28 aqpan. Tulǵalar týǵan kún
Búgin, 28 aqpan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
62 jyl buryn (1964) Qazaqstan Respýblıkasynyń Bas prokýrory Berik Noǵaıuly ASYLOV dúnıege keldi.
Jambyl oblysy Moıynqum aýdany Birlik aýylynda týǵan. S. M. Kırov atyndaǵy Qazaq memlekettik ýnıversıtetin bitirgen.
Eńbek jolyn Almaty qalasy Alataý aýdany prokýratýrasynda taǵylymdamashy qyzmetinen bastaǵan. 1992-2001 jyldary Almaty qalasy Alataý aýdany prokýratýrasynyń aǵa tergeýshisi, QR Bas prokýratýrasy janyndaǵy asa mańyzdy ister jónindegi tergeýshi jáne aǵa tergeýshi, Almaty avıatsııalyq kólik prokýrorynyń orynbasary, Bas prokýratýranyń jedel-izdestirý qyzmetiniń zańdylyǵyn qadaǵalaý jónindegi bóliminiń bastyǵy laýazymdarynda jumys istedi. 2001-2006 jyldary Ońtústik Qazaqstan oblysynyń prokýratýrasy basshylyq laýazymdarynda jumys istedi, Shymkent qalasynyń prokýrory, Ońtústik Qazaqstan oblysy prokýrorynyń orynbasary, Ońtústik Qazaqstan oblysy prokýrorynyń birinshi orynbasary boldy. 2006 jyldan bastap Batys óńirlik kólik prokýrory, sodan keıin Aqtóbe oblysynyń prokýrory bolyp taǵaıyndaldy. 2010-2011 jyldary QR Bas Prokýrorynyń orynbasary laýazymyn atqardy. 2011-2017 jyldary Almaty qalasynyń prokýratýrasyn, 2017-2019 jyldary Soltústik Qazaqstan oblysynyń prokýratýrasyn basqardy. 2019-2022 jyldary Bas Prokýrordyń birinshi orynbasary qyzmetin atqardy.
Qazirgi laýazymyn 2022 jyldyń naýryzynan beri atqaryp keledi.
«Eren eńbegi úshin» medalimen, «Astananyń 10 jyldyǵy» mereıtoılyq medalimen jáne «Ulttyq qaýipsizdikti qamtamasyz etýdegi úlesi úshin» medalimen marapattalǵan. 2011 jyldyń mamyr aıynda Qazaqstan Respýblıkasy Prezıdentiniń Jarlyǵymen 3 dárejeli «Memlekettik ádilet keńesshisi» shenine ıe boldy.
55 jyl buryn (1971) Eýrazııalyq ekonomıkalyq komıssııanyń Ónerkásiptik saıasat departamenti dırektorynyń orynbasary Laýra Úmitbekqyzy SADYQOVA dúnıege keldi.
Qaraǵandy oblysynda týǵan. 1992 jyly K. A. Tımırıazev atyndaǵy Máskeý aýyl sharýashylyǵy akademııasyn «zooınjener» mamandyǵy boıynsha bitirgen. 1996 jyly Qazaq mal sharýashylyǵy jáne jemshóp óndirisi ǵylymı-zertteý tehnologııalyq ınstıtýtynda kúndizgi aspırantýrany, 2007 jyly qarjy bakalavry biliktiligin ala otyryp Qaraǵandynyń «Bolashaq» ózekti bilim berý ýnıversıtetin aıaqtaǵan. 2017 jyly Mıchıgan memlekettik ýnıversıtetinde (AQSh) «Ekonomıka jáne halyq sharýashylyǵyn basqarý» mamandyǵy boıynsha ǵylymı taǵylymdamadan ótti. Aýyl sharýashylyǵy ǵylymdarynyń kandıdaty.
