasy Mádenıet jáne aqparat mınıstrliginiń grantyn jeńip aldy. «Qara marjan» romany úshin 1978 jyly Qazaq KSR Memlekettik syılyǵyn aldy. Qazaq KSR-niń eńbek sińirgen mádenıet qyzmetkeri, Qazaqstannyń Halyq jazýshysy. «Qurmet belgisi», «Otan (1999) ordenderimen, medaldarmen marapattalǵan. PEN-klýb syılyǵynyń ıegeri (2003).
7 6 jyl buryn (1938) geologııa-mıneralogııa ǵylymdarynyń doktory, professor, Qazaqstan Respýblıkasy Ulttyq ǵylym akademııasynyń akademıgi ERMOLOV Petr Vasılevıch dúnıege keldi.
Ózbekstannyń Namangan qalasynda týǵan. Tashkent polıtehnıkalyq ýnıversıtetin bitirgen. 1961-1971 jyldary - Shyǵys Qazaqstan óndiristik geologııa birlestiginiń geology, aǵa geology, Altaı izdeý-túsirý ekspedıtsııasynyń bastyǵy. 1971-1986 jyldary - Qazaqstan Ǵylym akademııasy Geologııalyq ǵylymdar ınstıtýtynyń aǵa ǵylymı qyzmetkeri, zerthana meńgerýshisi, Altaı bólimshesiniń meńgerýshisi, Qaraǵandy bóliminiń zerthana meńgerýshisi. 1986-1988 jyldary - Qazaqstan Ǵylym akademııasy Hımııa-metallýrgııa ınstıtýtynyń zerthana meńgerýshisi. 1988-1991 jyldary Geologııa ǵylymdary ınstıtýty Qaraǵandy bóliminiń meńgerýshisi qyzmetin atqardy. 1991 jyldan Jer qoınaýyn keshendi ıgerý problemalary (Qaraǵandy qalasy) ınstıtýty dırektorynyń orynbasary boldy.
Negizgi ǵylymı eńbekteri metamorftyq jáne magmalyq taý jynystarynyń petrologııasyn, kolchedan-polımetaldy jáne altyn ken oryndarynyń geologııasyn, mınerologııasyn zertteýge arnalǵan. Shyǵys Qazaqstannyń alǵashqy 1:500000 masshtabtaǵy geologııalyq kartasyn qurastyrǵan.
7 1 jyl buryn (1943-1993) jazýshy, Qazaq KSR Memlekettik syılyǵynyń, Qazaqstan Lenın komsomoly syılyǵynyń, N.Ostrovskıı atyndaǵy Búkilodaqtyq ádebı syılyqtyń ıegeri BÓKEEV Oralhan dúnıege keldi.
Shyǵys Qazaqstan oblysynyń Qatonqaraǵaı aýdanynda týǵan. Qazaq memlekettik ýnıversıtetin bitirgen. 1968-1983 jyldary - Shyǵys Qazaqstan oblystyq «Kommýnızm týy» gazetiniń ádebı qyzmetkeri, «Lenınshil jas» (qazirgi «Jas Alash») gazetiniń, «Juldyz» jýrnalynyń bólim meńgerýshisi. 1983-1993 jyldary «Qazaq ádebıeti» gazeti bas redaktorynyń orynbasary, bas redaktory bolǵan. Qalamgerdiń «Qamshyger», «Úrker», «Qaıdasyń, qasqa qulynym», «Muztaý», «Án salady shaǵyldar», «Úrker aýyp barady», «Bizdiń jaqta qys uzaq» áńgimeler men povester jınaqtary, «Óz otyńdy óshirme» romany, «Qulynym meniń» pesalar jınaǵy jaryq kórgen. «Qulynym meniń», «Teke-tires», «Qar qyzy», «Zymyraıdy poezdar», «Jaý tylyndaǵy bala», «Men sizden qorqamyn» pesalary qazaq jáne orys tilderinde respýblıkalyq, oblystyq, sondaı-aq burynǵy odaqtas respýblıkalar teatrlarynda qoıylǵan. Orys tilinde «Jasynnyń izi» áńgimeler men povester jınaǵy jaryq kórgen. Birqatar shyǵarmalary shetel halyqtary tilderine aýdarylǵan. Jazýshynyń shyǵarmalary boıynsha «Kisikıik», «Saıtan kópir» kórkem fılmderi túsirilip, «Kerbuǵy» áńgimesiniń jelisi boıynsha balet-spektakl qoıyldy.
«Qurmet belgisi» ordenimen marapattalǵan.
