28 aqpan. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER
28 AQPAN, JUMA
Aýǵanstan Respýblıkasynyń Ulttyq meıramy - Táýelsizdik kúni (1919). Qazaqstan Respýblıkasy men Aýǵanstan Respýblıkasy arasyndaǵy dıplomatııalyq qarym-qatynas 1992 jyly aqpannyń 12-inde ornatyldy.
Kalevala halyq eposy kúni (Fınlıandııa). 1835 jyly Fın ádebıet qaıratkeri Elıos Lennrot jınap jarııalaǵan karel-fın eposy men mádenıetiniń «Kalevala» merekesi retinde atap ótiledi.
«Nevada-Semeı» halyqaralyq antııadrolyq qozǵalys kúni. 1989 jyldyń aqpanyndaǵy eki jarylystan keıin (12 jáne 17 aqpan) qazaqstan Jazýshylar odaǵyna myńǵa jýyq jastar jınaldy. Mıtıngte alǵashqy antııadrolyq qozǵalys quryldy. Oǵan tarıhtaǵy eń úlken ıadrolyq qarýdyń synaǵy ótken eki qalanyń ataýy berildi.
Taıvandaǵy ulttyq eske alý jáne beıbitshilik kúni. 1947 jylǵy «228 oqıǵa» degen ataýǵa ıe bolǵan úkimetke qarsy qozǵalysta qaza tapqandardy eske alý kúni. El prezıdenti men basqa da laýazymdy tulǵalar memorıaldy alańdaǵy qońyraýdy soǵyp, qaza tapqandardyń otbasylarynyń aldynda bastaryn ıip, qurmet kórsetedi.
Sırek kezdesetin aýrýlar kúni. Jyl saıyn aqpan aıynyń sońǵy kúni atalyp ótiledi. Onyń maqsaty sırek kezdesetin aýdýralr týraly halyqqa aqparatty keńinen taratyp, ony emdeýge qoljetimdilikti arttyrý bolyp tabylady. 2008 jyly Sırek kezdesetin aýrýlardy zertteýdi uıymdastyrý boıynsha eýropalyq uıymnyń (EURORDIS) bastamasymen belgilengen.
Arab elderindegi ustazdar kúni. Azııa men Afrıkanyń on bir arab memleketinde toılanatyn mereke. Olar: Marokko, Aljır, Týnıs, Lıvııa, Mysyr, Iordanııa, Saýd Arabııasy, Iemen, Bahreın, Birikken Arab Ámirlikteri jáne Oman memleketi.
Úndistandaǵy ulttyq ǵylym kúni. 1928 jyly belgili úndi fızıgi Chandrasekhar Venkat Ramannyń Raman áserin (kombınatsııalyq jaryqtyń shashyraýy) ashýyna oraı Úndistanda jyl saıyn atalyp ótiletin mereke.
Brazılııadaǵy Rıo karnavaly kúni. Bul merekeniń kúni jyl saıyn ózgerip otyrady. Negizinen ol Pasha kúnimen baılanysty. Karnaval resmı túrde atalmysh dinı mereke kezinde bastalyp, jumadan bastalyp, tórt kúnge sozylady.
ESTE QALAR OQIǴALAR
60 jyl buryn (1954) Qostanaıǵa jas tyń ıgerýshilerdiń alǵashqy legi kelip jetti.
1 7 jyl buryn (1997) Qazaq memlekettik ýnıversıtetinde «Ana tili» baspasynan jaryq kórgen «Elbasy» kitabynyń tusaýkeser rásimi ótti.
1 2 jyl buryn (2002) Almatyda Orta Azııa memleketteriniń basshylary Orta Azııa yntymaqtastyq uıymyn qurý týraly kelisimge qol qoıdy.
9 jyl buryn (2005) K.Baıseıitova atyndaǵy Ulttyq opera jáne balet teatrynda jazýshy Іlııas Esenberlınniń 90 jyldyq mereıtoıyna arnalǵan «Almas qylysh» atty eske alý keshi ótti. Jazýshy І.Esenberlın (1915-1983) keńestik dáýirdiń tsenzýralyq qyspaǵyn, ıdeologııalyq kedergilerin kóp kórse de, ult namysy úshin qazaq ádebıetine tarıhı taqyryptarda jazylǵan tanymdy shyǵarmalarymen mol úles qosty.
8 jyl buryn (2006) Qazaqstan Respýblıkasy Ulttyq kitaphanasynda Reseıdi zertteý ortalyǵy ashyldy.
