28 qarashada Qazaqstannyń basym bóliginde jel soǵady
ASTANA. QazAqparat - Búgin Qazaqstan aýmaǵynyń basym bóliginde qar jaýyp, ońtústiktiń taýly aýdandarynda mol jaýyn-shashyn túsedi. Keı jerlerde ekpindi jel turyp, tuman, kóktaıǵaq, burqasyn kútiledi. Bul týraly «Qazgıdromet» RMK habarlaıdy.
Almaty oblysynyń keı jerlerinde jeldiń jyldamdyǵy 15-20 m/s-ǵa jetedi. Jalańashkól aýdanynda jeldiń ekpini 25 m/s bolady, túnde keı jerlerinde tuman túsedi.
Aqmola, Qostanaı oblystarynyń keı jerlerinde jeldiń jyldamdyǵy 15-20 m/s-ǵa deıin kúsheıip, tuman, burqasyn bolady. Qostanaı oblysynda kóktaıǵaq kútiledi.
Soltústik Qazaqstan oblysynyń keı jerlerinde burqasyn, kóktaıǵaq bolyp, jeldiń jyldamdyǵy 15-20 m/s-ǵa deıin kúsheıedi.
Shyǵys Qazaqstan oblysynda jeldiń jyldamdyǵy 15-20 m/s-ǵa deıin kúsheıedi, kúndiz burqasyn bolady.
Túrkistan, Jambyl, Qyzylorda, Batys Qazaqstan oblystarynyń keı jerlerinde tuman, kóktaıǵaq bolyp, Túrkistan, Jambyl oblystarynda jeldiń jyldamdyǵy 15-23 m/s-ǵa deıin kúsheıedi.
Pavlodar, kúndiz Aqtóbe oblystarynyń keı jerlerinde jeldiń jyldamdyǵy 15-20 m/s-ǵa deıin kúsheıedi.
Qaraǵandy, Atyraý, Mańǵystaý oblystarynyń keı jerlerinde tuman túsedi.