Eńbek jolyn 1996 jyly ǵylymı-zertteý uıymynyń ǵylymı qyzmetkeri laýazymynda bastady. 2001 jyly QR Bilim jáne ǵylym mınıstrligine memlekettik qyzmetke aýysty. 2002-2008 jyldary QR Aýyl sharýashylyǵy mınıstrliginde ǵylym, agroónerkásiptik keshendi damytý strategııasy, qaıta óńdeý ónerkásibi jáne DSU departamentterinde bólim bastyǵynan departament dırektorynyń orynbasaryna deıingi pozıtsııalarda jumys istedi. 2009-2011 jyldary QR Aýyl sharýashylyǵy mınıstrliginiń «QazAgroInnovatsııa» aktsıonerlik qoǵamy basqarmasy tóraǵasynyń orynbasary boldy. 2011-2014 jyldary QR Bilim jáne ǵylym mınıstrligi Qazaq agrotehnıkalyq ýnıversıtetiniń basqarmasy tóraǵasynyń orynbasary — prorektory bolyp qyzmet atqardy. 2015 jyly eńbek qyzmetin QR Investıtsııalar jáne damý, Indýstrııa jáne ınfraqurylymdyq damý mınıstrlikterinde Tehnologııalyq jáne ınnovatsııalyq damý, tsıfrlyq transformatsııa, jobalyq basqarý departamentterinde basshylyq laýazymdarda jalǵastyrdy. 2021-2025 jyldary QR Indýstrııa jáne ınfraqurylymdyq damý mınıstrligi, Ónerkásip jáne qurylys mınıstrligi Ónerkásiptik saıasat departamentiniń dırektory boldy.
Qazirgi laýazymyn 2025 jyldyń sáýir aıynan bastap atqaryp keledi.
Jıyrmadan astam ǵylymı maqalanyń avtory, monografııanyń jáne eki selektsııalyq jetistiktiń teńavtory.
Qazaqstan Respýblıkasynyń memlekettik jáne vedomstvolyq nagradalarymen marapattalǵan.
51 jyl buryn (1975) Shyǵys Qazaqstan oblysynyń prokýrory Tımýr Qaıyrbekuly SÚLEIMENOV dúnıege keldi.
Reseı Federatsııasynyń Novosibir oblysy Kýıbyshev qalasynda týǵan. Ál-Farabı atyndaǵy Qazaq ulttyq ýnıversıtetin «halyqaralyq quqyq» mamandyǵy boıynsha bitirgen.
Eńbek jolyn 1997 jyly Almaty qalasy Almaly aýdandyq prokýratýrasynda Quqyqtyq statıstıka jáne aqparat ortalyǵynda prokýror kómekshisi bolyp bastaǵan. 2008-2013 jyldary Almaly aýdany prokýrorynyń aǵa kómekshisi, Almaty qalalyq prokýratýrasynda Jedel-izdestirý, tergeý jáne anyqtaý zańdylyǵyn qadaǵalaý jónindegi basqarmasynyń prokýrory, Almaty qalasy prokýrorynyń birinshi orynbasary qyzmetterin atqardy. 2013-2017 jyldary Astana qalasy prokýrorynyń birinshi orynbasary, 2017-2021 jyldary Qostanaı oblysynyń prokýrory, 2021-2022 jyldary QR Bas prokýratýrasy janyndaǵy Quqyq qorǵaý organdary akademııasynyń basshysy, 2022-2025 jyldary QR Bas kólik prokýrory qyzmetin atqardy.
2025 jyldyń qyrkúıek aıynan bastap qazirgi qyzmetinde.
ІІ dárejeli «Aıbyn» ordenimen, «QR Táýelsizdigine 20 jyl», «QR Prokýratýrasyna 20 jyl», «QR Konstıtýtsııasyna 20 jyl», «QR Prokýratýrasyna 25 jyl», «Eren eńbegi úshin», «Minsiz qyzmeti úshin» III, II, I dárejeli medaldarimen; ІІ dárejeli «Prokýratýra ozaty», «Prokýratýranyń qurmetti qyzmetkeri» tósbelgilerimen marapattalǵan.
43 jyl buryn (1983) «Qazpochta» AQ jelilik basqarý, logıstıka jáne satyp alý jónindegi basqarýshy dırektory Erjan Qaldybaıuly QAZANBAEV dúnıege keldi.
