28 qarashada elimizde ótetin mańyzdy is-sharalar ańdatpasy
ASTANA. KAZINFORM — Kazinform halyqaralyq aqparat agenttigi erteń (28 qarasha) Qazaqstanda ótetin mańyzdy is-sharalar ańdatpasyn usynady.
09:00-de Hilton Garden Inn qonaqúıinde «Ǵylym jáne ónerkásip: taý-ken metallýrgııa kesheninde ǵylymı-zertteý jáne tájirıbelik-konstrýktorlyq jumystardy qaıta iske qosý» forýmy ótedi.
10:00-de QR Parlamenti Senatynyń otyrysy bastalady.
10:00-de Qazaqstan Jol ǵylymı-zertteý ınstıtýtynyń 65 jyldyǵyna arnalǵan Ortalyq Azııa halyqaralyq «Bolashaq joldary» konferentsııasy ótedi.
11:00-de Qazaqstan Halyq partııasy depýtattyq fraktsııasynyń «Azamattardy kıberqylmystan qorǵaý maqsatynda bank qyzmetterin usyný mehanızmderin jetildirý» taqyrybynda dóńgelek ústeli ótedi.
11:30-da QR Prezıdenti janyndaǵy Ortalyq kommýnıkatsııalar qyzmetinde Túrkistan oblysynyń áleýmettik-ekonomıkalyq damýyna arnalǵan kóshpeli baspasóz konferentsııasy ótedi.
11:50-de Qazaqstan Prezıdenti Qasym-Jomart Toqaevtyń tóraǵalyǵymen UQShU Ujymdyq qaýipsizdik keńesiniń kezekti sessııasyn aqparattandyrý maqsatynda Qazmedıa ortalyǵynyń holynda baspasóz ortalyǵy jumys isteıdi.
14:00-de Wyndham Garden Astana qonaq úıinde erekshe qajettilikteri bar azamattar IT salasyndaǵy (UX/UI dızaın, No Code, AI) erekshe jobalaryn tanystyratyn OrleTech jobasynyń marapattaý saltanaty ótedi.
14:30-da QR Prezıdenti janyndaǵy Ortalyq kommýnıkatsııalar qyzmetinde «Gazben jabdyqtaý júıelerin paıdalaný kezinde qaýipsizdikti qamtamasyz etý týraly» baspasóz konferentsııasy ótedi.
15:00-de «Astanagenplan» JShS (Ázirbaıjan Mámbetov kóshesi, 22) ǵımaratynda Astana qalasynyń Qoǵamdyq keńesiniń otyrysy ótedi.
15:00-de Prezıdenttik ortalyqta QR Táýelsizdik kúnine, sondaı-aq Muhamedjan Tynyshpaev, Mustafa Shoqaı, Sáken Seıfýllın, Turar Rysqulov sııaqty memlekettik jáne qoǵam qaıratkerleriniń mereıtoılaryna arnalǵan «Tarıhı tulǵalar týraly ocherkter» kórmesiniń ashylý saltanaty ótedi.
17:00-de Astana Opera teatrynda «Aısýlý» operasynyń premerasyna arnalǵan baspasóz konferentsııasy ótedi.