27 jeltoqsanda respýblıka boıynsha qaı joldarda qozǵalys shekteldi

ALMATY. KAZINFORM — «QazAvtoJol» ulttyq kompanııasy eldegi joldardyń qazirgi ahýaly týraly habarlady. 

Ulttyq kompanııanyń málimetinshe, 2025 jylǵy 27 jeltoqsan saǵat 05:30–dan bastap Shyǵys Qazaqstan oblysynda respýblıkalyq mańyzy bar «Óskemen — Altaı — Úlken Naryn — Katonqaraǵaı — Rahman qaınary» avtojolynyń 166-250-shaqyrym aralyǵynda (Altaı qalasy — Úlken Naryn aýyly) kóliktiń barlyq túri úshin qozǵalys ashyldy.

Shekteý

Al tirkemesi bar jáne jartylaı tirkemeli júk kólikteriniń qozǵalysy Osınov asýynda ýaqytsha shekteldi. Shekteý «Óskemen — Altaı — Katonqaraǵaı — Rahman qaınary» avtojolynyń 46-66-shaqyrymyndaǵy (Severnoe aýyly — Serebrıansk qalasy) ýchaskesinde qys aıaqtalǵansha saqtalady.

Al Pavlodar oblysynda «Astana — Shiderti — Pavlodar — Ýspenka — RF shekarasy» avtojolyndaǵy jolaıryqtyń kópir qurylymynyń shetki arqalyqtary zaqymdanýyna baılanysty «Qalqaman» jolaıryǵy ýchaskesi jabyldy. Atap aıtqanda, Qalqaman kentine kireberis pen Astana baǵytyna shyǵatyn jol ýaqytsha jabyq.

Eske salaıyq, sınoptıkter 27 jeltoqsanda Qazaqstannyń 17 oblysynda aýa raıyna baılanysty eskertý jarııalaǵan edi.