7 4 jyl buryn (1940) ǵalym, geologııa-mıneralogııa ǵylymdarynyń doktory, professor, QR Injenerlik akademııasynyń, QR Mıneraldy resýrstar akademııasynyń, Halyqaralyq aqparattaný akademııasynyń akademıgi, KSRO munaı ónerkásibiniń úzdigi JOLTAEV Geroı Joltaıuly dúnıege keldi.
Almaty oblysy Balqash aýdanynda týǵan. Qazaq polıtehnıka ınstıtýtyn (Qanysh Sátbaev atyndaǵy Qazaq Ulttyq tehnıkalyq ýnıversıteti) jáne aspırantýrasyn bitirgen. 1961-1974 jyldary - Oral-Edil munaı barlaý ekspedıtsııasynyń kollektory, Qazaq KSR Ǵylym akademııasy Geologııa ınstıtýtynyń aǵa kollektory, Qazaq polıtehnıka ınstıtýty munaı fakýltetiniń assıstenti, aǵa oqytýshysy, dotsenti, kafedra meńgerýshisi, dekannyń orynbasary. 1974-1979 jyldary - Aljırdiń munaı, gaz jáne hımııa ınstıtýtynyń oqytýshysy, professory. 1980-1993 jyldary - Qazaq polıtehnıka ınstıtýty munaı fakýltetiniń dekany. 1993-2000 jyldary - Q.I.Sátbaev atyndaǵy QazUTÝ munaı jáne gaz geologııasy kafedrasynyń meńgerýshisi. 2000-2003 jyldary Qazaq polıtehnıka ınstıtýtynyń prorektory, Qanysh Sátbaev atyndaǵy Qazaq ulttyq tehnıkalyq ýnıversıtetiniń kafedra meńgerýshisi qyzmetterin atqarǵan. Qazirgi ýaqytta Qanysh Sátbaev atyndaǵy Qazaq ulttyq tehnıkalyq ýnıversıtetiniń prorektory qyzmetin atqarady.
«Tektonıka ı neftegazonostnost bortovyh zon Prıkaspııskoı sıneklızy» (birlesip shyǵarǵan), «Geologıcheskoe stroenıe ı neftegazonosnost ıÝjno-Týrgaıskogo basseına» (birlesip shyǵarǵan ) atty eńbekterdiń, 140-tan astam ǵylymı jarııalanymdardyń, 15 ádistemelik nusqaýlyqtyń, bir oqý quralynyń avtory.
Qazaqstan geologtary ulttyq komıtetiniń múshesi. Qazaqstannyń ken qoınaýyn barlaýshy. Qazaqstannyń úzdik ǵylymdaryna arnalǵan Memlekettik stıpendııanyń laýreaty.
Medaldarmen marapattalǵan.
6 4 jyl buryn (1950) Qazaqstan Respýblıkasy Parlamenti Senaty tóraǵasynyń orynbasary IŞANOV Qaırat Qydyrbaıuly dúnıge keldi. Atyraý qalasynda týǵan. Qazaq polıtehnıkalyq ınstıtýtyn (qazirgi Qanysh Sátbaev atyndaǵy Qazaq ulttyq tehnıkalyq ýnıversıteti) bitirgen.
1972-1983 jyldary - keńshardyń qurylysshy-ınjeneri, keme mehanıgi. 1983-1984 jyldary - Balyqshy aýdandyq partııa komıtetiniń nusqaýshysy. 1984-1990 jyldary - keńshardyń bas ınjeneri, basqarma tóraǵasy. 1990-1992 jyldary - Balyqshy aýdandyq atqarý komıtetiniń tóraǵasy, tóraǵanyń birinshi orynbasary. 1992-1994 jyldary - Atyraý oblysy Balyqshy aýdandyq ákimshiligi basshysynyń birinshi orynbasary. 1994-1999 jyldary - Jambyl atyndaǵy keńshar basqarmasynyń tóraǵasy. 1999-2000 jyldary - Atyraý oblystyq máslıhatynyń hatshysy. 2000-2001 jyldary - Jambyl atyndaǵy óndiristik kooperatıvtiń tóraǵasy. 2001-2005 jyldary - Atyraý oblysy ákiminiń orynbasary. 2005 jyldan - Atyraý oblysy boıynsha Qazaqstan Respýblıkasy Parlamenti Senatynyń depýtaty..
Orta Azııa memleketteri uıymynyń, Lıtva Seıminiń, AQSh Kongresiniń, Rýmynııa Senatynyń, Italııa Senatynyń, Saýd Arabııasy Koroldikteri Konsýltatıvtik Keńesiniń (Shýra májilisi) Yntymaqtastyq toptarynyń múshesi.
