276 eldi mekendi sý basý qaýpi bar aımaqta ornalasqan
NUR-SULTAN. QazAqparat – Elimizde 276 eldi meken sý basý qaýpi bar aımaqta jatyr. Bul týraly búgin Úkimet otyrysynda QR Tótenshe jaǵdaılar mınıstri ıÝrıı Ilın málim etti, dep habarlaıdy QazAqparat tilshisi.
«Jalpy alǵanda tótenshe jaǵdaıdy joıý úshin bes jyl ishinde 44 mıllıardtan astam teńge jumsaldy. Úkimettiń qoldaýymen memlekettik materıaldyq rezervten óńirler úshin 365 birlik tehnıka bronnan shyǵaryldy. Sonymen qatar, sý basý qaýpi bar aımaqta el boıynsha 276 eldi meken qalyp otyr, bul - 270 myńnan astam adam. Olardy sý tasqynynan qorǵaý úshin 2023 jylǵa deıingi jańa Jol kartasy bekitildi. Ony iske asyrýǵa respýblıkalyq jáne jergilikti bıýdjetterden qarjy bólý josparlanyp otyr»,- dedi mınıstr.
Onyń aıtýynsha, óńirlik deńgeıde aldaǵy sý tasqyny kezeńine daıyndyq aıasynda: Tótenshe jaǵdaılar jónindegi komıssııanyń otyrystary ótkizildi; janar-jaǵarmaı materıaldary, ınertti materıaldar jáne qum salynǵan qaptardyń qory qalyptastyryldy; shuǵyl shyǵyndarǵa tótenshe rezervter jasalǵan, shamamen 38 mıllıard teńge aldyn ala qarastyrylǵan.
«Sany 38 myń adamnan asatyn azamattyq qorǵaý quramdary, shamamen 13 myń birlik tehnıka, 500-den astam júzý jáne 2 500-den astam sý sorý quraldary aıqyndaldy. Eldi mekenderden qar shyǵarý jumystary jalǵasýda. Búgingi kúni 13 mıllıon tekshe metrden astam qar shyǵaryldy. Óńirlerdiń ákimdikteri eldi mekenderden qardy shyǵarý jumystaryn jandandyrýy qajet», - dedi ıÝrıı Ilın.
