28 qarasha. Týǵan kún ıeleri
ESІMDER
83 jyl buryn (1935-1983) Qazaqstan Respýblıkasy Memlekettik ánuranynyń (mátini) avtory, kórnekti aqyn, aýdarmashy, Qazaqstan Jastar odaǵy syılyǵynyń ıegeri Jumeken Sabyruly NÁJІMEDENOV dúnıege keldi. Atyraý oblysy Qurmanǵazy aýdanynda týǵan. Qurmanǵazy atyndaǵy Almaty konservatorııasynyń ult aspaptary fakýltetin, M.Gorkıı atyndaǵy Ádebıet ınstıtýty janyndaǵy Joǵary kýrsty bitirgen. 1959-1965 jyldary - «Jazýshy» baspasynyń kishi redaktory, 1965-1966 jyldary - respýblıkalyq «Lenınshil jas» gazetinde ádebıet jáne óner bóliminiń meńgerýshisi. 1966-1971 jyldary - Qazaqstan Jazýshylar odaǵynda ádebı keńesshi. 1974-1978 jyldary - Qazaq KSR Baspa, polıgrafııa jáne kitap saýdasy isteri jónindegi memlekettik komıtetiniń redaktory, 1978-1983 jyldary «Mektep» baspasynda redaktsııa meńgerýshisi qyzmetterin atqarǵan. Tuńǵysh kitaby «Balaýsa» degen atpen 1961 jyly jaryq kórdi. Alpysynshy jyldardan bastap óleńderi men shyǵarmalary, úsh romany, aýdarma kitaptary «Jazýshy», «Jalyn» baspalarynan jaryq kórgen. «Balaýsa», «Sybyzǵy syry», «Joq, umytýǵa bolmaıdy», «Kúı kitaby», «Mezgil áýenderi», «Ulym, saǵan aıtam», «Qyzǵaldaq jaıly ballada», «Temirqazyq», «Meniń topyraǵym» kitaptary, úsh tomdyq shyǵarmalar jınaǵy, «Men - tamyrmyn» dastandary, «Qasiret pen qaısarlyq», «Jumeken», «Jańǵyryq», «Jaryq pen jylý», «Vesennıe vetry», «Men týǵan kún», «Jeti boıaý», «Shýaq», «Ashyq aspan», «Qyran qııa», «Tebe govorıý, potomok» tolǵaý, poemalary men jyrlary, «Aq shaǵyl», «Kishkentaı», «Dańq pen daqpyrt» atty romandarynyń avtory. 1967 jyly «Joq, umytýǵa bolmaıdy!» atty poemasy úshin Qazaqstan Lenın komsomoly syılyǵynyń laýreaty atandy. Aqyn jyrlary birneshe shet el tilderine aýdarylǵan.Jumeken Nájimedenov mátinin jazǵan «Meniń Qazaqstanym» 2005 jyly ánuran bolyp bekitildi. Aqynnyń esimi óziniń týǵan jeri Atyraý oblysy Qurmanǵazy aýdanyndaǵy aýylǵa berilgen.
72 jyl buryn (1946) Qazaqstan Respýblıkasy Jeńil ónerkásip kásiporyndary qaýymdastyǵynyń prezıdenti HÝDOVA Lıýbov Nıkolaevna dúnıege keldi.
Ol Túrkimenstannyń Mary qalasynda dúnıege kelgen. 1969 jyly Tashkent toqyma ınstıtýtyn ınjener-tehnolog mamandyǵy boıynsha támamdaǵan.
Eńbek jolyn 1969 jyly «Kazgıprotehnolegprom» ınstıtýtynyń bas mamany bolyp bastaǵan. 1976 jyly Lenıngrad toqyma jáne jeńil ónerkásip ınstıtýtynyń aspıranty bolǵan. Biraz jyldar boıy «Kazgıprotehnolegprom» ınstıtýtynyń basshylyq qyzmetterin atqarǵan. 1988 jyldan - Almaty tehnologııalyq ınstıtýtynyń dotsenti, 1995 jyldan - Azamattyq avıatsııa servıs kolledjiniń oqý-óndiristik jumysy jónindegi dırektordyń orynbasary, 1997 jyldan - «Symbat» sán akademııasy ǵylym jónindegi vıtse-prezıdenti, 1998 jyldan - «Symbat» sán bıznes ýnıversıtetiniń rektory. 1999 jyldan - QR Jeńil ónerkásip kásiporyndary qaýymdastyǵynyń atqarýshy dırektory.
Qazirgi qyzmetinde - 2003 jyldan beri.
