28 qańtar. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER

28 qańtar DÚISENBІ

ıAdrolyq qarýǵa qarsy jumylýdyń halyqaralyq kúni. 1985 jyly Úndistan, Argentına, Grekııa, Meksıka, Tanzanııa jáne Shvetsııanyń memleket jáne úkimet basshylarynyń Delıde ótken kezdesýinde Delı deklaratsııasy qabyldandy. Onda ıadrolyq qarýy bar iri memleketterdi, basqa da elderdiń parlamentteri men úkimetterin ıadrolyq qarýdy kóbeıtý isine qarsylyq bildirýge shaqyrdy.

Armenııa armııasy kúni. 1992 jyly 28 qańtarda «Armenııa Respýblıkasynyń qorǵanysy týraly» tarıhı sheshim qabyldanyp, Armenııa Ulttyq armııasy quryldy.

Málimetterdi qorǵaý kúni. Jeke málimetterdi qorǵaý týraly konventsııaǵa sáıkes 28 qańtar Málimetterdi qorǵaý kúni bolyp belgilendi. Bul kúndi ótkizý maqsaty azamattardyń ózderi týraly qandaı málimetter ne úshin jınalyp jatqanynan habardar etý boldy. Bul kún 2007 jyly belgilendi jáne alǵash ret atalyp ótti.

ESTE QALAR OQIǴALAR

2 2 jyl buryn (1992) Qazaqstan Respýblıkasy men Koreıa Respýblıkasy arasynda dıplomatııalyq qarym-qatynas ornatý týraly hattamaǵa qol qoıyldy.

2 1 jyl buryn (1993) QR Joǵarǵy Keńesi táýelsiz Qazaqstan Respýblıkasynyń tuńǵysh Konstıtýtsııasyn qabyldady.

20 jyl buryn (1994) «Túrkistan» aptalyq gazetiniń alǵashqy sany jaryq kórdi.

20 jyl buryn (1994) Shyǵys Qazaqstan oblysynyń Abaı aýdanynda Abaı Qunanbaıulynyń shákirti, aqyn Kókbaı Janataıuly atyndaǵy qor ashyldy.

2 40 jyl buryn (1774) II Ekaterınanyń Jaıyq ózeniniń ataýyn Oral ózeni dep ózgertý týraly arnaýly jarlyǵy shyqty. Jaıyq ataýyn endi eshqashan estimeýdi maqsat etken áıel patshanyń bul sheshimi E.Pýgachev kóterilisin qoldaǵan Jaıyq kazaktaryna, sondaı-aq olarǵa ishinara qosylyp ketken qazaqtarǵa jasaǵan qysastyǵy bolatyn.

9 jyl buryn (2005) Almatyda reseıdiń tanymal jazýshysy Nıkolaı Anastasevtiń qazaqstandyq «Ólke» baspasynan shyqqan «Nebo v chashechke tsvetka» atty kitabynyń tusaýkeser rásimi ótti.

Kitap qazaqtyń tanymal prozashysy Ábdijámil Nurpeıisov shyǵarmashylyǵyna arnalǵan. N.Anastasev ár túrli halyqtyń ádebıetine arnalǵan 10-nan astam monografııanyń jáne 1000-nan astam maqalanyń avtory. Sonyń ishinde «Fenomen Nabokova», «Tvorchestva Ernesta Hemıngýeıa», «Vladelets Ioknapatofy», «Obnovlenıe tradıtsıı» jáne basqalaryn atap ótýge bolady.

6 jyl buryn (2008) Pavlodarda jýrnalıstıka ardageri ıÝrıı Kovhaevtiń «Krýshenıe mıfov» atty kitaby jaryq kórdi.

Onyń betterinde avtordyń óz zamandastary ómirindegi ekonomıkalyq, áleýmettik jáne adamgershiligi men ónegeliligi jaqtarynan syr shertetin kórkemdik prozalary men tanymdyq maqalalary oryn alǵan.

ıÝ.Kovhaev - oblystaǵy tanymal jýrnalıst, kóptegen povester men áńgimelerdiń avtory.

4 jyl buryn (2010) Aqyn Muzafar Álimbaevtiń soǵys jyldarynda Tatarstan kompozıtory Maqsut Latıpovke joldaǵan óleńderi men hattary Astanadaǵy Qazaqstannyń ulttyq murajaıyna tabystaldy.