Joba Reseıdiń tuńǵysh Prezıdenti Borıs Eltsın qory men Reseı Federatsııasy Kınematografııa jáne mádenıet jónindegi federaldyq agenttiginiń bastamasymen qolǵa alynyp otyr. Bul ortalyq Reseı memleketi men onyń halqy, zańdary, memlekettik qurylymy, kásipkerlik, tarıhy, ǵylymy jáne óneri men mádenıeti týraly málimetter taratyp, eki el arasyndaǵy qarym-qatynasty damytýǵa qyzmet etpek. Búgingi tańda elimizdiń bas kitaphanasynda Qytaı, Úndi, Iran mádenı ortalyqtary jumys isteýde.
8 jyl buryn (2006) Qazaqstan Respýblıkasy Ulttyq kitaphanasynda Ortalyq Azııadaǵy 5 memlekette Keńester Odaǵy kezinde túsirilgen fılmdermen qatar, sońǵy 10-15 jylda kórermender nazaryna usynylǵan týyndylar qosa jazylǵan DVD jınaǵynyń tanystyrylymy boldy. Munda Ortalyq Azııa elderinde túsirilip, halyqaralyq baıqaýlarda júldeli oryndarǵa ıe bolǵan 20-ǵa jýyq kórkem fılm 10 DVD dıskige bólinip jazylǵan. Al Qazaqstan jaǵynan Shaken Aımanovtyń «Atamekeni» men Serik Aprymovtyń «Aqsý» kórkem fılmi engizilse, Qyrǵyzstan men Ózbekstanda túsirilgen fılmder ishinen «Kúrdeli asý», «Beskempir», «Sen - jetim emessiń», «Orator», «Kelin», «Hasan arbakesh» sekildi týyndylar basylypty.
7 jyl buryn (2007) Ierýsalımde (Izraıl memleketi) Qazaqstannyń Dúnıejúzilik saýda uıymyna (DSU) kirýi jóninde eki jaqty kelissózder ótti.
7 jyl buryn (2007) Astanada Sapar Ysqaqovqa balalar-jasóspirimder týrızmi jáne ólketaný halyqaralyq Akademııasynyń akademıgi ataǵyn berý saltanatty rásimi ótti. Sapar Ysqaqov tanymal saıahattanýshy, kóne órkenıet jerlerinde, jáne álemniń 100-den astam elinde bolǵan. Pashı jáne Jańa Gvıneıa aralynda boldy. Kóptegen halyqaralyq jáne úkimet syılyqtarynyń ıegeri.
5 jyl buryn (2009) Pavlodarda «EKO» baspasynan «Baıanaýyl - ańyzdar eli» dep atalatyn jańa kitap jaryq kórdi. Kórkem bezendirilgen kitap betterinen oqyrman Qazaqstannyń tabıǵaty ǵajaıyp ólkesi týraly kóptegen qyzyqty maǵlumat alady. Munda ólkedegi ejelgi taýlar men kólder týraly ańyzdar jınaqtalǵan, ulttyq saıabaqtyń janýarlar dúnıesi men ósimdikteri týraly materıaldar berilgen, aýdannyń damý kezeńderi baıandalǵan. Kitap betterinde Baıanaýyl jerinde dúnıege kelgen qazaqtyń ataqty ǵalymdarynyń, aqyndarynyń, kórnekti qaıratkerleriniń ómirbaıandary jarııalanǵan. Kópshilikke arnalǵan kitap budan júz jyl buryn túsirgen Dmıtrıı Bagaevtyń tarıhı fotosýretterimen, Aleksandr Parhomenkonyń Baıanaýyl tabıǵatyn keskindegen sýretterimen aıshyqtalǵan.
3 jyl buryn (2011) QR Úkimeti men Qyzyl aı halyqaralyq komıteti QAHK-nyń Qazaqstan aýmaǵynda qyzmetin retteıtin kelisimge qol qoıdy.
3 jyl buryn (2011) Qazaqstan elshiliginiń komandasy Ózbekstanda dıplomatııalyq korpýstardyń arasynda ótken shahmat týrnırinde
1 jyl buryn (2013) QR Prezıdenti N.Nazarbaev Kıshınev qalasynda Qazaqstan Respýblıkasynyń bas konsýldyǵyn ashý týraly Jarlyqqa qol qoıdy.
1 jyl buryn (2013) Qazaqstan Prezıdentiniń «Bolashaq» halyqaralyq stependııasyna 20 jyl toldy.