Almaty qalasynda týǵan. 2006 jyly Almaty tehnologııalyq ýnıversıtetin, 2008 jyly Aberdın ýnıversıtetin (Ulybrıtanııa) bitirgen.
Eńbek jolyn 2008 jyly «Ekspress Bank» AQ-ynda komplaens-baqylaýshy bolyp bastaǵan. 2008-2010 jyldary kommertsııalyq qurylymdarda jumys istedi. 2010-2012 jyldary QR Ekonomıka jáne bıýdjettik josparlaý mınıstrliginiń Investıtsııalyq saıasat departamenti Investıtsııalyq saıasat basqarmasynyń sarapshysynyń m. a., sarapshysy qyzmetin atqardy. 2012-2013 jyldary QR Ekonomıkalyq damý jáne saýda mınıstrliginiń Kásipkerlikti qarjylaı qoldaý basqarmasynyń bastyǵy, 2013 jyly Ekonomıka jáne bıýdjettik josparlaý mınıstrliginiń Memleket mindettemelerin basqarý jáne qarjy sektoryn damytý saıasaty departamenti Memleket mindettemelerin basqararmasynyń saıasat basqarmasynyń basshysy, 2013-2016 jyldary QR Ekonomıka jáne bıýdjettik josparlaý mınıstrliginiń Ekonomıka salalaryn damytý departamenti dırektorynyń orynbasary, 2016-2019 jyldary QR Ulttyq ekonomıka mınıstrliginiń Ekonomıka salalaryn damytý departamentiniń dırektory, 2019-2020 jyldary QR Prezıdenti Ákimshiliginiń Áleýmettik-ekonomıkalyq monıtorıng bólimi meńgerýshisiniń orynbasary, 2020-2022 jyldary QR Saýda jáne ıntegratsııa vıtse-mınıstri boldy.
2023 jyldyń aqpan aıynan bastap qazirgi qyzmetinde.
37 jyl buryn (1989) «Qazaqstan Respýblıkasy Ádilet mınıstrliginiń sot saraptamalary ortalyǵy» RMQK dırektory Baqytjan Tólenuly BAITІLESOV dúnıege keldi.
Ońtústik Qazaqstan oblysy, Maqtaaral aýdany, Jetisaı qalasynda týǵan.
Eńbek joly: 2008-2009 jyldary Aqmola garnızony áskerı sotynyń jetekshi mamanynyń mindetin atqarýshysy, 2009-2011 jyldary Aqmola garnızony áskerı sotynyń jetekshi mamany, 2011 jyly Astana qalasy boıynsha Qalalyq sottyń baqylaý jáne qujataınalymy bóliminiń bas mamany, 2011-2013 jyldary Astana qalasy boıynsha Qalalyq sottyń kadr jumysy bóliminiń bas mamany, 2013 jyly Atyraý oblysy sot aktilerin oryndaý departamentiniń Atyraý aýmaqtyq bólimshesiniń memlekettik sot oryndaýshysy, 2013 jyly Atyraý oblysy sot aktilerin oryndaý departamentiniń Atyraý aýmaqtyq bólimshesiniń sot oryndaýshysy, 2013 jyly QR Ádilet mınıstrligi Sot aktilerin oryndaý komıtetiniń atqarý óndirisin qamtamasyz etý basqarmasynyń sarapshysy, QR Ádilet mınıstrligi Sot aktilerin oryndaý komıtetiniń personaldy basqarý basqarmasynyń sarapshysy, 2013-2014 jyldary QR Ádilet mınıstrligi Sot aktilerin oryndaý komıtetiniń personaldy basqarý basqarmasynyń bas sarapshysy, 2014-2016 jyldary QR Ádilet mınıstrligi Sot aktilerin oryndaý departamentiniń jeke sot oryndaýshylarynyń qyzmetin uıymdastyrý basqarmasynyń bas sarapshysy, 2016-2017 jyldary QR Ádilet mınıstrliginiń saraptama qyzmetin uıymdastyrý departamenti Sot — saraptamasy ortalyǵynyń qyzmetin baqylaý basqarmasynyń basshysy, 2017-2020 jyldary QR Ádilet mınıstrliginiń saraptama qyzmetin uıymdastyrý departamenti lıtsenzııalaý jáne sot-saraptamasy qyzmetin baqylaý basqarmasynyń basshysy, 2020-2021 jyldary QR Ádilet mınıstrliginiń saraptama qyzmetin uıymdastyrý departamenti dırektorynyń orynbasary, 2021-2024 jyldary «Qazaqstan Respýblıkasy Ádilet mınıstrliginiń sot saraptamalary ortalyǵy» RMQK Nur-Sultan qalasy boıynsha sot saraptamalary ınstıtýtynyń dırektory, 2024-2025 jyldary «Qazaqstan Respýblıkasy Ádilet mınıstrliginiń sot saraptamalary ortalyǵy» RMQK Ǵylymı-tájirıbelik sot saraptamalary ortalyǵynyń dırektory (Astana q.) bolyp qyzmet atqarǵan.
