28 qarasha kúngi aýa raıy boljamy
NUR-SULTAN. QazAqparat – Qazaqstan óńirlerinde aýa raıyna baılanysty ózgerister kútilmeıdi. Elimizdiń basym bóligi antıtsıklon jotasynyń yqpalynda bolǵandyqtan, kún raıy kóbinese jaýyn-shashynsyz bolady. Respýblıkanyń tek soltústik, shyǵys jáne batys aýmaqtarynda atmosferalyq frontaldy bólikterdiń ótýimen qubylmaly aýa raıy saqtalady, keı jerlerde azdaǵan qar jaýady. Batysta – jel kúsheıedi. Jekelegen aýmaqtarda tuman boljanady, dep habarlaıdy QazAqparat.
«Qazgıdromet» RMK málimetine sáıkes, Manǵystaý oblysynyń keı jerlerinde 15-20 m/s jel soǵady, ekpini 23 m/s kúsheıedi.
Atyraý oblysynyń keı jerlerinde tuman bolady, jel 15-20 m/s artady.
Aqmola, Jambyl, Qyzylorda, Batys Qazaqstan, Aqtóbe, Qostanaı, Soltústik Qazaqstan, Pavlodar, Qaraǵandy, Shyǵys Qazaqstan, túnde Almaty, Túrkistan oblystarynyń keı jerlerinde tuman kútiledi.