1 jyl buryn (2013) Almatyda «IT-Planeta» olımpıadasynyń aımaqtyq týry bastaldy.
1 jyl buryn (2013) Almatyda Á.Qasteev atyndaǵy memlekettik óner murajaıynda QR Halyq sýretshisi Áýbákir Ysmaılovtyń 100 jyldyǵyna oraı «Álem kóshpendiler sýretimen» atty kórme ashyldy.
92 jyl buryn (1922) Mysyr Ulybrıtanııadan táýelsizdigin aldy.
79 jyl buryn (1935) «DuPont» amerıkalyq kompanııasynyń zerthanasynyń bas hımıgi Ýolles Karozers birinshi ret 66-monopolımer sıntezin jasap, ony neılon dep atady.
74 jyl buryn (1940) KSRO-da Vladımır Pavlovıch Fedorov álemde alǵashqy bolyp suıyq-reaktıvtik dvıgateli bar zymyranymen ushty.
63 jyl buryn (1951) Laınýs Pollıng pen Robert Korı aqýyzdyń ekinshi qurylymdyq formasynyń teorııasyn negizdedi.
58 jyl buryn (1956) AQSh-ta kompıýterge arnalǵan jelilik kabelder patentteldi.
16 jyl buryn (1998) sostoıalsıa pervyı polet amerıkalyq strategııalyq barlaýshy ushqyshsyz RQ-4 Global Hawk ushý apparaty alǵashqy synaqtan ótti.
7 jyl buryn (2007) Qytaıdaǵy ǵylymı jumystyń nátıjesinde robot-janýar jasaldy. Kógershinniń mıyna elektrondy chmp ornatylyp, sonyń kómegimen zertteýshiler qusty basqardy.
4 jyl buryn (2010) Vankýverdegi Bı-Sı Pleıs stadıonynda Olımpıada oıyndarynyń jabylý saltanaty ótti.
ESІMDER
16 8 jyl buryn (1846-1945) uly aqyn, jyraý, jyrshy, KSRO memlekettik syılyǵynyń laýreaty JABAEV Jambyl dúnıege keldi. Jambyl oblysy Jambyl taýynyń eteginde týǵan. Ol jasynan óleń-jyrǵa qanyp ósken, óz anasy Uldannyń aqyndyq talantyn boıyna sińirgen, «Meniń pirim - Súıinbaı...» dep Jambyldyń ózi jyrǵa qosqandaı, Súıinbaı Aronuly sııaqty jyr dańǵylynan tálim-tárbıe alǵan. Jambyl 1919 jyly Jetisý halyq aqyndary bas qosqan sletke qatysty. 1934 jyly respýblıkalyq óner sheberleriniń tuńǵysh sletinde jyr tolǵap, taǵy bir kózge tústi. «Zamana aǵymy», «Belsendilerge», «Qazaqstan toıyna», «Jastar aldyndaǵy sóz» sııaqty arnaý, tolǵaýlary osy tusta jyrlandy. Onyń úzdik shyǵarmalary 40-tan astam shet elder tilderine aýdaryldy. Uly jyraý qazaq halqyn, onyń poezııasyn búkil álemge jarııa etti. 1938 jyly Jambyldyń shyǵarmashylyq óneriniń 75 jyldyǵyn toılaǵanda, oǵan álemniń ár túkpirinen quttyqtaýlar keldi. Romen Rollan, Martın Andersen, Nekse, Katarına Sýsanna Prıchard sııaqty ataqty sýretkerler Jambyl poezııasyna óte joǵary baǵa berdi. Jambyl týraly júzdegen óleń-jyrlar jazyldy. 20-ǵasyrdaǵy halyq aqyndaryna Jambyldyń áseri óte zor boldy. Bul qatarda Kenen Ázirbaev, Úmbetáli Káribaev, Ábdiǵalı Sarıev, Nartaı Bekejanov, Doskeı Álimbaev, Saıadil Kerimbekov, Orynbaı Taımanov sııaqty belgili ımprovızatorlar bar. 1941 jyly Stalındik (keıin KSRO Memlekettik) syılyǵynyń laýreaty atanǵan. 1-shi saılanǵan Qazaq KSR Joǵarǵy Keńesiniń depýtaty, KSRO jáne Qazaqstan Jazýshylar odaǵynyń múshesi boldy. Jambyldyń esimi Qazaqstannyń bir oblysyna, birneshe aýdandarǵa, birqatar eldi mekenderge, mekemeler men oqý oryndaryna, óner ordalaryna, mektepterge, kóshelerge berilgen. Qazaq halqy Jambyldyń 100 jyldyq, 125 jyldyq, 150 jyldyq, 160 jyldyq toılaryn halyqaralyq deńgeıde saltanatty túrde atap ótti. Jalpy, aqynnyń shyǵarmalary dúnıe júzinde qyryqtan astam tilge aýdarylǵan.