«Qurmet», «Parasat» ordenderimen jáne medaldarmen marapattalǵan.
6 4 jyl buryn (1949) QR Prezıdenti Muraǵaty dırektorynyń orynbasary ChÝPROV Vıacheslav Mıhaılovıch dúnıege keldi.
Almaty qalasynda týǵan. Qazaq memlekettik ýnıversıtetin bitirgen.
1974-1978 jyldary - Almaty oblysy memlekettik muraǵatynyń arhıvarıýsy, kishi, aǵa ǵylymı qyzmetkeri. 1978-1984 jyldary - QazKSR Bas muraǵat basqarmasynyń ınspektory, aǵam ınspektory. 1984-1987 jyldary - QazaqKSR Ortalyq memlekettik muraǵaty dırektorynyń orynbasary. 1987-1996 jyldary - QR Muraǵat jáne qujattama Bas basqarmasynda bólim meńgerýshisiniń orynbasary, aǵa ınspektory, konsýltant, bastyqtyń orynbasary. 1997 jyldan - QR Prezıdenti Muraǵatynyń bas muraǵatshysy.
Qazirgi qyzmetinde - 1997 jyldan beri. Medalmen, QR Prezıdentiniń Alǵyshatymen marapattalǵan.
4 6 jyl buryn (1967) «Intergaz Ortalyq Azııa» AQ bas dırektory ESTAI Serik Estaıuly dúnıege keldi.
1967 jylǵy 28 qyrkúıekte Ońtústik Qazaqstan oblysynda týylǵan. 1992 jyly «Injener-elektrık» mamandyǵy boıynsha Almaty energetıkalyq ınstıtýtyn bitirgen. 2002 jyly «Quqyqtaný» mamandyǵy boıynsha Qazaq memlekettik zań akademııasyn bitirgen. Tehnıkalyq ǵylymdardyń kandıdaty. Óziniń eńbek qyzmetin 1984 jyly «Aýyl sharýashylyq hımııasy» ÓB-te jumysshy bolyp bastady. 1992-1993 jj. - «Orda» ınvestıtsııalyq qory - bas maman. 1993-1995 jj. - «Garant» AQ- Kommertsııa jónindegi vıtse-prezıdenti. 1995 j. - Avtokólik kásiporny - Dırektordyń ShEAB MTJ jónindegi orynbasary. 1995-1996jj. - «Ýeıkfıld Inspekshen Servıs LTD» JShS - Bas dırektordyń orynbasary. 1996-1998jj. - «Shymkentgaz» AQ- Satý bóliminiń bastyǵy. 1998-1999jj. - «Alaýgaz» Almaty fılıaly - Bólim bastyǵy. 1999j. - QR Keden organdarynda Energetıkalyq kedenniń bas ınspektory bolyp jumys istedi. 1999-2000jj. - Salyq polıtsııasy - Aǵa ınspektor. 2000-2002 jj. - «Intergaz Ortalyq Azııa» JAQ - Bıýdjet pen satyp alýdy baqylaý bóliminiń mamany, MTJ departamentiniń 1 sanatty mamany. 2002-2003 jj. - «QazTransGaz» JAQ - Óńirlermen jumys isteý jónindegi basqarmanyń bastyǵy, Bas dırektordyń orynbasary. 2003j. - «QazTransGaz» JAQ- Gazdy tasymaldaý jáne marketıng departamenti Gazdy tasymaldaý jáne klırıng bóliminiń bas menedjeri7 2003-2004jj. - «Intergaz Ortalyq Azııa» JAQ-tyń «Ońtústik» magıstraldyq gaz qubyrlary basqarmasy - Dırektordyń jalpy máseleler jónindegi orynbasary. 2004 j. - «QazTransGaz Dıstrıbtıýshn» JAQ - Bas dırektordyń orynbasary, Bas dırektordyń birinshi orynbasary. 2004 j. jeltoqsannan bastap 2007 jylǵy qyrkúıekke deıin - «QazTransGaz Aımaq» AQ Bas dırektory. 2007 jylǵy qyrkúıekten bastap - «Intergaz Ortalyq Azııa» AQ Bas dırektory.