58 jyl buryn (1960) Qazaqstan Respýblıkasy Ulttyq kitaphanasynyń dırektory Janat Turaruly SEIDÝMANOV dúnıege kelgen.
Ol Jambylda (qaz. Taraz) týǵan. Máskeý tehnologııa ınstıtýtynyń mehanıka-tehnologııa fakýltetin bitirgen, ınjener-tehnolog (1984); Qazaqstan menedjment, ekonomıka jáne boljaý ınstıtýtynyń ekonomıka fakýltetin tamamdaǵan, uıymdastyrýshy ekonomıst (1994).
Eńbek joly: Jambyl qalasyndaǵy turmystyq jıhazdar fabrıkasynyń ınjener-tehnologi (1984-1985); Jambyl qalasy, hımııa-mehanıkalyq tehnıkýmynyń komsomol komıtetiniń hatshysy (1985-1988); Jambyl qalasy Zavodskoı aýdandyq atqarý komıtetiniń jalpy bóliminiń meńgerýshisi, komıtet isterin basqarýshy (1988-1991); Jambyl qalalyq atqarý komıtetiniń kommýnaldyq menshik basqarmasynyń syrtqy ekonomıkalyq baılanystar bóliminiń bastyǵy (1991-1992); Almaty qalasyndaǵy Qazaq ulttyq mádenıet qorynyń bas dırektory (1992-1993); QR baspasóz jáne buqaralyq aqparat mınıstriniń kómekshisi (02.1993-07.1993); Almaty qalasyndaǵy «Qos qanat» korporatsııasynyń prezıdenti (1993-1994); QR Baspasóz jáne buqaralyq aqparat mınıstrliginiń ister basqarmasynyń bastyǵy (1994-1995); «Qazaqkitap» Respýblıkalyq memlekettik kontserniniń prezıdenti, QR Baspasóz jáne buqaralyq aqparat mınıstrliginiń «Kitap álemi» AQ prezıdenti (1995-1997); «Kraý» Qazaqstan-Reseı birlesken kásipornynyń atqarýshy dırektory (1997-1999); Almaty oblysy, Talǵar aýdany, Talǵar qalasynyń ákimi (1999-2000); Almaty oblysy «Innovatsııalar komıteti» MQK bas dırektorynyń birinshi orynbasary, (2000 jyldan); QR Parlamenti Májilisi Apparatynyń aqparattyq-taldaý bóliminiń sektor meńgerýshisi (2003-2006); QR Ulttyq memlekettik kitap palatasynyń dırektory (2006-2016).
Qazirgi laýazymyn 2016 jyldyń mamyrynan beri atqaryp keledi.
«Qazaqstan Parlamentine 10 jyl» medalimen nagradtalǵan (2006).
46 jyl buryn (1972) VI shaqyrylǵan QR Parlamenti Májilisiniń depýtaty, Agrarlyq máseleler komıtetiniń múshesi Aıqyn Oıratuly QOŃYROV dúnıege keldi.
Ol burynǵy Kókshetaý oblysy Kýıbyshev qala úlgisindegi kentinde týǵan. Kókshetaý memlekettik ýnıversıtetin, «Femıda» Qaraǵandy zań akademııasyn bitirgen. Eńbek jolyn 1989 jyly Kýıbyshev aýdandyq aýyl sharýashylyǵy basqarmasynyń avtobazasynda slesar bolyp bastaǵan. 1997 jyldan bastap kásipkerlik qyzmetpen aınalysqan. 2004-2011 jj. «News Print» JShS jetekshisi («Moskovskıı komsomolets v Kazahstane» gazetin shyǵarý). 2005-2006 jj. - Almaty qalalyq komıtetiniń ekinshi hatshysy. Partııany tirkegen mezgilden bastap qazirgi ýaqytqa deıin QKHP Ortalyq komıteti apparatynyń jetekshisi. 2007 j. - QKHP Ortalyq komıteti Bıýrosynyń múshesi. 2004 jáne 2007 jj. - QR Parlamenti Májilisi depýtattarynyń saılaýyna QKHP atynan depýtattyqqa kandıdat bolyp qatysty. 2007 jáne 2011 jj. QKHP respýblıkalyq saılaýaldy shtaby jetekshisiniń orynbasary. 2012 jylǵy qańtar aıynan bastap - besinshi saılanǵan Qazaqstan Respýblıkasy Parlamenti Májilisiniń depýtaty. Agrarlyq máseleler komıtetiniń múshesi.
Qazirgi qyzmetinde - 2016 jyldyń naýryzynan.
44 jyl buryn (1974) «Báıterek» Ulttyq basqarýshy holdıngi» AQ tóraǵasy Aıdar Ábdirazaquly ÁRІPHANOV dúnıege kelgen.