3 jyl buryn (2011) Uly Otan soǵysynyń ardageri pavlodarlyq Qabıden Jumabekovke Ýkraınanyń memlekettik nagradasy - «Erlik» ordeni saltanatty jaǵdaıda tabys etildi.

3 jyl buryn (2011) Pavlodarda «Bir el - bir kitap» aktsııasy J.Aımaýytovqa arnalǵan shyǵarmashylyq keshpen ótti. Onda el bolyp oqýǵa jazýshynyń «Aqbilek» romany tańdaldy.

3 jyl buryn (2011) Postkeńestik keńistikte alǵash ret jýrnalısterdiń «Óz kásibiniń úzdigi» halyqaralyq konkýrsy ótti.

3 jyl buryn (2011) Memleket basshysy daýlardy sheshýdiń qosymsha ádisi retinde elimizde medıatsııa ınstıtýtyn engizýge baǵyttalǵan «Medıatsııa týraly» Qazaqstan Respýblıkasynyń Zańyna qol qoıdy.

2 jyl buryn (2012) Pavlodarda Omby jáne Tara qalalarynan kelgen reseılik fotograftardyń «Bul jerde adamdar turady» atty kórmesi ótti.

1 jyl buryn (2013) Nobel syılyǵynyń ıegeri, belgili matematık ári ekonomıst Djon Forbs Nesh ál-Farabı atyndaǵy QazUÝ rektory, akademık Ǵalym Mutanovtyń «Ekonomıka-matematıkalyq ádister men úlgiler» atty kitabyna óziniń joǵary baǵasyn berdi.

ESІMDER

141 jyl buryn (1873-1937) aqyn, ádebıet zertteýshisi, ǵalym, qazaq til biliminiń atasy, túrkitanýshy, pýblıtsıst, pedagog, aýdarmashy, qoǵam qaıratkeri BAITURSYNULY Ahmet dúnıege keldi.

Qostanaı oblysynyń Jangeldın aýdanynda týǵan. Torǵaıdaǵy eki synyptyq orys-qazaq ýchılışesin, Orynbordaǵy muǵalimder mektebin bitirgen. 1895-1909 jyldary Aqtóbe, Qostanaı, Qarqaraly ýezderindegi mektepter men orys-qazaq ýchılışelerinde muǵalimdik qyzmet atqarǵan. 1909 jyly patsha úkimetiniń saıasatyna qarsy narazylyq bildirgeni úshin Semeı túrmesine jabylyp, 1910 jyly jer aýdarylǵan. 1913 jyly Orynborda «Qazaq» gazetin uıymdastyryp, 1917 jyldyń aıaǵyna deıin onyń redaktory bolǵan. Qazaq eliniń táýelsiz memlekettigin armandap, sol jolda kúresken Alash qozǵalysy men Alashorda úkimeti kósemderiniń biri bolǵan ol keńes ókimeti bel alǵan kezeńde halqyna qyzmet etý úshin bolshevıkter jaǵyna shyǵyp, 1919 jyly maýsymnyń 24-inde Qazaq ólkesin basqaratyn Áskerı-revolıýtsııalyq komıtettiń músheligine taǵaıyndalǵan. 1922-1925 jyldary Qazaqstan Halyq aǵartý komıssarıaty janyndaǵy ǵylymı-ádebı komıssııanyń tóraǵasy, Halyq aǵartý komıssary, «Aq jol» gazetiniń qyzmetkeri, 1925-1929 jyldary Qazaq Halyq aǵartý ınstıtýtynyń (Tashkent) jáne Qazaq pedagogıkalyq ınstıtýtynyń oqytýshy bolǵan.

Shyǵarmashylyq jumysyn óleń jazýdan bastaǵan. Aqynnyń alǵashqy óleńderi «Qyryq mysal» degen atpen 1909 jyly Sankt-Peterborda jaryq kórgen. Bul kitaby arqyly qalyń uıqyda jatqan qarańǵy elge jar salyp, olardyń oı-sanasyn oıatýǵa bar jiger-qaıratyn, bilimin jumsaǵan. Aqyn Krylov mysaldary negizinde jazǵan ár týyndysynyń sońyna óziniń ózekti oıyn, aıtaıyn degen túıindi máselesin halqymyzdyń sol kezeńdegi turmys-tirshiligine, minezine, psıhologııasyna sáıkes qosyp otyrǵan.

