28 qańtar. Tulǵalar týǵan kún
Búgin, 28 qańtar kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
55 jyl buryn (1971) QR Parlament Senatynyń Tóraǵasy Máýlen Saǵathanuly ÁShІMBAEV dúnıege keldi.
Almaty qalasynda týǵan. Ál-Farabı atyndaǵy Qazaq Memlekettik Ulttyq ýnıversıtetin bitirgen. Saıası ǵylymdar kandıdaty.
Ýnıversıtetti bitirgennen soń 1993-1994 jyldary Baspasóz jáne buqaralyq aqparat mınıstrligi júıesinde jumys istedi. 1994-1995 jyldary QR Joǵarǵy Keńes depýtatynyń kómekshisi, 1995-1999 jyldary Qaýipsizdik keńesi apparatynyń konsýltanty, QR Prezıdenti Ákimshiligi Saraptaý jáne strategııalyq zertteýler ortalyǵynyń bas sarapshysy, sektor meńgerýshisi, osy ortalyq jetekshisiniń birinshi orynbasary, 1999-2000 jyldary Qaýipsizdik keńesi Saraptaý ortalyǵynyń meńgerýshisi, 2000-2002 jyldary Qaýipsizdik keńesi Saraptaý ortalyǵynyń meńgerýshisi — QR Prezıdenti janyndaǵy Strategııalyq zertteýler ınstıtýtynyń dırektory, 2002-2005 jyldary QR Prezıdenti janyndaǵy Strategııalyq zertteýler ınstıtýtynyń dırektory, 2005-2006 jyldary QR Qaýipsizdik keńesi hatshysynyń orynbasary, QR Prezıdenti Ákimshiligi Basshysynyń orynbasary, 2006-2011 jyldary V saılanǵan QR Parlamenti Májilisiniń depýtaty, 2012-2016 VІ saılanǵan QR Parlamenti Májilisiniń depýtaty, Halyqaralyq ister, qorǵanys jáne qaýipsizdik komıtetiniń tóraǵasy, 2019 jyly «Nur Otan» partııasy Tóraǵasynyń birinshi orynbasary, QR Prezıdentiniń kómekshisi, 2019-2020 jyldary QR Prezıdenti Ákimshiligi jetekshisiniń birinshi orynbasary boldy.
2020 jyldyń mamyr aıynan bastap qazirgi qyzmetinde.
55 jyl buryn (1971) QR Bas prokýrory apparatynyń basshysy Almaz Oraluly MUHAMETJANOV dúnıege keldi.
E.Bóketov atyndaǵy Qaraǵandy memlekettik ýnıversıtetin bitirgen.
Eńbek joly: 1994-1998 jyldary Qaraǵandy qalasy Sovet aýdany prokýrorynyń kómekshisi, tergeýshisi, Qaraǵandy oblysy prokýratýrasynyń áleýmettik-ekonomıkalyq saladaǵy zańdylyqty qadaǵalaý bóliminiń prokýrory, 1998-2003 jyldary Astana qalasy boıynsha Tarıhı statıstıka ortalyǵynyń basshysy, Bas prokýratýranyń Quqyqtyq statıstıka jáne arnaıy esepke alý jónindegi komıteti tóraǵasynyń orynbasary, Bas prokýratýranyń halyqaralyq baılanystar departamenti basshysynyń orynbasary, Uıymdastyrý-quqyqtyq jáne memlekettik qyzmet basqarmasynyń bastyǵy qyzmetterin atqardy. 2003-2006 jyldary Quqyqtyq statıstıka jáne arnaıy esepke alý komıteti tóraǵasynyń orynbasary, 2006-2009 jyldary Bas Prokýrordyń kómekshisi, Bas prokýratýranyń uıymdastyrý-baqylaý jumysy basqarmasynyń bastyǵy boldy. 2009-2012 jyldary Ádilet mınıstrligi Zańdy tulǵalardy tirkeý departamentiniń dırektory, 2012-2024 jyldary QR Bas Prokýratýrasynyń Zań shyǵarý qyzmetin úılestirý departamentiniń bastyǵy qyzmetin atqardy.
2024 jyldyń qańtar aıynan bastap qazirgi qyzmetinde.
«Qurmet» ordenimen, «Astanaǵa 10 jyl» medalimen, Qazaqstan Respýblıkasynyń Qurmet gramotasymen marapattalǵan.
47 jyl buryn (1979) Jetisý oblysynyń prokýrory Baýyrjan Albertuly JUMAQANOV dúnıege keldi.
Aqtóbe oblysynda dúnıege kelgen. Ál-Farabı atyndaǵy Qazaq ulttyq ýnıversıtetin «quqyqtaný» mamandyǵy boıynsha aıaqtaǵan.
Eńbek jolyn 2003 jyly Qandyaǵash kólik prokýrorynyń kómekshisi qyzmetinen bastaǵan. Qandyaǵash, Aqtóbe kólik prokýrorlarynyń aǵa kómekshisi, Batys aımaǵynyń kólik prokýratýrasynyń prokýrory, aǵa prokýrory, basqarma aǵa prokýrory, Aqtóbe oblysy prokýratýrasynyń basqarma aǵa prokýrory, Almaty qalasy Bostandyq aýdany prokýrorynyń orynbasary jáne prokýrory, Bas prokýratýranyń Arnaıy prokýrorlar qyzmetiniń asa mańyzdy qylmystyq isterdi tergeý basqarmasyndaǵy Bas prokýrordyń kómekshisi, Arnaıy prokýrorlar qyzmetiniń Baqylaý-ádistemelik basqarmasyndaǵy Bas Prokýrordyń kómekshisi qyzmetterin atqarǵan. 2019-2022 jyldary Atyraý oblysy prokýrorynyń orynbasary qyzmetin atqardy.
2025 jyldyń qyrkúıek aıynan bastap qazirgi qyzmetinde.
27 jyl buryn (1999) qazaqstandyq paralımpıadashy, 2024 jyly Parıjde ótken Jazǵy Paralımpıada oıyndarynyń kúmis júldegeri, 2020 jyly Tokıoda ótken Jazǵy Paralımpıada oıyndarynyń qola júldegeri Nurdáýlet Maqsutuly JUMAǴALI dúnıege keldi.
Almaty qalasynda týǵan. Ál-Farabı atyndaǵy Qazaq ulttyq ýnıversıtetin «Dene shynyqtyrý jáne sport» mamandyǵy boıynsha bitirgen. Parada júzýden Qazaqstan Respýblıkasynyń eńbek sińirgen sport sheberi.
Sporttyq is-sharalar: 2020 jyly paralımpıada sportyna qosyldy; Tokıo 2020 Paralımpıada oıyndary — kúmis (100 metrge brass ádisimen júzý); 2022 jylǵy álem chempıonaty — kúmis (100 m brass ádisi); 2023 jylǵy álem chempıonaty — kúmis (100 m brass ádisi); Azııa Para oıyndary 2022 — eki altyn (100 metrge brass ádisi jáne 200 metrge jekeleı júgirý).