Ol Almaty qalasynda týǵan. Qazaq memlekettik basqarý akademııasyn, ekonomıst (1995); Qazaqstan Respýblıkasy Syrtqy ister mınıstrliginiń dıplomatııa akademııasyn (1998-2000); Kolýmbııa ýnıversıtetiniń magıstratýrasyn (2008) bitirgen.
Eńbek joly: QR Qarjy mınıstrliginiń Syrtqy qaryz alý komıtetiniń baǵdarlamalyq jáne áleýmettik qaryzdar bóliminiń bas mamany (1997-1998); Memlekettik syrtqy qaryz alý jáne memlekettik kepilder basqarmasynyń baǵdarlamalyq jáne áleýmettik qaryzdar, qaryzdardy júzege asyrý bólimderiniń jetekshisi, Úkimettik qaryzdar jáne memlekettik kepilder basqarmasynyń jetekshisi, Qarjy mınıstrliginiń memlekettik qaryz jáne kredıtteý departamenti dırektorynyń orynbasary (1998-2004); QR qarjy vıtse-mınıstri (2004-2006); QR Premer-Mınıstri keńsesi basshysynyń orynbasary (02.2006-11.2006); QR eńbek jáne halyqty áleýmettik qorǵaý vıtse-mınıstri (2006-2007); QR Premer-Mınıstriniń keńesshisi (01.2009-03.2009); QR Aqparattandyrý jáne baılanys agenttigi tóraǵasynyń orynbasary (2009-2010); «Qazaqtelekom» AQ basqarýshy dırektory (2010-2011); «Qazatomónerkásip» Ulttyq aktsıonerlik kompanııasy» AQ basqarma tóraǵasynyń orynbasary (2011-2015); Qazatomónerkásip» Ulttyq aktsıonerlik kompanııasy» AQ basqarma tóraǵasynyń ýaqytsha mindetin atqarýshy (03.2015-11.2015); QR ulttyq ekonomıka vıtse-mınıstri (2015-2017); «Báıterek» Ulttyq basqarýshy holdıngi» AQ tóraǵasynyń orynbasary (01.2017-12.2017).
Qazirgi laýazymyn 2017 jylǵy jeltoqsannan beri atqaryp keledi.
43 jyl buryn (1975) «ForteBank» AQ dırektorlar keńesiniń tóraǵasy ÁÝEZOV Maǵjan Muratuly dúnıege kelgen.
Ol Almaty qalasynda týǵan. Ál-Farabı atyndaǵy QazUÝ-diń Halyqaralyq qatynastar fakýltetin, AQSh-tyń Vashıngton qalasyndaǵy Djordjtaýn ýnıversıtetin halyqaralyq ekonomıka (1996), Nıý-Iorktegi Kolýmbııa ýnıversıtetin halyqaralyq qarjy jáne bank isi (1998) baǵyttary boıynsha bitirgen, Amsterdamdaǵy ABN AMRO Bank Akademııasynyń basqarýshy kadrlardy damytý baǵdarlamasy boıynsha Ýorton bıznes mektebiniń (AQSh, Fıladelfııa, Pensılvanııa ýnıversıteti) túlegi.
Eńbek joly: «Nıýgeıt Menedjment Assosıetste» (Nıý-Iork, AQSh) qarjy analıtıgi (1997-1998); «ABN AMRO Bank Qazaqstan» AQ-ynda jetekshi menedjer, saýda operatsııalaryn qarjylandyrý bóliminiń bastyǵy, nesıe qurylymy basqarmasynyń bastyǵy, nesıe departamentiniń dırektory (1998-2002); ál-Farabı atyndaǵy Qazaq Ulttyq ýnıversıtetiniń halyqaralyq qatynastar fakýltetinde aǵa oqytýshy (2002-2007); «Qazkommertsbank» AQ Basqarma múshesi - Basqarýshy dırektory (2002-2015); «BTA Banki» AQ Basqarma tóraǵasy (2014-2015); «Qazkommertsbank» AQ Basqarma tóraǵasy (2015-2016); Qazaqstan qarjygerleri qaýymdastyǵy keńesiniń tóraǵasy (04-2016-12.2016). 2016-2018 jyldary «ForteBank» AQ basqarma tóraǵasy bolǵan.
Qazirgi qyzmetinde - 2018 jyldyń naýryzynan.
QR Qarjygerler qaýymdastyǵynyń «Eńbegi sińgen qarjyger» qoǵamdyq ordenimen; «Astanaǵa 10 jyl», «Teńgege 20 jyl» «Kýzbastyń damýyna zor úles qosqany úshin» medaldarymen marapattalǵan.