27 jeltoqsanǵa arnalǵan aýa raıy boljamy
ASTANA. 26 jeltoqsan. QazAqparat - Qazaqstan aýmaǵynyń basym bóliginde aýa raıynyń turaqsyzdyǵy saqtalady, atmosferalyq aǵyndardyń ótýine baılanysty keı jerlerde qar jaýady dep kútilýde, jel kúsheıedi, boran soǵady, kóktaıǵaq bolady, tuman túsedi. Respýblıkanyń batysyna joǵary qysym alańy yqpal etedi, aýa raıy jaýyn-shashynsyz bolady dep kútilýde, keı jerlerde tuman túsedi.
Bul týraly «Qazgıdromet» RMK-ǵa silteme jasap QR TJM baspasóz qyzmetinen habarlandy.
Almaty oblysynda keı jerlerde tuman túsedi, Jalańashkól aýdanynda jel 18-23 m/s-ke kúsheıedi, jel ekpini 28 m/s bolady. Aqmola oblysynyń birqatar aımaqtarynda jel 15-20 m/s-ke kúsheıedi, túnde jáne tańerteń jekelegen aýdandarda tuman túsedi dep kútilýde, boran soǵady. Jambyl oblysynda keıbir jerlerde tuman túsedi dep boljanýda, kóktaıǵaq bolady, jel 15-20 m/s-ke kúsheıedi. Ońtústik Qazaqstan, Qostanaı oblystarynda keı jerlerde tuman túsedi dep kútilýde, kóktaıǵaq bolady, jel 15-20 m/s-ke kúsheıedi. Qaraǵandy oblysynyń birqatar jerlerinde boran soǵady, tuman túsedi, kúndiz jekelegen aýdandarda jel 15-20 m/s-ke kúsheıedi. Shyǵys Qazaqstan oblysynyń jekelegen aýdandarynda boran soǵyp, jel 15-20 m/s-ke kúsheıedi, túnde jáne tańerteń tuman túsýi yqtımal. Qyzylorda, Atyraý oblystarynda keı jerlerde tuman túsedi dep kútilýde, kóktaıǵaq bolady. Mańǵystaý, Batys Qazaqstan, Aqtóbe oblystarynyń birqatar jerlerinde tuman túsedi dep kútilýde. Pavlodar oblysynyń jekelegen aýdandarynda jel 15-20 m/s-ke kúsheıedi.
Aldaǵy táýlikte Qazaqstannyń sýly nysandarynda muz qatý úderisi jalǵasady, respýblıkanyń ońtústigi, ońtústik-shyǵysy jáne shyǵysynyń jekelegen ózenderinde sý deńgeıi turaqsyz bolýy múmkin.