«Masa» degen atpen jaryq kórgen ekinshi kitabyna engen óleńderinde aqyn qarańǵylyq, nadandyq, sharýaǵa enjarlyq, kásipke marǵaýlyq sııaqty kemshilikterdi shenegen. Kóptegen óleńderi sol kezdegi aǵartýshylyq baǵytpen úndes bolǵan. Ol Shoqan, Abaı, Ybyraı qalyptastyrǵan dástúrlerdi, gýmanıstik, demokratııalyq baǵyttaǵy tolǵamdy oılardy ózinshe jalǵastyrýshy retinde kórindi. «Qazaq salty», «Qazaq qalpy», «Dosyma hat», «Jıǵan-tergen», «Tilek-batam», «Jaýǵa túsken jan sózi», «Baq», t.b. óleńderiniń mazmuny osyny tanytady. Halyq aýyz ádebıetiniń úlgilerin jınap, jaryqqa shyǵarýda zor eńbek sińirgen. Qazaqtyń «Er Saıyn» atty epostyq jyryn alǵysózben túsiniktemeler jazyp, 1923 jyly Máskeýde shyǵarǵan. Qazaq aýyz ádebıetinde molynan saqtalǵan joqtaý jyrlaryn arnaıy júıelep, suryptap, 1926 jyly «23 joqtaý» degen atpen jeke kitap etip jarııalaǵan. Tilshi-ǵalym retinde qazaq tiliniń tabıǵaty, ózgeshelikteri, arab álipbıiniń jaıy, termınder, qazaq tilin oqytý ádistemesi týraly maqalalar jazǵan. 1926 jyly Bakýde ótken túrkitanýshylardyń Búkilodaqtyq 1-shi sezine qatysyp, «Túrki tilderindegi termınologııa jaıly» degen taqyrypta baıandama jasaǵan. Sonymen qatar qazaq balalarynyń ana tilinde saýat ashýyna kóp kúsh jumsap, «Oqý quraly», «Til quraly»; eresekterdiń saýatyn ashýǵa arnap «Álipbı», «Jańa álipbı» atty oqýlyqtar men ǵylymı eńbekter usynǵan. Qazaq fonetıkasy men grammatıkasyn taldaýda tildiń tıpologııalyq erekshelikteri men ózindik damý barysyn eskerý prıntsıpin ustanǵan. Sóıtip, qazaq til bilimin XX ǵasyrdyń bas kezinde qalyptastyryp, onyń irgetasyn qalaǵan.

A.Baıtursynuly 1929 jyldan bastap stalındik qýǵyn-súrginge ushyrap, 1938 jyly atylǵan. Onyń ardaqty esimi men asyl murasy 1989 jyly ǵana aqtalyp, halqymen qaıta qaýyshty. Onyń atynda kósheler, oqý oryndary, Qazaqstan Respýblıkasy Ulttyq ǵylym akademııasynyń Til bilimi ınstıtýty, ádebı-memorıaldyq murajaı-úıler bar, eskertkishter ornatylǵan.

«Qurmet» ordenimen, medaldarmen marapattalǵan.

79 jyl buryn (1935-2007) Qazaqstannyń ǵylym men tehnıkasyna eńbek sińirgen qaıratkeri, tehnıka ǵylymdarynyń doktory, professor, Qazaqstan Ulttyq Ǵylym Akademııasynyń akademıgi AITALIEV Shmıdt Musauly dúnıege keldi.

Respýblıkadaǵy jer asty qurylystary mehanıkasynyń ǵylymı mektebin qurýshylardyń biri.

Oral qalasynda týǵan. S.M.Kırov atyndaǵy Qazaq memlekettik ýnıversıtetin (ál-Farabı atyndaǵy Qazaq ulttyq ýnıversıtet) bitirgen.

Qazaqstan Ǵylym Akademııasy matematıka jáne mehanıka sektorynyń kishi ǵylymı qyzmetkeri, Qazaqstan ǴA Matematıka jáne mehanıka ınstıtýtynyń aǵa ǵylymı qyzmetkeri, zerthana meńgerýshisi, Qazaqstan ǴA Seısmologııa ınstıtýtynyń zerthana meńgerýshisi, Qazaqstan ǴA Batys bólimshesiniń tóraǵasy, Qazaqstan ǴA fızıka-matematıka bólimshesiniń akademık-hatshysy, Qazaqstan Respýblıkasy Bilim jáne ǵylym mınıstrligi Ó.A.Joldasbekov atyndaǵy Mehanıka jáne mashınataný ınstıtýtynyń bas ǵylymı qyzmetkeri bolyp jumys atqarǵan.