165 jyl buryn (1849-1932) qazaq aqyny BAIZAQOV Musabek dúnıege keldi.
Ol zamandastary Mádeliqoja, Maılyqoja, Qulynshaq sııaqty aqyndardyń úlgisin ózine ónege tutyp, aqyndyq jolyn qýǵan. Jas Musa áýeli ákesi ustaǵan moldadan han tanysa, óse kele Qarnaq qystaǵyndaǵy molda Qozy degen kisi ashqan din mektebine túsip oqıdy. Biraq, sholastıkalyq din oqýyn qanaǵat tutpaı ketip qalady da, óz betinshe bilim alýǵa kirisedi. Shaǵataı, arab, parsy, túrki tildes týysqan elderdiń ádebıetimen tanysady. Musa óleńderiniń ishinen mahabbat, tabıǵat lırıkalaryn, áleýmettik máni zor tolǵaýlardy, kóptegen mysaldar men aıtys jyrlaryn kezdestirýge bolady.
103 jyl buryn (1911-1991) ǵalym, jylqy túligi jónindegi bilikti maman, aýyl sharýashylyǵy ǵylymynyń kandıdaty, Qazaq KSR Memlekettik syılyǵynyń laýreaty BELıAEV Aleksandr Ivanovıch dúnıege keldi. Reseı Federatsııasynyń Irkýtsk oblysynda týǵan. Máskeý zootehnıkalyq-maldárigerlik ınstıtýtyn bitirgen. 1938-1943 jyldary - № 52 Embi jylqy zaýytynyń bas zootehnıgi. 1945-1956 jyldary - Oral, Almaty, Qostanaı oblystaryndaǵy jylqy zaýytarynyń bas zootehnıgi. 1956-1964 jyldary - Muǵaljar aýdany «Embi» keńsharynyń, 1964-1979 jyldary - Aqtóbe aýyl sharýashylyǵy tájirıbe stansasynyń dırektory. Ol 1969 jyly «Qazaqtyń «Jaby» tuqymdas jylqysyn jaqsartýdyń ádisteri men nátıjeleri» atty dıssertatsııa qorǵady. Jańa «Kóshim» jylqy tuqymyn shyǵaryp, ony halyq sharýashylyǵyna endirgeni úshin oǵan bir top ǵalymdarmen birge Qazaq KSR-iniń Memlekettik syılyǵy berildi. «Barqyt», «Zýbr» jáne «Qaıyńdy» atty zaýytty baǵyttaǵy jylqy túrleri avtorlarynyń biri. Onyń qazaqtyń «Jaby jylqysy» kitaby jáne 60-tan astam ǵylymı zertteý maqalalary bar. Eńbek Qyzyl Tý, «Qurmet belgisi», ІІ dárejeli Otan soǵysy ordenderimen jáne medaldarmen marapattalǵan.
9 6 jyl buryn (1918-1975) kompozıtor, Qazaqstannyń eńbek sińirgen ártisi KÁRІMBAEV Sadyq dúnıege keldi. Pavlodar oblysynyń Baıanaýyl aýdanynda týǵan. Bala kúninde sheshekpen aýyryp, eki kózinen aıyrylǵan. Jasynan án aıtyp, syrnaı tartqan, ózi de án shyǵarǵan. Qazaqtyń belgili sal-serileri, ánshi-aqyndarynan tálim alǵan. Ánderiniń taqyryby san alýan. Onyń «Jetisý», «Keshki Almaty», «Jańaarqa», «Saýynshy jeńgeı», «Jylqyshy qyz», «Shattanamyn eńbektiń erlerine», «Joryq», «Attanys», «Súıgen sáýlem Aqerkem», «Kútem seni», «Aqtamaq», «Aq totym», «Aıly túnde», t.b. týyndylary bar. Sondaı-aq kompozıtor vals janrynyń («Jambyl jastarynyń valsi», «Qapshaǵaı valsi») damýyna da úles qosqan.
