271 azamatqa «Bolashaq» halyqaralyq stıpendııasyn taǵaıyndaý týraly sheshim qabyldandy

ASTANA. KAZINFORM – Qazaqstan Respýblıkasynyń Memlekettik keńesshisi Erlan Qarınniń tóraǵalyǵymen Shetelde kadrlar daıarlaý jónindegi respýblıkalyq komıssııanyń kezekti otyrysy ótti. Bul týraly Aqordanyń baspasóz qyzmeti habarlady.

Jıyn barysynda 271 azamatqa «Bolashaq» halyqaralyq stıpendııasyn taǵaıyndaý týraly sheshim qabyldandy. Stıpendııa ıegerleriniń 136-sy – magıstratýra, 8-i doktorantýrada oqıdy. Sondaı-aq 127 azamat álemniń eń úzdik ýnıversıtetteri men ortalyqtarynda taǵylymdamadan ótedi.

Komıssııa músheleri basymdyq berilip otyrǵan mamandyqtarǵa erekshe nazar aýdardy. ıAǵnı stıpendııa ıegerleriniń 65 paıyzy – jaratylystaný-tehnıkalyq, al 35 paıyzy áleýmettik-gýmanıtarlyq baǵyttar boıynsha bilimin jetildiredi.

Sonymen qatar 170 azamat sheteldiń jetekshi ǵylymı-zertteý ortalyqtarynda ǵylymı taǵylymdamadan ótýge stıpendııa aldy.

Erlan Qarın bıyl byltyrǵa qaraǵanda taǵylymdamadan ótýge eki ese, ınjenerlik-tehnıkalyq mamandyqtar baǵytyna alty ese kóp ótinish túskenin atap ótti. Bul Memleket basshysynyń ınjenerlik-tehnıkalyq bilim berýdi damytýǵa jáne qoldaýǵa baǵyttalǵan bastamasynyń ózekti ári zaman talabyna saı ekenin kórsetedi.

«Bolashaq» baǵdarlamasy boıynsha kimder bakalavr deńgeıinde oqı alatynyn jazǵan bolatynbyz.