Negizgi ǵylymı eńbekteri taý jynystary mehanıkasyna arnalǵan. Birtekti jáne ártekti anızotroptyq serpimdi-plastıkaly tutqyr massıvtegi jer asty qurylystarynyń statıkalyq jáne dınamıkalyq kerneý kúıin, deformatsııalanýyn, qozǵalýyn, beriktiligi men ornyqtylyǵyn zerttegen. Jer asty bekitpeleriniń jańa quralymdaryn esepteý ádisterin jasady. 9-10 baldyq jer silkinisi kezindegi bolashaq Almaty metrosynyń seısmıkalyq ortalyǵyn anyqtady. Sondaı-aq tereń munaıgaz oqparyn burǵylaý dınamıkasynyń keıbir ózekti máselelerin de zerttedi.

«Seısmonaprıajennoe sostoıanıe podzemnyh soorýjenıı v anızotropnom massıve», «Optımalnoe proektırovanıe podzemnyh soorýjenıı», «Dınamıka tonneleı ı podzemnyh trýboprovodov», «Metod granıchnyh ıntegralnyh ýravnenıı v zadachah dınamıkı ýprýgıh mnogosvıaznyh tel», «Mehanıka prıhvata býrılnyh kolonı v neftegazovyh skvajınah» atty kitaptardyń, 260-den asa ǵylymı basylymdardyń avtory.

Qazaqstan Respýblıkasy Mınıstrler Kabıneti syılyǵynyń ıegeri.

Eki márte Qazaq KSR Joǵarǵy Keńesiniń Qurmet gramotasymen, medaldarmen marapattalǵan.

5 9 jyl buryn (1955) QR Ekonomıkalyq qylmyspen jáne sybaılas jemqorlyqpen kúres agenttiginiń tóraǵasy TÚSІPBEKOV Rashıd Tóleýtaıuly dúnıege keldi.

Shymkent qalasynda týǵan. E.A.Bóketov atyndaǵy Qaraǵandy memlekettik ýnıversıtetin bitirgen.

Qaraǵandy qalasy Sovet aýdandyq halyq sotynda 1981 jyly qarasha aıynda halyq sýdıasy bolyp taǵaıyndaldy. 1984-1999 jyldary - Qaraǵandy oblysy Nura aýdandyq soty tóraǵasy, Qaraǵandy oblysy sotynyń tóraǵasy. 1999 jyldyń sáýir aıynan Qazaqstan Respýblıkasynyń Joǵarǵy Soty qylmystyq ister jónindegi sot alqasynyń tóraǵalyǵyna taǵaıyndaldy. Qazaqstan Respýblıkasynyń Joǵarǵy Soty tóraǵasy mindetin atqardy. 2000 jyldyń qazan aıynan jeltoqsan aıyna deıin Qazaqstan Respýblıkasynyń Joǵarǵy Soty janyndaǵy Sot ákimshiligi jónindegi komıtettiń tóraǵasy boldy. 2000-2009 jyldary - Qazaqstan Respýblıkasynyń Bas prokýrory. 2009-2012 jyldary - QR Ádilet mınıstri. Qazirgi qyzmetinde - 2012 jylǵy qańtardan beri.

2 dárejeli «Barys» ordenimen, Qazaqstan Respýblıkasy Prezıdentiniń alǵys hatymen marapattalǵan.

57 jyl buryn (1957) K.Baıseıitova atyndaǵy Ulttyq opera jáne balet teatrynyń ánshisi ASAMBAEV Qııaqbaı Muzaparuly dúnıege keldi.

Reseıdiń Orynbor oblysynda týǵan. Respýblıkalyq estrada-tsırk óneri stýdııasyn, Qurmanǵazy atyndaǵy Almaty memlekettik konservatorııasynyń vokaldy-hor fakýltetin bitirgen.

1986 jyldan Abaı atyndaǵy opera jáne balet teatrynyń ánshisi. 1999 jyldan - Astana qalasy memlekettik fılarmonııasynyń ánshisi. 2000 jyldan beri - qaziri qyzmetinde. Metsenattar klýbynyń «Jyldyń úzdik ánshisi» syılyǵynyń laýreaty. QR Prezıdentiniń Qurmet gramotasymen marapattalǵan. Mádenıet qaıratkeri.

