28,8 mln. teńge bıýdjettik qarajattyń tıimsiz qoldanylýynyń joly kesildi - Astana
ASTANA. 27 qyrkúıek. QazAqparat - Astana qalasy boıynsha Ekonomıkalyq qylmysqa jáne sybaılas jemqorlyqqa qarsy kúres departamenti aldyn alý sharalarynyń tıimdiligin arttyrý maqsatynda aqparattyq resýrstardy qoldana otyryp monıtorıng júrgizedi
Atalǵan jumysqa Departamenttiń tehnıkalyq resýrstary kúsheıtilgen Aqparattyq taldaý bólimi belsendi qatysýda.
Bólim qyzmetkerleri kóterińki baǵamen satyp alýǵa jol bermeý jáne ony ýaqtyly anyqtaý maqsatynda, kún saıyn memlekettik organdar men ulttyq kompanııalardyń satyp alý josparlarynyń monıtorıngin júrgizedi.
Solaısha, jyl basynan bastap jiberilgen taýarlardy satyp alýǵa josparlanǵan baǵalardy qaıta qaraý týraly 7 usynystyń nátıjesinde, 28,8 mln. teńge shamasynda bıýdjettik qarajattyń tıimsiz qoldanylýynyń joly kesildi.
Mysalǵa alǵanda, aǵymdaǵy jyldyń mamyr aıynda QR Halyqty áleýmettik qorǵaý jáne eńbek mınıstrliginiń Zeınetaqy tóleý jónindegi memlekettik ortalyǵymen 1 danasyn 72,5 myń teńgege josparlaǵan prınterlerdi satyp alýdyń aldy alyndy, mundaı prınterlerdiń naryqtaǵy ortasha baǵasy 48 myń teńgeni quraıdy. Bólimniń der kezinde áreket etýiniń arqasynda konkýrs ótkizilgen jaǵdaıda kóbine jymqyrylýy yqtımal bolatyn 7,2 mln. teńge bıýdjettik qarajat únemdeldi
Sonymen qatar «Qazaq ulttyq óner ýnıversıteti» MM memlekettik satyp alýlarynyń jospary taldanyp, nátıjesinde kompıýterlerdi satyp alý baǵasy 1 mln. teńgeden artyq baǵaǵa asyrylyp kórsetilý faktisi anyqtaldy. Jiberilgen usynystan soń, atalǵan mekeme satyp alý baǵasyn qaıta qarastyrdy.
Osyndaı jumystardyń nátıjesinde №67 «Shuǵyla» balabaqshasynda, L.N.Gýmılev atyndaǵy Eýrazııa ulttyq ýnıversıtetinde 4,3 mln. teńge mólsherindegi memlekettik qarajatty tıimsiz paıdalanýdyń aldy alyndy, dep habarlady Astana qalasy boıynsha Ekonomıkalyq qylmys jáne sybaılas jemqorlyqqa qarsy kúres departamentinen.
