28 qazan. QazAqparat kúntizbesi
28 qazan. JEKSENBІ
Halyqaralyq anımatsııa kúni
1892 jylǵy 28 qazanda Parıjde Emıl Reıno kórermenderdi osy kúnge deıin eshkim kórmegen «optıkalyq teatr» kórinisine shaqyrdy. Onda talantty ónertapqysh kópshilikke alǵash ret óziniń praksınoskop apparatyn usyndy, ol qozǵalatyn kartınkalardy kórsetedi. Osy ataýly kúndi anımatsııa kınosy dáýiriniń bastalýy dep sanaıdy. Halyqaralyq anımatsııa kúni Anımatsııa kınosynyń halyqaralyq odaǵynda (ASIFA - The International Animated Film Association) 2003 jyly bekitilgen jáne qazir dúnıejúzinde atalyp ótedi.
Cheh Respýblıkasynyń Ulttyq meıramy - Táýelsiz Chehoslovakııanyń qurylǵan kúni (1918)
Bul kúni 1918 jyly Chehııa Chehoslovakııanyń quramynda Avstro-Vengrııa ımperııasynan táýelsizdigin alǵan bolatyn. Al 1993 jyly Chehııa óz aldyna bólek egemendi memleket retinde jarııalanǵan bolatyn. Chehııa - Ortalyq Eýropada ornalasqan memleket. Soltústiginde Polshamen, shyǵysynda Slovakııamen, ońtústiginde Avstrııamen, batysynda Germanııamen shektesedi. Astanasy - Praga qalasy.
Qazaqstan Respýblıkasynda áleýmettik qorǵaý júıesi qyzmetkerleriniń kúni
Áleýmettik qorǵaý júıesi qyzmetkerleriniń kúni - Qazaqstan kásibı merekeleri tizimine 2011 jyldyń 20 qazanyndaǵy Respýblıka Prezıdentiniń jarlyǵymen engizilgen ózgeristerden keıin qazan aıynyń sońǵy jeksenbisinde atap ótilip keledi.
ESTE QALAR OQIǴALAR
1992 jyly QR Prezıdenti Nursultan Nazarbaevtyń Jarlyǵymen Qazaqstan Respýblıkasynyń Іshki áskeri quryldy.
1998 jyly skrıpkashy Aıman Musaqojaevaǵa ıÝNESKO-nyń sheshimimen «Álem ártisi» joǵary ataǵy berildi.
2005 jyly QR Memlekettik ortalyq mýzeıinde «Qyz Jibek» eposyna - 500 jyl» atty kórme ashyldy.
2005 jyly Jazýshylar úıiniń májilis zalynda Qytaı men Mońǵolııadan kelgen qandastarymyzdyń bastamasymen jaryqqa shyqqan «Ún» atty ádebı jýrnaldyń tanystyrylymy boldy. Muqabasynda Kók bóri men Aı beınelengen jýrnaldyń alǵashqy sanynda ádebıetke qatysty synı pikirler, jas aqyndar óleńi men jazýshylardyń áńgimeleri, álem ádebıetindegi ozyq týyndylardyń qazaqshaǵa tárjimalanǵan nusqalary jaryq kórgen.
2010 jyly Ázerbaıjan Respýblıkasyndaǵy Qazaqstan elshiliginde Geıdar Álıev atyndaǵy «Ázerbaıjan-Qazaqstan» respýblıkalyq dostyq qoǵamynyń qurylǵanyna 17 jyl tolýyna arnalǵan merekelik is-shara bolyp ótti.
2010 jyly Parıjdegi Matınon saraıynda Qazaqstan Respýblıkasynyń Prezıdenti Nursultan Nazarbaev Frantsýz Respýblıkasynyń Premer-Mınıstri Fransýa Fııonmen kezdesti. Kezdesý barysynda ekonomıkalyq ózara is-qımyl jaıy, atap aıtqanda, jańa ınvestıtsııalyq jobalardy iske asyrý máselesi talqylandy.
2011 jyly QR Ulttyq banki nomınaly 500 teńge «Kóshpendiler altyny» serııasynan «Bulannyń basy» kúmis monetasyn aınalymǵa shyǵardy. Kúmis moneta - «Kóshpendiler altyny» serııasynyń segizinshi monetasy. Onyń dızaınyna Qazaqstan aýmaǵyndaǵy qazba jumystary barysynda tabylǵan altyn buıymdardyń beınesi paıdalanyldy. 925 synamaly, salmaǵy 31,1 gramm, dıametri - 38,61 mm, daıyndaý sapasy «proof», taralymy - 5 myń dana.
2014 jyly Dýbaıda 10-shy Dúnıejúzilik ıslam ekonomıkalyq forýmynyń aıasynda QR Prezıdenti Nursultan Nazarbaev Malaızııa Premer-Mınıstri Nadjıb Týn Razak jáne Lıýksembýrg Premer-Mınıstri Ksave Bettelmen ekijaqty kezdesý ótkizdi.
Kelissóz barysynda saýda-ekonomıkalyq, ınvestıtsııalyq, ındýstrııalyq-ınnovatsııalyq jáne mádenı-gýmanıtarlyq salalardaǵy ekijaqty yntymaqtastyq máseleleri talqylandy.
2015 jyly Almatyda kórnekti qoǵam qaıratkeri Gerold Belgerge eskertkish ashyldy. Keńsaıda qoıylǵan eskertkishti Amangeldi Baıǵatorov basqarǵan shyǵarmashylyq top jasady.
2015 jyly Qazaqstannyń Túrkııadaǵy Elshiliginiń qatysýymen Súıinbaı Aronulynyń 200 jyldyq mereıtoıyna oraılastyrylyp túrik tilindegi aqyn shyǵarmalary toptastyrylǵan kitaptar jaryq kórdi. Oǵan túrik jáne basqa da aty áıgili qazirgi zamanǵy sheteldik poezııanyń ókilderiniń pikirleri engen.