27 jeltoqsan kúngi aýa raıy boljamy
NUR-SULTAN. QazAqparat – 27 jeltoqsan kúni respýblıkanyń batys jáne ońtústik-shyǵys bólikterinde jaýyn-shashyn jaýady (kóbinesi qar túrinde). Al elimizdiń soltústik, shyǵys jáne ortalyǵynda aýa raıy kóbinese jaýyn-shashynsyz bolady. Respýblıkanyń batysynda jáne ońtústiginde kóktaıǵaq kútiledi. Keı jerlerde tuman, jaıaý burqasyn jáne jeldiń kúsheıýi boljanady, dep habarlaıdy QazAqparat.
«Qazgıdromet» RMK boljamyna sáıkes, Batys Qazaqstan, Qostanaı, Jambyl oblystarynda tuman, kóktaıǵaq, jaıaý burqasyn kútiledi. Jeldiń ekpini 15-20 m/s kúsheıedi.
Atyraý, Túrkistan oblystarynyń keı jerlerinde tuman, kóktaıǵaq boljanady. Kúndiz Atyraý oblysynda jel 15-20 m/s kúsheıedi.
Almaty, Aqtóbe, Soltústik Qazaqstan, Pavlodar, Qaraǵandy, Shyǵys Qazaqstan oblystarynda keı jerlerde tuman kútiledi, kúndiz Aqtóbe oblysynda jel 15-20 m/s artady.
Sondaı-aq Almaty, Qaraǵandy, Shyǵys Qazaqstan oblystarynda túnde keı jerlerde qatty aıaz bolady.
