28 aǵash qulap, 3 shatyr ushty: Almatyda daýyl saldaryn joıý jumystary júrip jatyr

ALMATY. KAZINFORM - Almatyda daýyl saldaryn joıýǵa 376 arnaıy tehnıka jumyldyryldy.

7 sáýir kúni saǵat 19:30-dan bastap Almaty qalasynda qatty jel soǵyp, naızaǵaı oınap, nóser jańbyr jaýa bastady. Jańbyr túngi ýaqytqa deıin jalǵasty.

Tótenshe jaǵdaılar departamentiniń málimetinshe, daýyl saldarynan qalada 28 aǵash qulady. 3 jaǵdaıda aǵash turǵyn úılerge zaqym keltirgen. Sonymen qatar 3 turǵyn úıdiń shatyry ushyp, 1 qurylys qorshaýy qulaǵan.

- Túngi ýaqytta 376 arnaıy tehnıka jumyldyryldy, onyń ishinde «Almaty Tazalyq» mekemesiniń 255 tehnıkasy, jeke merdiger uıymdardyń 121 tehnıkasy. Sondaı-aq 395 qyzmetker jumysqa shyqty. Oqıǵa oryndarynda aýdan ákimdikteri men TJD kezekshi brıgadalary jumys istep jatyr, - dep habarlady qalalyq TJD baspasóz qyzmeti.

Eske salaıyq, Almatyda kún kúrkirep, naızaǵaı oınap, nóser jaýdy.

Odan keıin Almatydaǵy daýyl saldarynyń beınejazbalary tarady.