27 jastaǵy áıel dúnıege «qansyz sábı» alyp keldi

Medıtsınada qany múldem az bolyp týatyn nárestelerdi "arýaq" dep ataıdy. Jaryq dúnıe esigin ashar kezde náreste 80 paıyz qanyn joǵaltqan jáne anasyna kórsetken tusta ol appaq sulbadaı bolǵan, dep habarlaıdy ABC.

Dárigerler odan saraptamaǵa qajet bir tamshy qandy ázer aldy.

«Onyń aıaǵyna ıne salyp, qanyn alar kezde men bir jamandyqtyń bolǵanyn sezdim. Biraq qan múldem shyqpaı jatty», - deıdi balanyń ákesi Djosh Hýares.

Shaqalaqty birden jansaqtaý bólimine jiberdi: onyń bar úmiti endi qan quıýǵa kelip tireldi. Balany qutqaryp alýǵa múmkin boldy, osydan keıin balanyń áke-sheshesi onyń esimin Hoýp (Úmit) dep qoıǵan.

Anasynyń aıtýynsha, júktilik óte jaqsy ótken, alaıda qursaqta kúnine on shaqty ret qozǵalatyn ol týýǵa úsh apta qalǵanda qımylsyz qalǵan. Dárigerler náresteniń qansyz qalýynyń sebebin anyqtaı almaı jatyr.