27 jasynda áje atandy
ASTANA. QazAqparat - On eki jasar qyz bala jáne onyń on úsh jasar jigiti Ulybrıtanııadaǵy eń jas áke men ana atandy, dep jazdy sársenbide Daily Telegraph gazeti.
Bastaýysh mekteptiń oqýshysy byltyr 11 jasynda júkti bolǵan. Onyń sábıi ótken jeksenbide Londonda dúnıege keldi, balanyń salmaǵy 3,2 kelige jýyq.
Týǵan-týystarynyń aıtýynsha, jasóspirimder bir-birin qatty unatady, kámelettik jasqa jetken soń otaý qurǵylary keledi. Aıta keter jaıt, Anglııada ata-analarynyń kelisimimen 16 jasqa kelgende nekege otyrýlaryna ruqsat etiledi, al brıtandyqtar 18 jasqa tolǵanda ǵana úılený máselesin óz betinshe sheshýge quqyly.
Tarıhqa kirgen oqýshy elge eń jas áje retinde tanylǵan 27 jasar anasymen birge turady, dep habarlaıdy RIA Novostı.