4 5 jyl buryn (1969) QR Ulttyq Bankiniń tóraǵasy KELІMBETOV Qaırat Nematuly dúnıege keldi.

Almaty qalasynda týǵan. M.Lomonosov atyndaǵy Máskeý memlekettik ýnıversıtetin, Qazaq memlekettik basqarý akademııasy janyndaǵy Naryq ınstıtýtyn, Djordjtaýn ýnıversıtetiniń (AQSh, Vashıngton) arnaýly baǵdarlamasyn bitirgen. 1996-1997 jyldary - Qazaqstan Respýblıkasy Prezıdenti janyndaǵy Joǵary ekonomıkalyq keńes hatshylyǵynyń aǵa sarapshysy, Qazaqstan Respýblıkasy Strategııalyq josparlaý agenttiginiń departament dırektorynyń orynbasary, dırektory. 1997-1998 jyldary - Qazaqstan Respýblıkasy Strategııalyq josparlaý jáne reforma agenttiginiń departament dırektorynyń orynbasary. 1998-1999 jyldary - Qazaqstan Respýblıkasy Prezıdenti Ákimshiliginiń bólim meńgerýshisi. 1999-2001 jyldary - Qazaqstan Respýblıkasy Strategııalyq josparlaý agenttiginiń tóraǵasy, Qazaqstan Respýblıkasynyń birinshi qarjy vıtse-mınıstri. 2001-2002 jyldary - «DVK» respýblıkalyq qoǵamdyq birlestigi saıası keńesiniń múshesi, Qazaqstan Respýblıkasynyń birinshi qarjy vıtse-mınıstri. 2002-2006 jyldary - Qazaqstan Respýblıkasynyń Ekonomıka jáne bıýdjettik josparlaý mınıstri. 2006-2008 jyldary - «Qazyna» ornyqty damý qory» aktsıonerlik qoǵamynyń basqarma tóraǵasy. 2008 jyly qańtardyń 23-inde Memleket basshysynyń Jarlyǵymen Qazaqstan Respýblıkasy Prezıdenti Ákimshiliginiń Basshysy bolyp taǵaıyndaldy. 2008 jylǵy qazannyń 13-inen - «Samuryq-Qazyna» Ulttyq ál-aýqat qory» AQ basqarma tóraǵasy. 2011 jylǵy sáýirden - QR Ekonomıka jáne saýda mınıstri. 2012 jylǵy 20 qańtarda Memleket basshysynyń Jarlyǵymen QR Premer-Mınıstriniń orynbasary qyzmetine taǵaıyndaldy. 2013 jyldyń qazanynan qazirgi qyzmette.

43 jyl buryn (1971) QR Parlamenti Májilisiniń depýtaty, Halyqaralyq ister, qorǵanys jáne qaýipsizdik komıtetiniń tóraǵasy ÁShІMBAEV Máýlen Saǵathanuly dúnıege keldi.