4 2 jyl buryn (1972) Batys Qazaqstan oblysy ákiminiń orynbasary KÁRІMOV Marat Shaıdollauly dúnıege keldi
Atyraý munaı jáne gaz ınstıtýtynda (taýken ınjeneri) jáne Oklahoma, Lýızıana shtattaryndaǵy Amerıka ýnıversıtetterinde (munaı isi) bilim alǵan. Eńbek jolyn 1994 jyly «KazahstanKaspııShelf» AQ geologııa jáne geofızıka bóliminiń tehnıkalyq kómekshisi bolyp bastaǵan. Keıin osy kásiporynnyń mamany, jetekshi mamany bolyp istedi. 1998-2002 jyldary Atyraý jáne Gaaga qalalarynda «Offshor Kazahstan Interneshnl Opereıtıng Kompanı N.V.» kompanııasynyń burǵylaý jónindegi sýpervaızerdiń assıstenti, óndiris ınjeneri, kenishti damytý jáne jaılastyrý jónindegi ınjeneri bolyp istegen.
2002-2004 jyldary - London qalasynda "Adjıp Kazahstan Nort Kaspıan Opereıtıng Kompanı N.V." kompanııasynyń ınjeneri, bólim bastyǵy. 2004-2012 jyldary «QazMunaıGaz» UK» AQ departament dırektorynyń orynbasary, departament dırektory, «QazMunaıTeńiz» Teńiz munaı kompanııasy AQ bas dırektorynyń birinshi orynbasary, "KMG Kashagan BV" kompanııasy bas dırektorynyń orynbasary, «QazMunaıGaz» UK» AQ barlaý jobalary boıynsha bas menedjeri. 2013 jyldan bastap Batys Qazaqstan oblysy ákiminiń keńesshisi bolyp istedi. 2013 jyldyń 4 sáýirinde oblys ákiminiń orynbasary bolyp taǵaıyndaldy.
3 7 buryn buryn (1976) «Grand FM» (Love Radio).JShS bas dırektory AHMETOVA Aıgúl Sársenbekqyzy dúnıege keldi.
Qyzylorda oblysynda týǵan. Halyqaralyq bıznes akademııasynyń «korporatıvtik qarjy» fakýltetin bitirgen. 2001 jyldan - «Qazaqtelekom» AQ býhgalteri. 2006 jyldan - «Smart Multimedia» JShS bas býhgalteri - qarjy dırektory. 2009 jyldyń qańtarynan - qazirgi qyzmetinde.
3 4 jyl buryn (1980) QR quramasynyń múshesi HRÝSTALEVA Elena Vladımırovna dúnıege keldi.
Krasnoıarsk qalasynda týǵan. Krasnoıar memlekettik ýnıversıtetiniń dene tárbıesi jáne sport fakýltetin bitirgen. 1997 jyldan - Krasnoıarsk qalasynda BJSM bıatlon boıynsha sportshy-nusqaýshysy. 2001 jyldan - Belarýs Respýblıkasynyń bıatlonnan quramasynyń múshesi. 2002 jyldan - Novosibir qalasy Sportshy-jastar mektebiniń bıatlonnan sportshy-nusqaýshysy.
Jasóspirimder arasyndaǵy Eýropanyń eki dúrkin chempıony (Polsha, 2000), Jasóspirimder arasyndaǵy álem chempıonatynyń 2 dúrkin kúmis júldegeri (Avstrııa, 2000), úsh dúrkin Eýropa chempıony «Italııa, 2003, Reseı, 2005), Azııa oıyndarynda 3-shi jáne 2-oryndar (QHR, 2007), Azııa chempıonatynda 1-shi jáne 2-shi oryndar (QR, 2008), Jazǵy álem chempıonatynda 2-shi jáne 3-shi oryndar (Estonııa, 2007, Germanııa, 2010), Olımpıadalyq oıyndarda kúmis júldeger (Vankýver, 2010), Azııa jazǵy chempıonatynyń birneshe márte chempıony, VII Azııa oıyndarynyń chempıony (Astana, Almaty, 2011). Qysqy Olımpıadalyq oıyndarǵa qatysýshy (Solt-Leık-Sıtı, 2002).
16 4 jyl buryn (1852-1907) frantsýz hımıgi, Nobel syılyǵynyń laýreaty Ferdınand Frederık Anrı MÝASSAN dúnıege keldi.
10 6 jyl buryn (1908-1990) keńes jazýshysy, ádebıettanýshy, kórkem áńgime sheberi, telejúrgizýshi Iraklıı Lýarsabovıch ANDRONIKOV dúnıege keldi.
90 jyl buryn (1924-1996) ıtalıan kıno jáne teatr akteri Marchello Vınchentso Domenıko MASTROıANNIdúnıege keldi.
80 jyl buryn (1934) frantsýz aktrısasy BARDO Brıjıt dúnıege keldi.
4 1 jyl buryn (1973) chılı aqyny, teatr rejısseri, ánshi, saıası belsendi jáne Chılı Kommýnıstik partııasynyń múshesi Vıktor Lıdıo Hara MARTINES dúnıege keldi.