27 jastaǵy elordalyq qarjygerdiń 3 mln teńgesin aldap alǵan
Oqıǵa tamyz aıynda tirkeldi. Nur-Sultan qalasynyń 27 jastaǵy turǵyny bıznestegi úlesin satatynyn aıtyp, sendergen.
Oblystyq polıtsııa departamenti baspasóz qyzmetiniń habaraýynsha, Aqtóbedegi munaı kompanııalarynyń biriniń qarjygeri aldynyp, 3 mıllıon teńgesinen aıyryldy.
«Taǵy bir oqıǵa mamyr aıynda tirkeldi. Aqtóbe oblystyq polıtsııa departamentine 43 jastaǵy jábirlenýshi júgindi. Tanysy qurylys materıaldaryn jetkizip beremin dep 3 mln teńge alyp, aldap ketken. Keıin aqshany qaıtarmaǵan, qurylys materıalyn jetkizbegen. Eki derek boıynsha da Qylmystyq kodekstiń «Alaıaqtyq» babymen sotqa deıingi tergeý júrip jatyr. Azamattardyń kópshiligi paıda tabý úshin qarapaıym qaýipsizdik sharalaryn umytyp ketedi. Mundaı jaǵdaılarda azamattar óte muqııat bolýy kerek. Aqshany notarıaldy resimdeý arqyly bergen durys», - dedi Aqtóbe oblysy PD bastyǵy Atyǵaı Arystanov.