28 qazan kúni Qazaqstannyń alty óńirinde kún buzylady
ASTANA. QazAqparat - Qazaqstannyń birqatar oblystarynda aýa raıyna baılanysty eskertý jasaldy, dep habarlaıdy «Qazgıdromet» RMK-ǵa silteme jasaǵan QazAqparat.
Sınoptıkterdiń boljamynsha, 28 qazanda Shyǵys Qazaqstan oblysynda batystan soǵatyn jel 15-20 m/s deıin kúsheıip, kúndiz jel ekpini 23-28 m/s deıin jetedi dep kútilip otyr. Óskemende 28 qazan kúni batystan soǵatyn jeldiń 15-20 m/s deıin kúsheıýi yqtımal. Semeıde 28 qazanda batystan soǵatyn jeldiń ekpini 15-20 m/s deıin jetedi.
Bul kúni Batys Qazaqstan oblysynyń keı jerlerinde ońtústik-batys, batystan soǵatyn jeldiń ekpini 17-22 m/s deıin jetedi. Oralda kúndiz ońtústik-batys, batystan soǵatyn jeldiń ekpini 15-20 m/s deıin jetedi. Daýyl turý yqtımaldylyǵy 90-95 paıyz.
28 qazan kúni Qyzylorda oblysynda soltústik-batystan 18-23 m/s deıin jyldamdyqpen bolatyn kúshti jel turady, jel ekpingi 30 m/s jáne odan da kóp bolýy múmkin. Sol kúni Jambyl oblysynda ońtústik-batystan 15-20 m/s jyldamdyqpen jel soǵyp, tańerteń jáne kúndiz jel ekpini 23-28 m/s, al ońtústik-batysta 30 m/s jáne odan da kóp bolýy yqtımal. 29-31 qazan kúnderi 3 gradýsqa deıin sýytýy múmkin.
Tarazda 28 qazanda ońtústik-batystan 15-20 m/s jyldamdyqpen jel soǵyp, tańerteń jáne kúndiz jel ekpini 23-28 m/s deıin jetýi yqtımal. 29-31 qazanda túnde aýanyń temperatýrasy 1-3 gradýsqa deıin tómendeıtini kútilýde. Daýyl turý yqtımaldylyǵy 85-90 paıyz.
28 qazanda Soltústik Qazaqstan oblysynda soltústik-batystan kúshti jeldiń soǵýy kútilýde, túnde jel ekpini keı jerlerde 15-20 m/s, kúndiz 15-20 m/s, keı jerlerde 23-28 m/s deıin jetedi. Keıbir jerlerde tuman túsip, kóktaıǵaq bolýy yqtımal. 28 qazan kúni Petropavlda soltústik-batystan 15-20 m/s jyldamdyqpen jel soǵyp, ekpini 25 m/s deıin jetedi. Tuman, kóktaıǵaq bolady. Daýyl turý yqtımaldylyǵy 90-95 paıyz.
28 qazanda Qostanaı oblysynda soltústik-batystan soǵatyn jeldiń jyldamdyǵy 15-20 m/s, jel ekpini 25 m/s deıin jetedi. Daýyl turý yqtımaldylyǵy - 90-95 paıyz.
28-30 qazan kúnderi Aqmola oblysynda jaýyn-shashyn, kúndiz keı jerlerde qatty jaýyn-shashyn (qar, jańbyr) jaýýy yqtımal. Keı jerlerde tuman túsip, kóktaıǵaq, jaıaý burqasyn bolady. Batys, soltústik-batystan 15-20 m/s jyldamdyqpen jel soǵady, keıbir jerlerde ekpini 23-28 m/s deıin jetýi yqtımal. 28-30 qazanda Astanada batys, soltústik-batystan 15-20 m/s jyldamdyqpen jel soǵyp, tuman túsip, kóktaıǵaq bolady. Daýyl turý yqtımaldylyǵy 85-90 paıyz.
