28 qarashaǵa arnalǵan aýa raıy boljamy
ASTANA. 27 qarasha. QazAqparat - Qazaqstan aýmaǵynyń basym bóliginde tsıklonnyń yqpalymen keı jerlerde jańbyr jaýady dep kútilýde. Respýblıkanyń ońtústigi jáne ońtústik-shyǵysynda aýa raıy jaýyn-shashynsyz bolady. Respýblıka boıynsha keı jerlerde tuman túsip, jel kúsheıedi, dep habarlaıdy QR TJM baspasóz qyzmeti «Qazgıdrometke» silteme jasap.
Shyǵys Qazaqstan, kúndiz Aqmola oblystarynda, Qyzylorda, Soltústik Qazaqstan, Qaraǵandy oblystarynda keı jerlerde jel 15-20 m/s-ke kúsheıdi. Almaty, Jambyl, Atyraý, Aqtóbe oblystarynda keı jerlerde tuman túsedi, Almaty oblysynyń Jalańashkól aýdanynda jel 15-20 m/s-ke kúsheıdi, jel ekpini 25 m/s. Batys Qazaqstan oblysynda keı jerlerde kóktaıǵaq bolady dep kútilýde, tuman túsedi, kúndiz keı jerlerde jel 15-20 m/s-ke kúsheıdi. Qostanaı oblysynda keı jerlerde tuman túsedi, kóktaıǵaq bolady, jel 15-20 m/s-ke kúsheıdi.
Jaqyn táýlikterde Qazaqstannyń soltústik bóliginiń kóptegen ózenderinde muz qalyptasý úrdisi jalǵasady, soǵan baılanysty respýblıka shyǵysynyń jekelegen ózenderinde sý deńgeıi turaqsyz bolady dep kútilýde.
Qyzylorda oblysynyń aýmaǵynda Syrdarııa ózeniniń arnalaryn retteý esebinen ózendegi sý deńgeıiniń turaqsyzdyǵy baıqalady. Respýblıkanyń ońtústigi jáne ońtústik-shyǵysynyń sý nysandarynda joǵary temperatýra aıasynda sý jylynady dep kútilýde, Almaty oblysynyń jekelegen ózenderinde muzdar erıdi.