8 6 jyl buryn (1928-1990) aktrısa, Qazaqstannyń halyq ártisi RÝJEVA Altyn Ibragımqyzy dúnıege keldi. Aqtóbe oblysynda týǵan. Almaty kınoakterler mektebin bitirgen. Aqtóbe mýzykalyq drama teatrynda, Jambyl oblystyq drama teatrynda qyzmet jasaǵan. 1979-1981 jyldary Atyraý drama teatrynyń dırektory bolǵan. 1982 jyldan ómiriniń sońyna deıin Taldyqorǵan oblystyq drama teatrynda alýan túrli rólderdi somdaǵan. Olardyń qatarynda Aıman, Eńlik (M.Áýezov «Aıman - Sholpan», «Eńlik - Kebek»), Aqtoqty (Ǵ.Músirepov «Aqan seri - Aqtoqty»), Qarashash (Sh.Qusaıynov «Aldar kóse»), Tolǵanaı (Sh.Aıtmatov «Ana - Jer ana») t.b rólderi bar. Qazaq KSR Joǵarǵy Keńesiniń Qurmet gramotasymen marapattalǵan.
70 jyl buryn (1944) «Symbat» sán bıznesi akademııasynyń prezıdenti-rektory, ekonomıka ǵylymdarynyń kandıdaty, ónertaný dotsenti, tehnıkalyq ǵylymdardyń doktory, QR Ulttyq ınjenerlik akademııanyń múshe-korrespondenti, Jetisý aýdanynyń qurmetti azamaty ASANOVA Sabyrkúl Jaılaýbekqyzy dúnıege keldi. Jambyl oblysynyń Merke aýdanynda týǵan. Máskeý toqyma ınstıtýtynyń mehanıka-tehnologııa fakýltetin bitirgen (1969). Máskeý «Trıkotajnıtsa» fabrıkasynda ınjener (1969-1972), Almaty qalasyndaǵy «Almagúl» fabrıkasynyń bas ınjeneri (1972-1984),«Qazaqstan» fırmasynyń dırektory (1984-1986), Qalalyq týrıstik basqarmasynyń bastyǵy (1986-1990), 1990 jyldan «Symbat» sán akademııasynyń prezıdenti, al 1998 jyldan «Symbat» sán bıznes akademııasynyń rektory. Alǵashqy halyqaralyq arýlar baıqaýyn, ulttyq kıimderdiń joǵary sán konkýrsyn, jas modelerler konkýrsyn, semınarlary men ǵylymı-praktıkalyq konferentsııasyn uıymdastyrýshy. Memlekettik rámizderdi: QR Memlekettik jalaýy men QR Prezıdenti N.Á.Nazarbaevtyń jeke shtandartyn jasap, óndiriske engizdi, qazaq ulttyq kıim úlgileriniń túleýine atsalysty, 80-nen astam eńbekterdiń avtory. Halyqtar dostyǵy ordenimen, birqatar medaldarmen, halyqaralyq nagradalarmen marapattalǵan. Qazaqstannyń eńbek sińirgen qaıratkeri.
6 1 jyl buryn (1953) Qurmanǵazy atyndaǵy Qazaq ulttyq konservatorııanyń dırıjerlik jáne kompozıtsııa kafedrasynyń dotsenti, tanymal dırıjer, Qazaqstan Respýblıkasynyń eńbek sińirgen ártisi «Jiger» festıvaliniń, І respýblıkalyq dırıjerler baıqaýynyń laýreaty BEGENDІKOV Jalǵasbek Ámirhanuly dúnıege keldi. Mańǵystaý oblysynda týǵan. Almaty konservatoııasyn Sh.Qajyǵalıevtiń synybynda btirdi. Qazaq ulttyq aspaptar orkestrinde jumys jasady, 1978 jyldan osy orkestrdiń dırıjeri, Almaty konservatorııasynyń oqytýshysy, konservatorııanyń aspaptar orkestriniń jetekshisi boldy. «Otyrar sazy» folklorlyq ansambliniń dırıjeri qyzmetin atqardy. TMD-da, Frantsııa, Danııa, Qytaı elderinde gastroldik saparda boldy.