Almatyda týǵan. Ál-Farabı atyndaǵy Qazaq Memlekettik Ulttyq ýnıversıtetin bitirgen. Saıası ǵylymdarynyń kandıdaty. Ýnıversıtetti bitirgennen soń 1993-1994 jyldary Baspasóz jáne buqaralyq aqparat mınıstrliginiń júıesinde jumys istedi. 1994-1995 jyldary - Qazaqstan Respýblıkasy Joǵarǵy Keńes depýtatynyń kómekshisi. 1995 jylǵy maýsym - qarasha aralyǵynda - Qaýipsizdik keńesi apparatynyń konsýltanty. 1995-1999 jyldar aralyǵynda Qazaqstan Respýblıkasy Prezıdenti Ákimshiligi Saraptaý jáne strategııalyq zertteýler ortalyǵynyń bas sarapshysy, sektor meńgerýshisi, osy ortalyq jetekshisiniń birinshi orynbasary. 1999-2000 jyldary - Qaýipsizdik keńesi Saraptaý ortalyǵynyń meńgerýshisi. 2000-2002 jyldary - Qaýipsizdik keńesi Saraptaý ortalyǵynyń meńgerýshisi - Qazaqstan Respýblıkasy Prezıdenti janyndaǵy Strategııalyq zertteýler ınstıtýtynyń dırektory. 2002-2005 jyldary - Qazaqstan Respýblıkasy Prezıdenti janyndaǵy Strategııalyq zertteýler ınstıtýtynyń dırektory. 2005-2006 jyldary - Qazaqstan Respýblıkasy Qaýipsizdik keńesi hatshysynyń orynbasary. 2006-2011 jyldary - Qazaqstan Respýblıkasy Prezıdenti Ákimshiligi Basshysynyń orynbasary. 2012 jylǵy aqpannan bastap V saılanǵan Qazaqstan Respýblıkasy Parlamenti Májilisiniń depýtaty, Halyqaralyq ister, qorǵanys jáne qaýipsizdik komıtetiniń tóraǵasy qyzmetin atqarýda. «Nur Otan» Halyqtyq Demokratııalyq partııasynyń múshesi, partııalyq tizim boıynsha saılanǵan. «Qurmet» ordenimen marapattalǵan. 2003 jyly Djons - Hopkıns ýnıversıtetininiń Halyqaralyq zertteýler mektebinde (AQSh) ǵylymı stajırovkadan ótti. Aǵylshyn tilin erkin meńgergen.

66 jyl buryn (1948) qolóner sheberi, sýretshi, Qazaqstandaǵy ulttyq etnodızaınnyń negizin qalaýshy BÓLTІRІKOVA Sáýle Tólebaıqyzy dúnıege keldi.

Almaty qalasynda týǵan. V.I.Lenın atyndaǵy Qazaq polıtehnıkalyq ınstıtýtyn, Joǵarǵy bezendirý óneri ortalyq stýdııasyn (Máskeý, 1974) bitirgen.

1968-1969 jyldary - «Almatygıprogor» jobalaý ınstıtýtynda tehnık-sáýletshi. 1972-1991 jyldary - Qazaq KSR kórkemsýret qorynyń «Óner» kombınatynda monýmenttik tseh sýretshisi. 1985-1986 jyldary - Qaz KSR Kórkemsýret qorynyń bas sýretshisi. 1992 jyldan - «Nur» respýblıkalyq shyǵarmashylyq birlestiginiń tóraıymy. 1994 jyldan - Almaty qalasyndaǵy «Qurastyrmaly-monolıtti úı qurylysy» shaǵyn kásipornynda sýretshi-dızaıner. 1996 jyldan - «Erık jáne K» kásipornynyń sáýletshisi. 2002 jyldan Qazaq memlekettik sáýlet-qurylys akademııasynda kafedra professornynyń assıstenti. 2006 jyldan - «Baspana kontrakshn» JShS jobalardyń bas sáýletshisi. 2007 jyldan - shyǵarmashalyq jumysta. «Mádenıet qaıratkeri».

Arhıtektor, sán, qolóneri jáne monýment óneri salasynda jumys isteıdi. Onyń shyǵarmalarynyń ereksheligi - halyq ónerin búgingi úlgimen jáne dızaındyq jańalyqtarmen ushtastyrýymen erekshelenedi. Sáýle Tólebaıqyzy Abaıdyń 125 jyldyq mereıtoıyna oraı «Abaı dáýiri» (1968, qulyn jáne ondatr terisi, avtor qory) eńbegin ázirledi. Týyndylary Qazaqstanda, Túrkimenstanda, Polshada, Latvııada, Vengrııada, Slovakııada, Chehııada, Fınlıandııada, Danııada, Italııada (Sardınııa araly), AQSh-ta, Qytaıda, RF, Moldavııada, Germanııada («Gold» galereıasy) saqtalýda. Eńbekteri halyqaralyq, búkilodaqtyq, respýblıkalyq, aımaqtyq, aýmaqtyq, qalalyq, taqyryptyq jeke kórmelerde qoıylǵan.

127 jyl buryn (1887-1982) kórnekti polıak jáne amerıkan pıanısi Artýr RÝBINShTEIN dúnıege keldi.

76 jyl buryn (1938) keńestik aýyr atlet, álem rekordshysy jáne eki márte olımpıada chempıony JABOTINSKII Leonıd Ivanovıch dúnıege keldi.

46 jyl buryn (1968) teatr jáne kıno aktrısasy, Reseıdiń eńbek sińirgen ártisi Olga KABO dúnıege keldi.