Qazirgi laýazymyn 2025 jyldyń aqpanynan beri atqaryp keledi.
180 jyl buryn (1846-1945) aqyn, jyraý, jyrshy Jambyl JABAEV dúnıege kelgen.
Qazirgi Jambyl oblysy Jambyl taýynyń eteginde týǵan.
Jasynan óleń-jyrǵa qanyp ósken, óz anasy Uldannyń aqyndyq talantyn boıyna sińirgen, «Meniń pirim — Súıinbaı…» dep Jambyldyń ózi jyrǵa qosqandaı, Súıinbaı Aronuly sııaqty jyr dańǵylynan tálim-tárbıe alǵan. Jambyl 1919 jyly Jetisý halyq aqyndary bas qosqan sletke qatysty. 1934 jyly respýblıkalyq óner sheberleriniń tuńǵysh sletinde jyr tolǵap, taǵy bir kózge tústi. «Zamana aǵymy», «Belsendilerge», «Qazaqstan toıyna», «Jastar aldyndaǵy sóz» sııaqty arnaý, tolǵaýlary osy tusta jyrlandy. Onyń úzdik shyǵarmalary 40-tan astam shet elder tilderine aýdaryldy. Uly jyraý qazaq halqyn, onyń poezııasyn búkil álemge jarııa etti. 1938 jyly Jambyldyń shyǵarmashylyq óneriniń 75 jyldyǵyn toılaǵanda, oǵan álemniń ár túkpirinen quttyqtaýlar keldi. Romen Rollan, Martın Andersen, Nekse, Katarına Sýsanna Prıchard sııaqty ataqty sýretkerler Jambyl poezııasyna óte joǵary baǵa berdi. Jambyl týraly júzdegen óleń-jyrlar jazyldy. HH ǵasyrdaǵy halyq aqyndaryna Jambyldyń áseri óte zor boldy. Bul qatarda Kenen Ázirbaev, Úmbetáli Káribaev, Ábdiǵalı Sarıev, Nartaı Bekejanov, Doskeı Álimbaev, Saıadil Kerimbekov, Orynbaı Taımanov sııaqty belgili ımprovızatorlar bar. 1941 jyly Stalındik (keıin KSRO Memlekettik) syılyǵynyń laýreaty atanǵan. І saılanǵan Qazaq KSR Joǵarǵy Keńesiniń depýtaty, KSRO jáne Qazaqstan Jazýshylar odaǵynyń múshesi boldy. Jambyldyń esimi Qazaqstannyń bir oblysyna, birneshe aýdandarǵa, birqatar eldi mekenderge, mekemeler men oqý oryndaryna, óner ordalaryna, mektepterge, kóshelerge berilgen. Qazaq halqy Jambyldyń 100 jyldyq, 125 jyldyq, 150 jyldyq, 160 jyldyq toılaryn halyqaralyq deńgeıde saltanatty túrde atap ótti.