28 aqpanda elimizdiń basym bóliginde aýa raıy qubylmaly bolady
ASTANA. QazAqparat - 28 aqpan kúni Qazaqstannyń basym bóliginde atmosferalyq fronttardyń ótýine baılanysty aýa raıy qubylmaly bolady. Keı jerlerde jaýyn-shashyn jaýady, soltústikte kóbine qar jaýady. Respýblıkanyń tek ońtústik-shyǵysynda beısenbi jaýyn-shashynsyz ótetini kútiledi. Jekelegen óńirlerde tuman, kóktaıǵaq, burqasyn, ekpindi jel boljanady, dep habarlaıdy QazAqparat.
«Qazgıdromet» RMK-nyń málimetine súıensek, Qaraǵandy, Shyǵys Qazaqstan oblystarynyń keı jerlerinde jaıaý burqasyn, kóktaıǵaq kútiledi, jel 15-20 m/s kúsheıedi. Qaraǵandy oblysynda sondaı-aq tuman boljanady.
Pavlodar oblysynyń keı jerlerinde tuman, kúndiz burqasyn, kóktaıǵaq kútiledi, jel 15-20 m/s artady.
Aqmola oblysynyń jekelegen jerlerinde burqasyn, tuman, kóktaıǵaq bolady.
Túrkistan oblysynyń keı jerlerinde tańerteń jáne kúndiz tuman kútiledi, jel 15-20 m/s kúsheıedi.
Soltústik Qazaqstan oblysynda keı jerlerde jaıaý burqasyn, tuman kútiledi.
Jambyl, Qyzylorda, Mańǵystaý, Atyraý, Batys Qazaqstan oblystarynyń keı jerlerinde tuman, kóktaıǵaq kútiledi. Batys Qazaqstan oblysynda kúndiz jeldiń jyldamdyǵy 15-20 m/s jetedi.
Almaty oblysynyń Jalańashkól aýdanynda 18-23 m/s kúshpen jel soǵady, kúndiz ekpini 28 m/s artady.
Qostanaı oblysynda keı jerlerde tuman kútiledi.
