28 qarashada ótetin mańyzdy oqıǵalarǵa sholý
ASTANA. QazAqparat - «QazAqparat» halyqaralyq aqparat agenttigi 28 qarasha kúni elimizde ótetin eń mańyzdy oqıǵalarǵa sholýdy usynady.
Saǵat 10:00-de Úkimet úıinde Mınıstrler kabınetiniń músheleri bas qosyp birqatar máseleni talqyǵa salatyn bolady.
Dál osy ýaqytta «Qazmedıa ortalyǵynda» «Bolashaqqa kózqarasy!» dep atalatyn memlekettik jastar saıasatyn aqparattyq qoldaýǵa baǵyttalǵan WEB-forým jumysyn bastaıdy.
Sonymen qatar osy ýaqytta QR Aýyl sharýashylyǵy mınıstrliginde QR Parlamenti Senaty men Májilisiniń depýtattarynyń, Reseıdiń Búkilálemdik jabaıy tabıǵat qory dırektorynyń, Almaby oblysy ákimdigi ókilderiniń, múddeli memlekettik qoǵamdyq uıymdardyń ókilderi bas qosady.
Al 10:00-de L.Gýmılev atyndaǵy Eýrazııa ulttyq ýnıversıtetinde «Rýhanı jańǵyrý» baǵdarlamasyn júzege asyrý aıasynda QR Tuńǵysh Prezıdenti kúninen arnalǵan «Men qazaqstandyqpyn!» dep atalatyn Astana qalasynyń Qazaqstan halqy Assambleıasynyń jastar forýmy ótedi.
10.00-de Elbasy kitaphanasynda QR Tuńǵysh Prezıdenti kúni men elordamyzdyń Astanaǵa kóshirilýiniń 20 jyldyǵyna arnalǵan «Birizdilik jine birlik N.Á.Nazarbaev modeli jáne qazaqstandyq jol» halyqaralyq ǵylymı-tájirıbelik konferentsııa bastalady.
Saǵat 15:00-de Qazaqstan Respýblıkasynyń Armenııa Respýblıkasyndaǵy Elshisi Tımýr Orazaev brıfıng ótkizedi.
Dál osy ýaqytta L.Gýmılev atyndaǵy EUÝ Qazaqstan halqy Assambleıasy kafedrasynda QR Parlamenti Májilisiniń depýtaty, Olımpıada chempıony Serik Sápıevpen kezdesý bolady.
Al 16:00-de QR Qarjy vıtse-mınıstri R.Beketaevtyń tóraǵalymen konsýltatıvtik organnyń kezekti otyrysy ótpek.
16:20-de Ortalyq kommýnıkatsııalar qyzmetinde robot tehnıkasynan ótken halyqaralyq olımpıada júldeli oryndarǵa ıe bolǵan Nazarbaev zııatkerlik oqýshylarynyń qatysýymen baspasóz máslıhaty bolady.
Saǵat 17:00 «Tilep» qobyz saraıynda Astana qalasynyń Tilderdi damytý basqarmasy Táýelsizdik kúnine oraı «Til - táýelsizdik tiregi» atty kesh ótkizedi.
ALMATY
08:30-da Rixos Almaty qonaq úıinde XII Innovatsııalyq kongres pen Innovatsııalyq jobalar kórmesine arnalǵan baspasóz máslıhaty uıymdastyrylady.
Saǵat 10:00-de Dostyq úıinde «Rýhanı jańǵyrý» baǵdarlamasyn júzege asyrýdaǵy jastardyń róli» taqyrybynda dóńgelek ústel ótip, «Birligiń myqty jastar - bolashaqqa jol bastar» aktsııasy jarııa etiledi.
Dál osy ýaqytta QR Tuńǵysh Prezıdenti - Elbasy qory janyndaǵy Álemdik ekonomıka jáne saıasat ınstıtýty «qazaq tilin latyn álipbıine kóshirý: problemalar men sheshý joldary» taqyrybynda dóńgelek ústel otyrysyn bastaıdy.
Al saǵat 11:00 InterSontinental Almaty qonaq úıinde ótip bara jatqan jyl ishindegi polıak-qazaq yntymaqtastyǵynyń qorytyndysyn shyǵarýǵa arnalǵan baspasóz máslıhaty ótedi.
12:00-de «Ramada Almaty» qonaq úıinde «Rýhanı jańǵyrý» baǵdarlamasy aıasynda Almaty qalasynyń belsendi azamattarynyń forýmy uıymtastyrylady.
Qaraǵandy oblysy
Saǵat 14.30-de Qaraǵandy oblystyq TJD «Qysqy maýsymdaǵy órt qaýipsizdigi» taqyrybynda brıfıng ótkizedi.
Aqmola oblysy
Kókshetaý qalasynda Óńirlik kommýnıkatsııalar qyzmetinde tabıǵı monopolııalardy retteý, básekelestikti jáne tutynýshylardyń quqyǵyn qorǵaý departamentiniń basshysy E.Esirkepovtiń qatysýymen brıfıng bolady.