5 3 jyl buryn (1961) Qazaqstan Respýblıkasy Prezıdenti Ákimshiliginiń memlekettik ınspektory ANARQULOV Marat Ábdeshuly dúnıege keldi. Jambyl oblysynda týǵan. Jambyl gıdromelıoratıvtik qurylys ınstıtýtyn bitirgen. Eńbek jolyn «Іlesýqurylys» trestiniń sheberi bolyp bastaǵan. 1984-1989 jyldary - Qazaqstan LKJO Sverdlov aýdandyq komsomol komıtetiniń nusqaýshysy, keńshardyń Mashına-traktor jóndeý mekemesiniń meńgerýshisi, Qazaqstan LKJO Sverdlov aýdandyq komsomol komıtetiniń bólim meńgerýshisi. 1989-1992 jyldary - Sverdlov aýdandyq salyq komıtetiniń ınspektory, Sverdlov aýdandyq atqarý komıtetiniń jetekshi mamany. 1992-1993 jyldary - Sverdlov aýdandyq ákimshiliginiń bólim meńgerýshisi, aǵa mamany. 1993-1995 jyldary - Jambyl aýmaqtyq memlekettik múlik komıteti jekeshelendirý bóliminiń meńgerýshisi, bas mamany. 1995-1998 jyldary - Taraz qalasyndaǵy kommýnaldyq menshik basqarmasy bastyǵynyń orynbasary, Jambyl oblysy ákimi apparatynyń Іs basqarýshysynyń orynbasary. 1998-1999 jyldary - Jambyl oblysy ákiminiń kómekshisi. 1999-2001 jyldary - Jambyl aýmaqtyq memlekettik múlik komıtetiniń bólim meńgerýshisi, aǵa mamany. 2001-2009 jyldary - Qazaqstan Respýblıkasy Premer-Mınıstri Keńsesiniń bas ınspektory, sektor meńgerýshisi, konsýltanty qyzmetterin atqarǵan. 2009 jyldyń qyrkúıek aıynan - qazirgi qyzmetinde. Qazaqstan Respýblıkasynyń Qurmet gramotasymen marapattalǵan.
5 1 jyl buryn (1963) QR Premer-Mınıstri Keńsesiniń qorǵnys jáne quqyq tártibi bóliminiń meńgerýshisi FEDOROV Oleg Anatolevıch dúnıege keldi. Almaty qalasynda týǵan. KSRO Іshki ister mınıstrliginiń Qaraǵandy joǵary mektebin bitirgen, zańger. Eńbek jolyn ishki ister organdaryndaǵy qatardaǵy jedel ýákil qyzmetinen bastap, birqatar basshylyq qyzmetterde jumys jasap, Qazaqstan Respýblıkasynyń Іishki ister vıtse-mınıstri laýazymyna deıingi joldan ótti. Qazirgi qyzmetinde - 2009 jylǵy maýsymnan beri. ІІ dárejeli «Aıbyn» ordenimen marapattalǵan.
6 7 jyl buryn (1947) keńesik jáne reseılik teatr jáne kıno aktrısasy, Reseı halyq ártisi VASILЬEVA Tatıana Grıgorevna dúnıege keldi.
5 4 jyl buryn (1960-1980) kanadalyq model jáne akrısa Dorotı STRETTEN (shyn aty-jóni Dorotı Rýt Hýgstreıten) dúnıege keldi.
50 jyl buryn (1964) Almaty qalasynyń prokýrory ASYLOV Berik Noǵaıuly dúnıege keldi. Ol Jambyl oblysynda dúnıege kelgen. S.M.Kırov atyndaǵy Qazaq memlekettik ýnıversıtetin támamdaǵan (1991 jyl). Mamandyǵy - zańger. Eńbek jolyn Almaty qalasy Alataý aýdanynyń prokýratýrasynda tergeýshiniń taǵylymdamashysy retinde bastady. Bas prokýratýrada tergeýshi, Bas prokýratýranyń jedel-izdestirý qyzmetiniń zańdylyǵyn qadaǵalaý jónindegi bólim bastyǵy, Shymkent qalasynyń prokýrory, Ońtústik Qazaqstan oblysy prokýrorynyń birinshi orynbasary, Batys aımaqtyq kólik prokýrory, Aqtóbe oblysynyń prokýrory, Qazaqstan Respýblıkasy Bas Prokýrorynyń orynbasary laýazymdarynda qyzmet istedi. 2011 jyldyń 2 qyrkúıeginde Memleket basshysynyń kelisimi boıynsha Qazaqstan Respýblıkasy Bas Prokýrorynyń buıryǵymen Almaty qalasynyń prokýrory laýazymyna taǵaıyndaldy. 3-shi dárejeli memlekettik ádilet keńesshisi. «Eren eńbegi úshin» medalmen, «Astananyń 10 jyldyǵy» jáne «Ulttyq qaýipsizdikti qamtamasyz etýdegi úlesi úshin» mereıtoılyq medaldarymen marapattalǵan.